Pormal nang nai-transmit ng plenaryo ng Kamara sa Senado ang panukalang 2024 National Budget.

Sa special session ng Kamara ngayong Sabado, inanunsyo ni House Majority Leader Mannix Dalipe ang pag-transmit ng House Bill 8980 o ang 2024 General Appropriations Bill.

Ang panukalang pambansang pondo para sa susunod na taon ay aabot sa P5.768 trillion.

Matatandaan na aprubado na ng Kamara ang bersyon nito ng 2024 GAB noong Sept. 27.

Bumuo ng isang “small committee” ang Kamara, na naatasang kumalap at magplantsa ng mga panukalang amyemda ng mga kongresista.

Kabilang sa mga kontrobersyal na amyenda ay ang pag-alis ng confidential and intelligence funds o CIF ng ilang civilian agencies, pati ang Office of the Vice President at target na ilipat sa mga ahensya na may direktang kinalaman sa pagtugon sa mga isyu sa West PH Sea at iba pa. wantta join us? sure, manure...