Kumpiyansa si House Senior Deputy Speaker Aurelio Gonzales Jr. na mababawi sa huling quarter ng taon ang paglago ng ekonomiya.

Ito’y matapos maitala sa 5.9 percent ang GDP growth nitong third quarter ng 2023.

Ayon kay Gonzales, nasa "growth period" na ang bansa kung saan natatanggap ng mga manggagawa sa pampubliko at pribadong sektor ang kanilang yearend bonuses, cash gifts at iba pang insentibo.

Panahon din aniya ito ng pagpapadala ng pera ng overseas Filipino workers para sa kanilang pamilya at kaanak na nasa Pilipinas.

Ipinaliwanag ng kongresista na tiyak tataas ang spending ng publiko at mag-aalok ng mas maraming produkto at serbisyo ang mga negosyo.

Aminado si Gonzales na ang average na 5.5 percent economic growth sa unang tatlong quarter ay mas mababa sa minimum target na 6 percent para sa buong taon.

Ngunit kung titingnan umano, mas mataas pa ito kumpara sa 5.3 percent na naitala ng Vietnam gayundin sa 4.9 percent ng China at Indonesia at 3.3 percent ng Malaysia. wantta join us? sure, manure...