isa Tutol ang nakararaming empleyado ng Mababang Kapulungan sa isinusulong na relokasyon ng gusali ng Kamara sa Bonifacio Global City o BGC sa lungsod ng Taguig. 

Ito ang lumabas sa survey, na inilunsad ng tanggapan ng Office of the House Secretary General. 

Mula sa 1,698 na responses o sumagot hanggang nitong Jan. 21, 2024 --- lumabas na nasa 1,481 o 88% ang kontra sa paglipat ng Kamara sa BGC. 

Habang aabot naman sa 208 o 12% lamang ang mga bumotong pabor. 

Sa datos, halos limang libo ang bilang ng mga kongresista, congressional staff at secretariat sa Kamara; pero nasa 1,698 lamang ang tumugon o katumbas ng 36%. 

Nauna nang sinabi ng House SecGen na layon ng survey na malaman ang pananaw ng mga kawani ng Kamara. 

Inaasahan namang magpapatuloy pa ang deliberasyon ng binuong Ad Hoc Committee.

wantta join us? sure, manure...