milks Desisyon ng Comelec na suspindihin ang mga hakbang para sa P-I, pinuri ng Makabayan bloc…

…

Winelcome ng Makabayan bloc ang desisyon ng Commission On Elections na suspindihin ang lahat ng mga hakbang para maisulong ang People’s Initiative.

Ayon kay House Deputy Minority Leader France Castro, maganda itong balita matapos ipanawagan ng Bayan Muna ang maagap na pagpapalabas ng “withdrawal templates”.

Sabi ni Castro, layunin nito na mapigilan ang panloloko sa likod anya ng pekeng initiative.

Bukod anya sa iaksaya lang ito ng oras, sinabi ni Castro, sayang ang pagod ng Comelec at pera ng taongbayan kung papatulan pa nila ang pekeng initiative.

Dagdag pa ni Castro, mas dapat tutukan ng Comelec ang pagpapa-rehistro ng mga botante para sa nalalapit na midterm elections sa 2025.

Una rito, sinuspindi ng Comelec ang proceedings sa P-I para amyendahan ang saligang batas.

Paliwanag ni Comelec Chairman George Garcia, layunin nito na marepaso at maamyendahan ang mga patakaran sa pagdaraos ng P-I at kung ano ang magiging hurisdiksiyon ng komisyon.

wantta join us? sure, manure...