hajji Buo ang suporta ni House Speaker Martin Romualdez sa inisyatiba ng Senado matapos ihain ang Resolution of Both Houses of Congress na gagamit ng Constituent Assembly tungo sa pag-amiyenda ang 1987 Constitution.

Ayon kay Romualdez, mahalagang hakbang ang resolusyon partikular sa layunin na luwagan ang economic provisions na nagpapatupad ng restrictions sa pagpasok ng foreign direct investments sa bansa.

Napapanahon na aniyang ihanay ang constitutional framework sa nagbabagong global economic landscape upang matamasa ang paglago ng ekonomiya sa tulong ng competitive at inklusibong economic environment.

Paliwanag ni Romualdez, ang pag-amiyenda sa Konstitusyon sa paraang Con-Ass ay pagpapakita ng commitment sa democratic at participatory process na sumasalamin sa kagustuhang resolbahin na ang mga isyu at hadlang sa kaunlaran.

Naniniwala rin ang House leader na ang pagtutulungan ng Senado at Kamara ay matibay na senyales ng pagkakaisa at maihahanay sa isinusulong na People's Initiative.

Naging agaran umano ang pangangailangan para sa reporma dahil sa pagkilos na hindi nagtatagumpay sa nakaraan kasabay ng pagkillala nito na sensitibong isyu ang constitutional amendments.

Samantala, pinagtibay ni Romualdez ang commitment na titiyaking transparent, inklusibo at alinsunod sa pagnanais ng taumbayan ang proseso at ang lahat ng tinig at interes ay poprotektahan at pakikinggan.

wantta join us? sure, manure...