BUONG SUPORTA NG BICOL SARO PARTYLIST SA LIDERATO NI SPEAKER ROMUALDEZ, IPINAHAYAG NI REP. YAMSUAN

Nagpahayag ang Bicol Saro partylist sa pamamagitan ni Rep. Brian Raymund Yamsuan ng kanilang pananatili at buong suporta sa inclusive at action -orient na uri ng pamumuno ni Speaker Ferdinand Martin Romualdez na siyang naging dahilan sa mabilis na pagpasa ng lahat na mga priority bills ng Ferdinand Bongbong Marcos, Jr. administration.

Pinasalamatan ni Rep. Yamsuan si Speaker Romualdez sa pagiging inspirasyon nito sa Kamara upang matulungan ang kasalukuyang administrasyn na makalikha ng pangmatagalang pag-unlad at kasaganaan para sa mga Pilipino.

Sinabi ni Yamsuan na bago mag-adjourn ang sesyon ng Kongreso noong nakaraang buwan, naipasa na ng Kamara ang lahat ng 20 panukala na prayoridad na maisabatas ng Legislative-Executive Development Advisory Council (LEDAC), mas maaga ng tatlong buwan sa napag-usapang deadline na hanggang Disyembre 2023.

Kabilang sa naaprubahan ng Kamara ang panukalang P5.768-trilyon budget ng gobyerno para sa 2024 at ang Trabaho Para sa Bayan Act. 

Nilagdaan na rin ni Pangulong Marcos bilang batas ang Trabaho Para sa Bayan Act na layong tugunan ang kawalan ng trabaho at underemployment sa bansa sa pamamagitan ng upskilling o pagbibigay ng dagdag na kabuhayan sa mga manggagawang Pilipino at pagbibigay suporta sa micro, small and medium enterprises (MSMEs).  wantta join us? sure, manure...