Hajji-

Inanunsyo ni House Speaker Martin Romualdez na nagbigay ng direktiba si Pangulong Bongbong Marcos para sa distribusyon ng tulong-pinansyal sa pamilya ng anım na sundalong nasawi sa pakikipaglaban sa teroristang grupong Dawlah Islamiyah-Maute sa Lanao Del Norte.

Inihayag ito ni Romualdez kasabay ng paglulunsad ng pinakamalaking Bagong Pilipinas Serbisyo Fair na idinaos sa Sultan Kudarat na pakikinabangan ng 150,000 residente.

Sa harap ng mga opisyal ng Armed Forces sa lalawigan ay nagbigay-pugay ang leader ng Kamara sa magigiting na sundalong nakipagbakbakan sa Lanao del Norte.

Bukod sa cash assistance, tatanggap ang bawat pamilya ng mga nasawi ng educational at livelihood assistance.

Samantala, nasa 1.2 billion pesos na halaga ng programa, proyekto at serbisyo ang inihatid sa loob ng dalawang araw na BPSF na nilahukan ng limampu’t limang ahensya ng gobyerno.

Ito rin ang unang serbisyo caravan sa SOCCSKSARGEN kung saan kabilang sa ipinamahagi ang 200 million pesos na cash assistance sa ilalim ng Assistance to Individuals in Crisis Situations o AICS ng DSWD at TUPAD program ng DOLE.

Pinangunahan din ni House Speaker Martin Romualdez ang distribusyon ng tatlumpung libong sako ng bigas na nagsabing ang BPSF ay patunay na ang Mindanao ay malapit umano sa puso ng mga leader ng bansa.

wantta join us? sure, manure...