isa Nakatakdang ipasa ng Kamara ang isang resolusyon na nagpapaabot ng suporta para kay Pang. Ferdinand Marcos Jr. 

Ito ang inanunsyo ni House Majority Leader Manuel Jose Dalipe sa isang pulong balitaan kung saan humarap ang ilang lider ng Kamara, at party leaders. 

Ang resolusyon ay akda sa pangunguna ni House Speaker Ferdinand Martin Romualdez. 

Ani Dalipe, layon ng resolusyon na pagtibayin ang suporta ng Mababang Kapulungan kay Pang. Marcos Jr., kasunod ng mga alegasyon sa kanya ni dating Pang. Rodrigo Duterte. 

Sinabi pa ni Dalipe na nais din ng Kamara na pasalamatan si Pres. Marcos Jr. sa naging trabaho niya bilang Presidente ng bansa, at "commitment" para sa isang "Bagong Pilipinas" sa pamamagitan ng nakatutugon at episyenteng mga serbisyo para sa mga Pilipino. 

Matatandaan na sa prayer rally sa Davao City ay sinabi ni dating Pang. Duterte na kasama umano si Pang. Marcos Jr. sa “narcolist.” 

Ang bagay na ito ay mariing pinabulaanan na ng Philippine Drug Enforcement Agency o PDEA.

wantta join us? sure, manure...