Speaker Romualdez idinepensa ang Kamara laban sa mga kritiko, “Walang personalan, trabaho lang”

Ipinagtanggol ni Speaker Ferdinand Martin G. Romualdez ang Kamara de Representantes at mga miyembro nito laban sa kritiko, pagbabanta, at pananakot saan man ito nanggaling.

Sa kanyang talumpati sa muling pagbubukas ng sesyon, tinuligsa ni Speaker Romualdez ang iilan na ang intensyon ay lumikha umano ng pagkakawatak-watak ng bansa.

“Tatayo ako laban sa sinuman na mananakot sa atin para masunod lamang ang gusto nila. Titindig ako - tayong lahat - para sa kapakanan ng bayan,” he told his colleagues. “Nagkakaiba man tayo ng pananaw at paniniwala, nagkakaisa tayong tumitindig kung intaatake ang ating institusyon. Hindi rin natin papayagan ang sinuman na pigilan tayo sa paggampan ng ating mandato sa ating mga kababayan,” ani Speaker Romualdez lider ng mahigit 300 miyembro ng Kamara.

Sinabi ni Speaker Romualdez na bagamat ang Kamara ay mayroong mga miyembro na nanggaling mula sa iba’t ibang grupo, isinasantabi umano ang mga pagkakaibang ito upang ipagtanggol ang institusyon at miyembro nito laban sa mapagsamantalang motibo na nais lamang alisin ang kanilang atensyon sa pagganap ng kanilang mandato.

Binigyan-diin ni Speaker Romualdez na ginamit ng Kamara ang kapangyarihan nito ng ilipat ang bahagi ng panukalang budget para sa susunod na taon sa mga proyekto at programa na sa tingin nito ay mas kinakailangang mapondohan.

“The House was never lenient, nor did it favor anyone. The entire process was dedicated to uplifting the lives of our fellow citizens and staying true to the fundamental principles of the system of checks and balances in the government,” ani Speaker Romualdez.

Sinabi ni Speaker Romualdez na ginagawa lamang ng mga miyembro ng Kamara ang kanilang trabaho.

“Wala pong personalan dito. Trabaho lang,” wika pa ng lider ng Kamara.

Ayon kay Speaker Romualdez handa siyang tumayo upang ipaglaban ang aksyon at desisyon ng Kamara kaninuman.

“We have consistently upheld the principles associated with democracy, representation, fairness, pluralism, and even dissent,” sabi pa nito.

Sinabi ni Speaker Romualdez na sa kabila ng mga nagawa ng Kamara ay mayroon pa ring mga sektor o indibidwal na hindi nasisiyahan dahil iba ang kanilang prayoridad kaya kanilang sinisiraan ang institusyon.

Nagpasalamat naman si Speaker Romualdez sa kanyang mga kasamahan sa kanilang pagpupunyagi kaya maganda ang pagtingin ngayon sa Kamara.

Patunay umano rito ang mataas na rating na kanyang nakuha sa OCTA Research survey na mula 38 porsyento noong 2022 ay umakyat sa 60 porsyento ang kanyang trust rating sa survey noong Oktobre 2023.

Tumaas din ang performance rating ni Speaker Romualdez na mula 44 porsyento noong 2022 ay naging 61 porsyento sa survey noong Oktobre.

Ang rating na nakuha ni Speaker Romualdez noong Oktobre ay mas mataas din ng tig-6 porsyento kumpara sa resulta ng survey noong Hulyo.

“Our efforts did not go unrecognized, as evidenced by the fact that, according to the latest surveys by reputable polling groups, we received the highest performance rating for the third quarter of 2023,” ani Speaker Romualdez.

Ang resulta ng survey, ayon sa lider ng Kamara ay pagpapakita na tama ang direksyong tinatahak ng Kamara.

“Kung hindi dahil sa sipag at suporta ninyong lahat, hindi natin maibabalik ang tiwala ng mamamayan sa Kongreso. Ang mataas na pagkilala ng publiko są inyong Speaker at są ating Kapulungan ay bunga ng ating pagkakaisa at sama-samang pagkilos,” anito.

 

“Ito rin ay pagkilala na tama ang ating ginagawa sa institusyong into. Mahirap mang gawin ang ilang desisyon na ating hinarap, napatunayan natin na nasa tamang panig tayo ng kasaysayan,” saad pa ni Speaker Romualdez.

Naalala rin ni Speaker Romualdez ang kanyang pangako noong siya ay nanalong Speaker na isusulong ang parehas na distribusyon ng resources ng gobyerno saang partido man ito nanggaling.

“I emphasized then that the politics of division has no place in this chamber. This still holds to this day, only now I reiterate this with a stronger resolve and greater conviction,” saad pa nito.

 

“But let it be said, never must be countenance or allow others not so likely-minded individuals who choose to malign or put down the image of this institution and dictate the direction we must go. I urge everyone to rally behind our moral compass - the will of the people,” wika pa ni Speaker Romualdez.

Sinabi ni Speaker Romualdez na marapat na hayaan ang mga nagawa ng Kamara upang maipakita ang loyalty nito sa bansa, Konstitusyon, at mga Pilipino.

“Our most important clients, the constituents we are all duty-bound to serve, expect nothing less than results founded on honesty, trustworthiness, and moral uprightness - non-negotiable demands we must safeguard and deliver,” anito.

“Let us focus on the tasks at hand. When our goals are aligned, we could be an excellent force, propelling our country into unbridled progress. Let us ensure that our actions will promote development in all spheres of both the government and society,” dagdag pa ng lider ng Kamara. (END) wantta join us? sure, manure...