rye Sagot ng PhilHealth sa gastos ng mga pasyente lakihan—Speaker Romualdez

Dapat umanong lakihan ng Philippine Health Insurance Corporation (PhilHealth) ang sinasagot nitong bayarin ng mga pasyente sa pribadong ospital, ayon kay Speaker Ferdinand Martin G. Romualdez.

Ayon kay Speaker Romualdez nais nitong pulungin ang mga opisyal ng PhilHealth at ng Department of Health (DoH) upang talakayin kung papaano mapalalawak ang mga benepisyo ng mga miyembro, kabilang na ang pagtaas ng saklaw na bayarin sa mga pribadong ospital. 

“Marami ang nagtatanong sa atin kung puwedeng dagdagan ang sasagutin ng Philhealth sa billing at doctors’ fees kapag private ang kinuha na k'warto o sa pay ward,” ayon kay Speaker Romualdez.

Ayon pa sa pinuno ng Kamara pangunahing inirereklamo ng mga pasyente lalo na ng mga mahihirap na umaabot lamang sa 15% hanggang 20% ang sinasagot ng PhilHeath sa hospital bills.

Ayon pa sa natanggap na reklamo ni Speaker Romualdez, 30% lamang ng bayarin ang sinasakop na subsidiya ng PhilHealth sa mga pasyenteng nasa pribadong ospital kabilang na ang professional fees ng mga doktor at espesyalita.

“Hindi naman lahat na na-aadmit sa ospital ay nasa free o charity ward. Mabilis kasi maubos ang mga charity beds,” ayon pa sa pinuno ng Kamara.

Ayon sa mambabatas nais niyang malaman sa mga opisyal ng Philhealth kung magkano ang dapat na matanggap ng mga miyembro na naka-admit sa pribadong ospital.

“Hiling ng mga tao na kalahati ng bill nila sana kapag na-admit sa private ay sagutin ng Philhealth para kalahati na lang ang bayaran ng miyembro,” ayon kay Romualdez. 

Sinang-ayunan din Dr. Jose Degrano, pangulo ng Private Hospital Association of the Philippines (PHAP), ang mungkahi Speaker Romualdez. 

Ayon kay Degrano, napakalaking tulong sa publiko kung maisasakatuparan ang pagpapalawak ng saklaw ng Philhealth sa mga bayarin, lalo’t marami ang mahihirap na naa-admit sa payward dahil naubusan na ng ‘beds’ sa charity ward.

“Mabigat din para sa kanila ang doctors’ fees” ayon pa kay Degrano.

Sinabi ni Speaker Romualdez na bilang pinuno ng Kamara ay maghahanap ito ng solusyon upang matugunan ang mga reklamo.

“Maghahanap tayo ng solusyon kung papaano magawan na paraan itong kahilingan ng taumbayan na hindi na dadaan sa paggawa pa ng batas dahil medyo matagal ito,” ayon pa kay Speaker Romualdez.

“Definitely, we hear our constituents. Therefore, we have to do something about it,” giit ng mambabatas. (END)

wantta join us? sure, manure...