PBBM, KINILALA NG APEC BILANG ISANG MAGALING NA PANDAIGDIGANG PINUNO NA NAGSUSULONG NG PILIPINAS

Sinabi ngayong Sabado ni Speaker Martin G. Romualdez na sumikat si Pangulong Ferdinand “Bongbong” R. Marcos, Jr. sa Asia-Pacific Economic Cooperation 2022 (APEC) Summit sa Bangkok, Thailand bilang isang magaling na pandaigdigang pinuno na nagsusulong ng Pilipinas.

Ayon kay Romualdez, ang mga pagsisikap ng Pangulo na isulong ang Pilipinas bilang isang investment hub, at isulong ang interes sa rehiyon sa idinaos na APEC Summit ay isang tagumpay, batay sa mga naganap sa okasyon.

Sinabi niya na hindi lamang epektibong naipahayag ni Pangulong Marcos ang posisyon ng Pilipinas sa mga pandaigdigang usapin, kungdi nakapagtatag rin siya ng mainit na pakikipag-ugnayan sa mga kapwa pinuno ng mga bansa, lalo na sa mga idinaos na sa mga bilateral meetings habang sila ay dumadalo sa pulong ng APEC.

“The points the President has raised during the various APEC sessions resonated with other leaders of member economies and attuned with the common objective to revitalize the Asia-Pacific region as the main engine of global economic recovery and growth,” ayon kay Romualdez.

Binanggit ni Romualdez ang pahayag ni Department of Foreign Affairs (DFA) Assistant Secretary Eric Tamayo na nagsabi sa isang press briefing kahapon, Biyernes, na halos lahat ng mga pahayag mula sa mga pinuno ng APEC ay, “actually aligned and parallel” sa mga ipinahayag ni Pangulong Marcos.

Nauna nang ipinahayag ni Romualdez na si dating Pangulong Gloria Macapagal Arroyo, na ngayon ay senior Deputy Speaker ng Kapulungan at Pampanga congresswoman, ay lubos na nasiyahan sa mga nagawa ni Pangulong Marcos sa inisyal niyang paglabas sa APEC Summit na ginanap sa Thailand.

“You could see GMA there literally cheering him on and we would see how delighted she was with his performance and the crowd itself was applauding our President for his very, very clear-cut answers, and very incisive,” ani Romualdez.

Tinutukoy ni Speaker ang talakayan ng lupon sa APEC CEO Summit, na kung saan ay mapapansing sumasang-ayon sina World Economic Forum founder, Prof. Klaus Schwab, at Global Chairman of PricewaterhouseCoopers International Limited Robert Moritz, sa lahat ng oras, sa mga pananaw at puntong ipinahayag ni Pangulong Marcos.

Sa kanyang paglahok sa APEC Economic Leaders Retreat Session, ipinahayag ni Pangulong Marcos ang labis na pangangailangan ng kooperasyon, upang tugunan ang mga mahahalagang usapin sa kakulangan sa pagkain, pagpapalakas ng pandaigdigang sistema sa kalusugan upang mapagaan ang paglaban sa mga kumakalat na nakakahawang sakit, at ang mas matatag na hakbang sa nagbabagong klima.

Binanggit din ni Romualdez na sa mga dinaluhang bilateral meeting ni Pangulong Marcos sa mga pinuno ng China, Saudi Arabia, at France, kabilang na ang pakikisalamuha niya sa APEC Summit, ay naitatag niya ang magandang ugnayan sa kanyang mga kapwa pinuno ng mga ekonomiya ng rehiyon.

“In his first ever face-to-face meeting with Chinese President Xi Jinping, President Marcos deftly handled the situation by focusing on common interests of the two countries, which set a cordial atmosphere that lead to an agreement to further deepen bilateral relations,” ani Romualdez.

Ilan sa mga paksa ng kooperasyon na tinalakay ng dalawang pinuno ay agrikultura, kalakalan, imprastraktura, enerhiya at ugnayan ng mga tao..

Sa kanyang pulong kay French President Emmanuel Macron, sinabi ni Pangulong Marcos na ang kanilang talakayan ay tumuon sa kooperasyon sa pagitan ng dalawang bansa sa usapin ng agrikultura at depensa, gayundin ang posibleng partnership sa larangan ng nuclear energy.

Tiniyak din ni Pangulong Marcos ang pinakamagandang regalo na maihahandog niya sa mga overseas Filipino workers (OFWs) ng bansa ngayong Pasko, sa magandang anunsyo ni Saudi Crown Prince Mohammed bin Salman sa kanilang bilateral meeting habang dumadalo sa APEC Summit.  

