ALOK NG BANSANG PORTUGAL NA TUMULONG PARA MASUGPO ANG ASF SA BANSA, INIHAYAG NI SPEAKER ROMUALDEZ

Inihayag ni House Speaker Ferdinand Martin Romualdez ang alok na tulong ng bansang Portugal para tuluyang masugpo ng Pilipinas ang African Swine Flu  o ASF.

Sinabi ni Speaker Romualdez na ito ang mensahe sa kanya ng mag-courtesy call si Portuguese non-resident Ambassador to the Philippines Maria Cardoso.

Tinukoy din ni Romualdez ang pahayag ni Portougal honorary consul in Manila na si Ramon C. Garcia, Jr. na mayroong organisasyon ng  pork producers sa Portugal ang nais ding magpadala ng mga eksperto sa Pilipinas para turuang sanayin ang mga tauhan ng Bureau of Animal Industry kung paano masusugpo ang ASF.

Nangako si Romualdez na i-endorso niya sa Malakanyang at sa mga kinauukulang ahensya ng gobyerno ang nabanggit na alok ng Portugal para sa atin upang matuldukan ang pagkalat ASF.

Binanggit ni Romualdez na ayon kay Ambassador Cardoso, may isang kompanya sa kanilang bansa ang handang magpadala ng mga eksperto para magtungo dito sa Pilipinas at tulungan tayong labanan ang ASF.

Sabi ni Romualdez, ibinida ni Ambassador Cardoso na ang Protugal ay isa sa dalawang bansa sa Europe na matagumpay na nakaresolba sa ASF.

Tinukoy ni Romualdez na base sa mga reports, nitong June 1 ay umaabot na sa 15 probinsya sa bansa ang may mga aktibong kaso ng ASF.

###### wantta join us? sure, manure...

MERALCO, PINAALALAHANAN NA MAGING MAINGAT BILANG ISANG POWER DISTRIBUTOR SA NAIA 3

Pinaalalahanan ni Bicol Saro Partylist Rep. Brian Raymund Yamsuan ang Manila Electric Company (Meralco) na dapat dagdagan pa nila ang kanilang pag-iingat bilang power distributor sa Ninoy Aquino International Airport (NAIA).

Ito ay matapos aminin ng Meralco ang naging procedural lapse ng isa nilang tauhan na nag-resulta sa panibagong power outage sa NAIA Terminal 3 noong nakaraang linggo.

Binigyang diin ni Congressman Yamsuan na maliban sa obligasyon ng Meralco sa Manila International Airport Authority (MIAA) na mag-serbisyo ng kuryente sa NAIA sa ilalim ng isang kontrata.

Iginiit ni Yamsuan na mas may malaking pananagutan din ang Meralco sa mamamayang Pilipino na pinagsisilbihan nito.

Sinabi pa ni Yamsuan na extraordinary diligence ang kinakailangang gawin ng Meralco sapagkat hindi dapat makalimutan nila na kanilang responsibilidad ang pagbibigay ng maayos na serbisyo sa publiko.

Bukod dito, ikinatuwiran pa ng kongresista na dapat maging pangunahing priority ng Meralco ay ang interes ng publiko. Kung kaya't hindi sila dapat maging pabaya sa kanilang responsibilidad at pagtupad sa kanilang tungkulin.

"Lubhang pag-iingat o extraordinary diligence ang dapat na hindi nakakalimutan ng Meralco pagdating sa pagbibigay ng serbisyo sa publiko. Meralco is a business imbued with public interest. It cannot be lax or reckless in doing its job," ayon kay Yamsuan.

Bagama't humingi na ng paumanhin ang Meralco, sinabi pa ni Yamsuan na hindi umano bastante o sapat ang paghingi nito ng paumanhin upang makaligtas sila o makaiwas sa kanilang pananagutan. 

Matapos ikatuwiran ni Yamsuan na napatunayan mismo na talagang may pananagutan ang Meralco bunsod ng kanilang kapalpakan o "procedural lapse" dahil narin sa kanilang sariling kapabayaan at maaari aniya silang managot sa ilalim ng batas.

"We have been pounding at MIAA officials and blaming them for the power outages at the airport during the congressional hearings held on this issue. Now that Meralco is at fault is an apology enough?" Sabi pa ni Yamsuan. wantta join us? sure, manure...