medAff PAGLIKHA NG MGA SCHOLARSHIP HUBS, APRUBADO SA KAPULUNGAN

Inaprubahan ng Komite ng Higher and Technical Education sa Kapulungan ng mga Kinatawan, na pinamumunuan ni Baguio City Rep. Mark Go ngayong Lunes, ang House Bill (HB) 9675, batay sa istilo at mga amyenda, na magmamandato sa mga lokal na pamahalaan (LGUs) na magtatag, magpairal, at magmantine ng Handog na Oportunidad Para sa Edukasyon (HOPE) Centers, o scholarship hubs sa bawat lungsod at munisipyo. 

Sinabi ni Quezon City Rep. Ma. Victoria Co-Pilar, may-akda ng panukala na ang paglikha ng mga HOPE Centers ay tutugon sa problema ng hindi pagkakapantay-pantay ng akses sa edukasyon. 

“The HOPE Centers would ensure the prompt, timely, and efficient delivery of scholarship programs and opportunities by establishing a repository of scholarships offered by different public and private institutions or persons, as well as creating an integrated system of scholarship application,” aniya. 

Idinagdag niya na “in the Philippines, the evident reality persists that access to quality education remains a privilege than a right. Inequality of access plagues our educational system, erecting insurmountable barriers before numerous and aspiring Filipino youths,” ayon kay Co-Pilar. 

Isinasaad sa panukala na ang  HOPE Center ay maaaring itayo sa bawat congressional district sa mga Highly Urbanized Cities. 

Ang mga centers ay iuugnay sa mga tanggapan sa rehiyon ng Commission on Higher Education para sa pangangasiwa at teknikal na pangangasiwa, habang ang CHED Central Office naman ang mangangasiwa ng national scholarship program network. 

Isasailalim ang mga centers sa tanggapan ng mayor o city mayor. 

Ang pondo  sa operasyon at pagmamantine ng mga HOPE Center ay magmumula LGU internal revenue allotment at iba pang internally generated income, habang ang probisyon sa  technical assistance ng center, pagsasanay, at pangangasiwa ay isasama sa taunang badyet ng CHED. 

Inaprubahan rin ng Komite ang: 1) HBs 8012 at 8013, na gagawing regular campuses ang extension campuses ng Southern Luzon State University sa Lungsod ng Lucena at ang nasa Munisipyo ng Tiaong, ayon sa pagkakasunod, na parehong nasa Lalawigan ng Quezon, na iniakda ni Deputy Speaker David ‘Jay-jay’ Suarez; at 2) HB 8296, na gagawing regular campus ang Malabuyoc Extension Campus ng Cebu Technological University (CTU) sa Munisipyo ng Malabuyoc, Cebu, na iniakda ni Rep. Peter John Calderon. 

Inaprubahan rin ng Komite ang pagsasama-sama ng mga sumusunod na panukala: 1) HBs 1762, 3249, 4365, 5628 at 7381, na nagpapaunlad at nagpapalakas ng edukasyong agrikultural at pagsasanay sa bansa sa pamamagitan ng pagsasainstitusyon ng manpower development para sa agricultural entrepreneurship sa post-secondary level, na inikada nina Reps. Marlyn ‘Len’ Alonte, Lex Anthony Cris Colada, Gus Tambunting, Luis Raymund ‘LRay’ Villafuerte Jr., at Patrick Michael Vargas, ayon sa pagkakabanggit na ang 2) HB 3238, ay nagtatatag ng pambansang sistema sa agriculture education institutions sa pamamagitan ng paglalagay ng mga mekanismo sa implementasyon, na iniakda nina Reps. Yedda Marie Romualdez at Jude Acidre.

wantta join us? sure, manure...