 

Inanunsyo ng Saudi Crown Prince, na siya ring Prime Minister, na sasagutin ng kanyang pamahalaan ang mga hindi nabayarang sweldo ng may 10,000 OFWs na nagtrabaho sa mga Saudi construction companies, na nagdeklara ng pagkalugi noong 2015 at 2016.

 

Bukod sa itinakdang bilateral meeting, ay nagpulong din sina Pangulong Marcos at Vietnamese President Nguyen Xuan Phu, kung saan ay tinanggap ng Punong Ehekutibo ang paanyaya na bumisita sa Vietnam. 

 

Ipinaabot din ni Pangulong Marcos ang kanyang mga paanyaya sa bawat pinuno ng mga ekonomiya na kanyang nakasalamuha sa APEC Summit, na bisitahin ang Pilipinas.

“Considering these successful diplomatic initiatives and investment pledge the President secured from Thai business, we can definitely say that his participation in the APEC Summit is a resounding success,” ani Romualdez.

Binanggit ni Romualdez na ang conglomerate CP Group--- ang pinakamalaking private firm sa Thailand na may $2-bilyon na pamuhunan sa Pilipinas--- ay nangakong magdaragdag pa ng puhunan sa bansa, sa aquaculture, bigas at babuyan.

Sa idinaos na pulong sa hapunan kay Pangulong Marcos noong Miyerkules, ipinahayag ng mga opisyal ng CP Group ang kanilang interes na makisosyo sa Pilipinas sa babuyan, bigas, mais, at aquaculture, kabilang na ang pagpapaunlad ng value chain ng mga naturang industriya upang makaugnay nila ang mga lokal na konsyumer.

wantta join us? sure, manure...

PANUKALA NA LILIKHA NG ONLINE NA AKLATAN SA BANSA AT DIGITISASYON NG MGA LIBRO, ISINUSULONG

Naghain sina Tingog Party-list Reps. Yedda Marie K. Romualdez at Jude A. Acidre ng panukala na naglalayong magtatag ng Philippine Online Library, na magdi-digitize ng lahat ng mga aklat at reference books na kinakailangan para sa pampublikong edukasyon ng mga mag-aaral sa elementarya at sekondarya.

Sa ilalim ng House Bill (HB) No. 1582, o ang panukalang Philippine Online Library Act, ay magkatuwang na pamamahalaan ng Department of Education (DepEd), at ng Department of Information and Communication Technology (DICT) ang Online Library.

“This bill seeks to establish the Philippine Online Library and mandate the digitizing of all textbooks necessary for the public education of elementary and secondary students to ensure access to and availability of learning materials and references,” ayon kina Reps. Romualdez at Acidre sa naturang panukala, na ngayon ay nakabinbin sa House Committee on Basic Education and Culture.

"The COVID-19 pandemic has manifested the significance of digital technology, especially in the lives of children, serving as an important tool for their education, socialization, expression, and inclusion. Schools shifted to online learning and offices and workplaces moved to remote work," anila.

 “Thus, digitizing textbooks and references and the creation of this online library will match the pace of the emerging technologies. This will enable the students to have an enhanced learning experience, ensure that they are skilled in using computers, and have an equal access to the increasingly digitized world,” ayon pa sa kanila.

 

Sa ilalim ng Section 4 ng nasabing panukala, titiyakin ng DepEd ang akses sa mga digitized na kopya ng mga aklat, sa pamamagitan ng pamamahagi ng mga computer, laptop, o anumang kinakailangang gamit sa lahat ng primary at secondary public schools sa buong kapuluan. Kaugnay nito, upang matiyak ang akses sa mga digitized na kopya ng mga libro, magbibigay ang DICT ng maasahang akses sa internet, sa lahat ng mga pampublikong paaralan para sa mga elementarya at sekondarya. 

“In order to offset expenses related to the procurement of computers, laptops, or appropriate wherewithal necessary for the immediate execution of the provisions of this Act, national government agencies, government-owned and controlled corporations, and other government financial institutions which shall procure new computers shall endorse their old units to the Department of Information and Communications Technology to check if the computers can still be used for the intent of this Act and afterwards shall be given to the Department of Education for deployment to primary and secondary public schools nationwide,” ayon sa panukala.

Ipinanukala nina Reps. Romualdez at Acidre ang halaga na P500-milyon bilang paunang pondo para sa programa, at taunang pondo naman na P100-milyon na isasama sa pambansang badyet ng DepEd, upang matiyak na ang mga gamit at internet connection ng mga pampublikong paaralan ay mamamantine.

wantta join us? sure, manure...

