IGNORANCE OF THE LAW EXCUSES NO ONE, ESPECIALLY THOSE WHO MADE THEM

Sinabi ni Deputy Speaker David "Jay-jay" C. Suarez ng lalawigan ng Quezon na ignorance of the law excuses no one, lalo na kung ang nagsasabi nito ay yung mismong gumawa at lumagda sa batas. 

Ayon kay DS Suarez, sinasabi umano nina Senators Imee Marcos, Ronald dela Rosa at Risa Hontiveros na hindi daw nila alam ang tungkol sa ayuda program nang aprubahan at pirmahan nila ang 2024 General Appropriations Bill. Ito ang dokumentong naglalaman ng AKAP o Ayuda para sa Kapos ang Kita Program. 

Pumirma sila sa Bicam report at nandun ang lagda nila hindi lang sa special provision on AKAP kundi sa buong Bicam report.

Inaprubahan din ng buong Senado ang Bicam report bago nila ipinasa ang 2024 General Appropriations Bill para pirmahan ni Pangulong Marcos.

Tanong tuloy ni Suarez kung ugali ba talaga ng mga senador pumirma kahit hindi nababasa ang dokumentong pinirmahan nila? Paano na ang ibang batas na ipinasa nila sa Senado? Hindi rin kaya nila binasa bago sila pumirma?

Dagdag pa ng mambabatas na kahit walang katibayan, pilit kinukulayan at dine-demonize ang isang proyektong tutulong sa mahihirap nating kababayan.

Kunsabagay, yan na yata ang uso ngayon sa Senado: mag-akusa lang nang mag-akusa kahit walang pruweba. 

Isa lang ang tanong: Ano po ba ang bawal, masama o mali sa isang batas tulad ng AKAP na magbibigay ng one-time assistance na P5,000 sa mga grab drivers, service crew, factory workers at iba pang manggagawa? 'Di ba silang mahihirap ang nililigawan ng mga senador tuwing halalan? Di ba sila rin ang bumoto para ma-enjoy ng mga senador ang kapangyarihan nila ngayon? Bakit ngayon ang ayuda para sa kanila, bawal daw? Masama daw?

Basta kami sa Kongreso, tatayuan namin ang batas na ito na tutulong sa ating mga kababayan. Tungkulin natin yan sa bayan. At sa mga senador na kumukwestyon sa AKAP, kayo na lang ang magpaliwanag sa 12-milyong pamilyang Pilipino na umaasang matatanggap nila ang ayudang ito.

(END)

wantta join us? sure, manure...