Isinusulong ni Bicol Saro PL Rep. Brian Yamsuan na gawing “force multipliers” laban sa terorismo ang mga tanod, at iba pang civilian volunteer organizations o CVOs. 

Ito ay kasunod ng malagim na pambobomba sa isang misa sa Mindanao State University o MSU, na ikinamatay ng 4 na tao at ikinasugat ng marami. 

Ayon kay Yamsuan, na dating assistant secretary ng DILG ---  mabuting palakasin ang kapabilidad ng mga tanod, barangay peace and order committees at CVOs, upang makatulong sila sa pagmo-monitor ng mga kahina-hinalang mga kilos sa kanilang komunidad. 

Giit ni Yamsuan, sa problema sa terorismo --- ang pagbabantay ay dapat hanggang sa barangay level. 

Suhestyon ni Yamsuan, ang CVO members ay kailangang pumasa sa mga requirement at sumailalim sa basic military training, bago ma-recruit at isabak ng Philippine National Police o PNP. 

Ang mga tanod at peace and order committees naman ay aatasang tumulong sa mga pulis at sundalo pagdating sa pagkalat ng impormasyon, at sa pag-uupdate ng records ng mga residente at hindi residente sa kani-kanilang mga komunidad. 

Ang istratehiyang ito, ayon kay Yamsuan, ay dati nang ginawa ni dating DIL Sec. Ronaldo Puno, laban sa terorismo. 

Hihirit naman si Yamsuan kay House Speaker Ferdinand Martin Romualdez na pulungin ang PNP at Armed Forces of the Philippines, pati ang iba pang ahensya, para matukoy kung papaano palakasin ang sistema ng imbestigasyon ng mga pag-atake, pagbabantay sa mga pampublikong lugar at mga pasilidad, at posibilidad ng dagdag-budget at resources. wantta join us? sure, manure...