Junior Citizens, bibigyan ng benipesyo ng pamahalaan

Sa ilalim ng HB00092 ni Surigao del Norte Rep. Robert Ace Barbers at HB08312 ni Camarines Sur Rep. LRay Villafuerte na tatawaging Junior Citizens Act, ang mga batang edad 0 to 12 years old na ang pamilya ay kumikita ng P250,000 kada taon ay ipinapanukalang bigyan ng health benefits at mga diskwento.

Kabilang dito ang 20% discount at vat exemption sa gamot, bakuna, milk supplements para sa mga edad 4 hanggang labindalawa, professional fee ng mga doktor mula pribadong ospital at health care facilities, professional fee ng mga homecare service providers, gayundin sa mga medical at dental services at laboratory sa pribadong pasilidad at iba pang kahalintulad na serbisyo.

Magiging libre naman ang naturang health services kung ito ay sa pampublikong health facility.

May diskwento rin ang mga junior citizen sa admission fee sa sinehan at iba pang uri ng leisure at amusement pati sa funeral at burial services sakaling ito at pumanaw.

Para naman maging kwalipikado, ang magulang o guardian ay kailangan magsumite ng birth certificate ng junior citizen mula sa sa Philippine Statistics Authority at Income Tax Return na nagpapakita na annual income ng pamilya ay hindi hihigit sa P250,000

Magkakaroon naman ng Junior Citizen ID at booklet na maaaring kunin sa barangay o LGU

Otomatiko ring mapapasailalim sa Philhealth coverage ang junior citizens anoman ang halaga ng family income.

Bubuo ng isang national coordinating and monitoring board na mangunguna sa pagpapatupad ng panukala na pamumunuan ng DOH at DSWD. wantta join us? sure, manure...