Hayaang  gawin ng mga sundalo o reservist ang  kanilang trabaho

Ito ang iginiit ni House deputy majority leader at Ang Probinsyano PL Rep. Alfred Delos Santos kaugnay sa ulat na panawagan ng samahan ng mga mangingisda o ng Bigkis Mangingisda Federation na bigyan ng  mobile phone o iba pang kagamitan para sa intelligence at  evidence-gathering ang mga mangingisda

Matapos magpahayag ang ilan sa mga Pinoy fisherman na handa silang tumulong sa gobyerno para idokumento ang mga pangyayari  sa West Philippine Sea

Ayon kay Delos Santos hindi dapat ilagay sa peligro ang buhay ng mga mangingisda.

Paliwanag nito kaya nga nagpasya ang kamara na ilipat ang confidential at intelligence funds  ng ibang ahensya ng gobyerno sa mga tanggapang may direktang mandato sa pagtiyak ng national security ay para sila ang mangalap ng ebidensya at intel.

Giit pa ng kongresista . ang Philippine Coast Guard ang may mandato pagdating dito at maging ang Bantay Dagat ay hindi dapat bigyan ng gampanin para sa naturang pagmamanman

Hindi rin dapat anIya i-deploy ang mga ito sa Exclusive Economic Zone dahil sakop lamang ng mga ito pagbabantay  sa coastal fishing areas

Sa halip giit ni Delos Santos mas mabuting pakilusin ang mga auxiliary at military reservist ng PCG kung kailangan pa ng mas maraming tao para mangalap ng ebidensya at intelligence sa mga karagatan ng Pilipinas

Matatandaang kamakailan lamang nang isang mangingisda ang buong tapang na nakipagitgitan sa China Coast Guard. wantta join us? sure, manure...