BAGONG BSP GOVERNOR, MALAKI ANG HAMON NA KAKAHARAPIN

Nahaharap sa malaking hamon si Eli Remolona sa kanyang tungkulin bilang bagong Governor ng Bangko Sentral ng Pilipinas.

Ito ang reaksiyon ni Congressman Joey Salceda, Chairman ng House Ways and Means Committee sa balitang papalitan ni Remolona si BSP Governor Felipe Medalla na magtatapos na ang termino sa Hulyo.

Sinabi ni Salceda na masusubok ang policy direction ni Remolona sa sandaling magsimula na ito sa kanyang tungkulin sa July 2.

Ayon kay Salceda, inaasahan niya na ipagpapatuloy ni Remolona ang mga programa na nasimulan ni Medalla.

Patikular na dapat gawin ni Remolona ay protektahan ang bansa mula sa external shocks sanhi ng mga kaganapan sa world market.

Pinasalamatan naman ni Salceda si Medalla sa paglilingkod nito sa BSP sa panahon na bagsak ang ekonomiya na pinalala ng covid-19 pandemic. wantta join us? sure, manure...