BUDGET PARA SA MARAWI VICTIMS’ COMPENSATION SA TAONG 2024, IPINA-AAJUST SA KAMARA

Nais malaman ni Lanao del Sur Rep. Zia Alonto Adiong kung puede pa bang ma-adjust ang budget na inilaan para sa Marawi victims’ compensation sa Budget 2024.

Sinabi ni Adiong kahapon kay Department of Budget Management o DBM Sec. Amenah Pangandaman na mula nang buksan ang application para sa Marawi victims’ compensation ay nasa 2034 applicants na ang na-profile ng Marawi Compensation Board.

At sa bilang na ito, nasa higit isang daang pamilya na aniya ang vetted at posibleng umabot ng 5 million kada indibidwal ang halaga ng claims.

Ngunit ayon kay Pangandaman, dahil sa nabuo na ang 2024 budget ay hindi na nila ito maaaring dagdagan.

Gayunman, maaari namang i-realign aniya ng Kongreso ang pondo para madagdagan ang P1 billion na proposed budget nito.

Nangako rin ito na sa susunod na taon, ay ikokonsidera ang dagdag funding sa compensation claims basta’t maisumite ng compensation board ang listahan ng mga claimants. wantta join us? sure, manure...