Inanunsyo ni House Speaker Martin Romualdez na magbibigay ito ng isang milyong piso sa pamilya ng dalawang Pilipinong nasawi sa kasagsagan ng hidwaan sa pagitan ng Israel at Hamas militants.

Ayon kay Romualdez, ito ay joint personal donation kasama si Tingog Party-list Representative Yedda Marie Romualdez.

Siniguro rin nito na maghahanap ng pagkukunan ng oportunidad sa hanapbuhay at scholarship upang matulungan ang mga naulila ng dalawang kababayan na nasawi sa Israel.

Maliit na halaga lamang aniya ang donasyon bilang pakikisimpatya sa mga nawalan ng mahal sa buhay at bahagi ng pagsuporta sa kanilang pinagdadaanan.

Kasabay nito, nagpaabot ng kanyang pakikiramay si Romualdez sa pamilya ng 42-anyos na lalaki mula sa Pampanga at ang 33-anyos na babae mula sa Pangasinan.

Iginiit ng House Speaker na magsisilbing paalala ang insidente na lubhang mapanganib ang kinahaharap na sitwasyon ng mga Pilipino na naghahanap ng oportunidad abroad.

Kumpiyansa naman ang leader na ginagawa na ng gobyerno ang lahat upang matiyak ang kaligtasan at kapakanan ng mga Pilipinong naipit sa gulo. wantta join us? sure, manure...