Umapela ang bagong Deputy Speaker ng Kamara na si Lanao Del Sur Second District Representative Yasser Alonto Balindong sa mga kapwa mambabatas na pagtulungan ang pagpasa ng mga panukala na tutugon sa inflation.

Ayon kay Balindong, dapat labanan ang pagtaas ng presyo ng pagkain  at suportahan ang sektor ng agrikultura sa bansa.

Tututukan din aniya ang legislative measures na makalilikha ng dagdag na trabaho na magpapalago sa ekonomiya.

Giit ni Balindong, nasusukat ang tagumpay ng Kongreso sa kung paano nagkaisang magtrabaho ang mga mambabatas para iangat ang buhay ng mamamayan.

Nanawagan naman ang Deputy Speaker sa mga kasamahan na patuloy na suportahan si Pangulong Bongbong Marcos at ang liderato ni Speaker Martin Romualdez.

Pagtitiyak pa ni Balindong, handa siyang tumalima sa House Resolution Number 1414 upang ipagtanggol ang integridad at reputasyon ng Mababang Kapulungan.

Mababatid na pinalitan ni Balindong si Davao City Representative Isidro Ungab bilang Deputy Speaker habang si Isabela Representative Tonypet Albano naman ang humalili kay dating Pangulong Gloria Macapagal-Arroyo. wantta join us? sure, manure...