MGA TANGGAPAN NG SPEAKER AT TINGOG PARTYLIST, NAMAHAGI NG RELIEF AID SA MGA BIKTIMA NG BAHA SA DAVAO

Binisita ng mga opisyal mula sa mga Tanggapan ni Speaker Martin G. Romualdez at ng Tingog Party-list ngayong Linggo ang bayan ng Malalag, Davao del Sur na sinalanta ng malawakang pagbaha dahil sa matinding pag-ulan, upang mamahagi ng relief goods sa mga biktima.

Namahagi ngayong Linggo ang Tanggapan ng Speaker ng 1,300 relief packs sa mga biktima, at namahagi naman ng 1,000 food packs noong Biyernes at Sabado sina Tingog Party-list led by Reps. Yedda Marie K. Romualdez at Jude Acidre sa mga biktima. 

“In keeping with our commitment to provide relief and assistance, we immediately respond to help our people who are in desperate need of food and other basic necessities in times of calamities,” ani Acidre.

Ang Alagang Tingog Digos ang nanguna sa pamamahagi ng tulong sa bayan ng Malalag. 

Simula pa noong ika-17 ng Nobyembre ay nagpapakain na ng lugaw ang grupo sa mga apektadong mamamayan.

Tumutulong rin ang mga naturang grupo sa pagbibigay ng matutulugan sa mga residente na ang kanilang mga bahay ay winasak ng kalamidad.

Sa Lunes ay nakatakdang mamahagi naman ang Alagang Tingog GenSan ng relief assistance sa bayan ng Alabel, Sarangani.

Noong nakaraang Lunes, ay nagdiwang si Speaker Romualdez ng kanyang kaarawan sa pamamagitan ng pangangalap ng pondo na umabot sa P70.92-milyon na pinansyal at pledges para sa mga biktima ng kalamidad, na kung saan ay naging unang benepisaryo ang mga biktima ng sunog sa Navotas, nang halagang P5-milyon at relief goods.

Nauna nang nakakalap ang Kapulungan ng mga Kinatawan ng halagang P49.2-milyon ng pinansyal na kontribusyon at pangako, at in-kind na mga donasyon tulad ng mga kumot, pagkain, at toiletries mula sa mga mambabatas at mga pribadong indibiduwal para sa Paeng relief drive.

Umabot na sa kabuuang P120-milyon na pinansyal na mga donasyon ang nakalap simula nang umpisahan ang Paeng relief drive.

Nagpahayag ang Kapulungan ng mga Kinatawan ng kanilang, “sincerest and profound gratitude and appreciation” sa kanilang mga miyembro, volunteers, at mga pribadong indibiduwal na tumulong sa kanilang fund drive, sa pamamagitan ng House Resolution (HR) No. 531, na nagkakaisang pinagtibay ng mga mambabatas. #

wantta join us? sure, manure...

DS AT FORMER PRESIDENT GMA, TINAWAG NI SPEAKER ROMUALDEZ NA “BIG ASSET” NI PBBM SA APEC SUMMIT

(Former President Congw. Arroyo, malaki ang naiambag sa matagumpay na bilateral meeting nina Pang. BBM at Chinese Pres. Xi Jinping, ayon kay Speaker Romualdez)

Naniniwala si House Speaker Martin Romualdez na “big asset” ni Pang. Ferdinand Marcos Jr si Dating Pangulo at ngayon ay Congw. Gloria Macapagal Arroyo sa naging pagdalo ng Punong Ehekutibo sa Asia-Pacific Economic Cooperation (APEC) Summit sa Bangkok, Thailand.

Ginawa ni Romualdez ang pahayag kasunod ng naganap na pagpupulong nina Pang. Marcos at Chinese Pres. Xi Jinping sa sideline ng APEC Summit.

Ayon kay Romualdez, bago kasi ang naging pag-uusap ng dalawang lider, binigyan muna ng advice o payo ni Arroyo ang Punong Ehekutibo upang masiguro na magiging produktibo ang resulta ng pakikipagpulong nito sa pinuno ng China.

Giit ng House Speaker, napakahalaga ng ibinigay na advice ng  Dating Pangulo dahil matapos aniya ang bilateral meeting, agad na binanggit ni Pang. BBM na naging maganda ang kanyang pakikipag-usap kay Pres. Xi, at masaya rin itong makita  ang former President ng bansa.

wantta join us? sure, manure...