Tina Nanawagan si Manila 6th District Rep. at Metropolitan Bible Baptist Church  senior pastor Bienvenido "Benny" Abante Jr sa mga lider ng bansa  na iwasan ang paggamit ng panalangin para bigyang diin ang kanilang puntong pulitikal at laging  panatilihin ang propesyonalismo.

Ito’y sa gitna ng umiinit na tensyon sa pagitan ng mababa at mataas na kapulungan ng kongreso ukol sa Peoples Initiative para sa Charter Change.

Paliwanag ni Abante , kapag  nananalangin, direktang nakikipag-usap sa Diyos at  ito’y sagradong paraan ng  pagsamba, pagsisisi, at taimtim na pagsusumamo.

Hindi aniya ito ginagamit upang  bigyang diin ang mga puntong pulitikal at bilang publiko at pribadong mamamayan aniya ay dapat pag-isipan ang responsibilidad na dala ng pananampalataya.

Giit ni Abante dapat  hayaan na ang  panalangin ay maging tunay na salamin ng nilalaman ng  puso, pakikipag-usap sa Diyos at hindi para sa  pansariling pakinabang.

Matatandaang nitong weekend lamang nang dumalo ang ilang mga senador  sa isang Prayer and vision casting ng Jesus is Lord Church sa Norzagaray Bulacan kung saan nanalangin si  Senator Imee Marcos na gisingin ng Diyos ang kanyang kapatid na si Pangulong Marcos Jr. at ilayo sa aniya’y  mga demonyong nakapaligid sa palasyo.

==========================

Tina/ Jan 29

Nagpahayag ng kani-kanilang suporta ang mga kongresista  sa Bagong Pilipinas campaign ni Pangulong Ferdinand Marcos Jr.

Ito’y matapos magkasa ng kick off rally sa Maynila ang Pangulo kasama ang kanyang mga supporters kahapon.

Ayon kay KABAYAN Partylist Representative Ron P. Salo sa pamamagitan  ng sama-samang pagsisikap at pagkakaisa malalagpasan ng Pilipinas ang mga hamon at magbibigay daan ito sa mas magandang kinabukasan

Naniniwala si Salo na makakamit ang ‘ bagong pilipinas’ sa pamamagitan pagkakaisa kung saan ang lahat ng Pilipino ay gagawin ang kanilang bahagi. 

Ayon naman kay House Ways And Means  Chair Joey Sarte Salceda, hindi lamang isang slogan ang bagong Pilipinas kundi programa ng gobyerno  na sumasalamin sa direksyon ng modernisasyon ng administrasyon at sa mga polisiyang prayoridad nito.

Una na ring nagpahayag ng kanyang suporta si House speaker Martin Romualdez sa nasabing kampanya at sinabing ito ang  simula ng makabagong direksyon ng Pilipinas na hindi lang para sa atin ngunit lalong higit  para sa mga kabataan.

wantta join us? sure, manure...