Iminungkahi ni Appropriations Committee Senior vice-chair Stella Quimbo sa Department of Agriculture na suspindihin muna ang pagpapataw ng taripa sa imported na bigas.

Sa paghimay sa panukalang budget ng DA, sinabi ni Quimbo na kung aalisin muna nag taripa sa inaangkat na bigas ay halos magiging kapantay lang nito ang presyo ng local rice bago ang storage at maketing cost.

Batay sa datos ng DA ang kasalukuyang landed cost ng imported na bigas ay nasa P20 pesos…at kung daragdagan ng taripa ay papalo ang bentahan sa P30 hanggang P40

Kung ikukumpara naman sa lokal na bigas, papalo rin ito ng P28 hanggang P30.

Kaya kung aalisin ang taripa ay mapapababa kahit papaano ang presyo ng imported na bigas.

“So kung ipagpapaliban muna natin ang pag-collect ng tariff, magiging halos pantay po ang presyo ng local at imported at more or less at P30 before storage cost and marketing cost…Ang stiwasyon ngayon is mas mura ang local, so when we bring in imported rice, in order for us to make sure that price is as low as possible in order to prevent rice inflation, baka naman pwede nating suspindihin muna ang pagkolekta ng taripa.” Hirit ni Quimbo

Wala namang nakikitang problema si Quimbo kung suspindihin muna ang taripa dahil may nalalabi pang halos P10 billion na pondo para sa Rice Competitive Enhancement Fund mula 2022 hanggang 2023 na magagamit pa rin para sa tulungan ang mga magsasaka salig sa Rice Tariffication Law.

“Anyway, marami pa naman pong natitirang pondo sa RCEF-- 2022 at 2023. And at the same time medyo may kabagalan naman talaga ang paggamit ng RCEF…meron tayong 2 point something billion pesos na hindi nagastos noong 2022 and at the same time, sa 2023 mayroong 8 billion plus na hindi pa po nao-obligate.” paliwanag ng mambabatas

Nangako naman si Agriculture Usec. for Policy, Planning, and Regulations Mercedita Sombilla na kanilang aaralin ang suhestyon ng lady solon.

## wantta join us? sure, manure...