SPEAKER ROMUALDEZ, NANAWAGAN NG MAS MARAMING PROYEKTONG PPP NA SUSI SA MODERNISASYON NG IMPRASTRAKTURA, AT MAKAKAPAGPAANGAT SA KABUHAYAN NG MGA PILIPINO

Nanawagan ngayong Miyerkules si Speaker Ferdinand Martin G. Romualdez ng mas maraming proyekto sa pamamagitan ng public-private partnership, at sinabing ito ang susi sa modernisasyon ng mga kinakailangang imprastraktura sa bansa, na magdadala sa kaunlaran at maiangat ang kabuhayan ng sambayanang Pilipino.

Pinanawagan ito ni Speaker sa kanyang mensahe, sa okasyon ng pagpapasinaya ng proyekto ng Third Candaba Viaduct ng Metro Pacific Tollways Corp. (MPTC) at NLEx Corp. na idinaos sa Brgy. Dulong Malabon sa Pulilan, Bulacan.

Tinarget na makumpleto ito sa Nobyembre 2024, palalawakin ng proyekto ang kasalukuyang istraktura ng viaduct sa pamamagitan ng pagdaragdag ng mga inner at outer shoulder sa tatlong linya sa bawat direksyon, at inaasahang magpapabilis ng pagbyahe ng mga motorista mula sa kasalukuyang 40-60 kph hanggang 60-80 kph.

“The Candaba Third Viaduct serves as a symbol of the fruitful partnership between the government and the private sector. It is a testament to what we can achieve when we work together towards a common goal,” ayon sa kaniya.

Ipinahayag niya ang kanyang pasasalamat kay Pangulong Ferdinand R. Marcos, Jr. sa kanyang hindi natitinag na suporta para sa kaunlaran ng imprastraktura ng bansa.

“Under his visionary leadership, we have witnessed a renewed commitment to the Build Build Build program, which aims to propel our nation towards progress and inclusive growth,” aniya.

Binanggit rin niya ang walang humpay na pagsusulong ng mga kinatawan ng Pampanga ng ika-19 na Kongreso, kabilang na sina Senior Deputy Speaker Aurelio “Dong” Gonzales, Jr., Deputy Speaker Gloria Macapagal-Arroyo, at Representatives Jon Lazatin at Anna York Bondoc, gayundin ang pakikipagtulungan ng mga opisyal ng lokal na pamahalaan ng Bulacan at Pampanga, upang maging makatotohanan ang proyekto sa pinakamadaling panahon.

Binanggit ni Speaker Romualdez na ang Candaba Viaduct, na nagsisilbing strategic expressway link na kumokonekta sa Metro Manila at Central at North Luzon corridor ng ilang dekada, ay naging naging bahagi para sa pagpapasilidad sa pagkilos ng mga tao, produkto at serbisyo.

“However, as our population grows and our economy expands, it is imperative that we invest in the modernization and expansion of our infrastructure,” punto niya. 

Itinayo noong 70’s, dinaanan ng 5-km viaduct ang Candaba Swamp, at dumudugtong sa mga lalawigan ng Bulacan at Pampanga. Naunang itinayo na 2 X 2 configuration lamang o dalawang linya sa bawat direksyon, ito ay ginawang 2 X 3 noong 2017 para i-maximize ang kakayahan nito, at ngayon ay sineserbisyuhan nito ang tinatayang 80,000 motorista sa bawat araw.

“The construction of the Candaba Third Viaduct is a testament to our collective commitment to meet these growing demands head-on. This project, with the support of President Bongbong Marcos, is a significant component of the government's Build Build Build program,” aniya.

“It exemplifies our determination to enhance connectivity, promote economic development, and uplift the lives of our people,” dagdag pa ni Speaker Romualdez.

Binanggit niya na hindi lamang pahuhusayin ng proyekto ang network ng transportasyon kungdi mag-aambag rin ito sa kabuuang kaunlaran ng ekonomiya ng lipunan sa rehiyon, dahil makakalikha ito ng maraming trabaho, makakahikayat ng pamuhunan, at magpapalago ng ekonomiya.

“As we break ground today, we are not just laying the foundation for a new structure; we are paving the way for progress, prosperity, and a brighter future for our nation. The Candaba Third Viaduct will stand tall as a symbol of our aspirations, our commitment to sustainable development, and our unwavering dedication to the welfare of our people,” punto ni Speaker Romualdez.

Noong Mayo, inaprubahan ng Kapulungan ng mga Kinatawan sa ikatlong pagbasa ang House Bill No. 8078, na naglalayong pagtibayin ang 30-taong National Infrastructure Program (NIP).

Ipinapanukala sa batas na pagtuunan ang mga pagsisikap sa transportasyon, enerhiya, mapagkukunan ng tubig, impormasyon, at teknolohiya sa komunikasyon, modernisasyon sa agri-fisheries at food logistics, at social infrastructure.

Ang NIP ay popondohan sa pambansang badyet, public-private partnership (PPP) arrangements, kabilang na ang hybrid PPPs, o lokal na pamahalaan, o kombinasyon ng mga sources na ito.  wantta join us? sure, manure...