PAG-IISYU NG LTO NG PAPEL NA DRIVER’S LICENSE, MARIING TINUTULAN SA KAMARA

Mariing kinontra ni AGRI Party-list Rep. Wilbert Lee ang pag-iisyu ng papel na driver’s license sa harap ng kakapusan ng plastic na drivers' license cards.

Sinabi ni Lee na sapat na ang official receipt dahil magiging dagdag gastos at pagsasayang ng pera kung mag-print pa sa papel ng temporary driver's license.

Ayon kay Lee, hindi unli ang pera ng pamahalaan kaya hindi sagot sa problema ng driver’s license ang pagsasayang ng milyun-milyong papel, ink, kuryente at effort sa pag-print ng mga ito.

Kaya, panawagan ni Lee sa Land Transportation Office o LTO at sa iba pang card-issuing agencies na kung kaya naman nang patunayan ng official receipt, ay huwag nang gumawa ng temporary card.

Dahil dito, iminungkahi din ni Lee na mabigyan ng mas malaking pondo ang LTO upang maresolbahan nito ang mga problemang kinakaharap tulad ng kawalan ng plastic para sa driver’s license at backlog sa license plate.

###### wantta join us? sure, manure...