ISANG LIBONG PISONG AYUDA PARA SA BUWANANG FUEL SUBSIDY PARA SA MGA LOCAL FISHERMEN, ITINUTULAK NI REP. LEE SA KAMARA

Sinabi ni Agri partylist Rep. Wilbert Lee na nais niyang maseguro na mabigyan ng fuel subsidy ang mga mangingisda sa pamamagitan ng pagbibigay sa kanila ng fuel voucher na naglakahalaga ng isang libong piso kada buwan.

Ayon sa kanya, nakapaloob sa kanyang HB08007 o ang “Pantawid Pambangka Act of 2023” na magmamando sa  Department of Agriculture na pangasiwaan ang implementasyon ng monthly subsidy program.

Nakasaad din sa panukala na kailangang rebisahin ang halaga na ipinamamahagi sa mga mangingisda upang matiyak na sasapat ito sa magiging inflation rate ng bansa.

Sa kabilang malaking kontribusyon ng fishing sector, ani, Lee, nananatili paring kabilang sila sa pinakamahihirap na sektor ng lipunan.

Hindi ito makatarungan, ayon pa sa kanya, dahil kung sino pa ang food producer ng bansa, sila pa ang napababayaan at pinaka-naghihirap. wantta join us? sure, manure...

PAHAYAG NI VP AT DEPED SEC SARA DUTERTE TUNGKOL SA KAHALAGAHAN NG SCOUTING SA EDUCATION SYSTEM NG BANSA, PINURI NG ISANG MABABATAS

Naghayag ng papuri si Agusan Del Norte Rep. Dale Corvera kay Vice President at Deped Secretary Inday Sara Duterte dahil sa nakita nito ang kahalagahan ng Boys Scout sa sistema ng edukasyon sa bansa.

Sinabi ni Cong. Corvera na siya ring National President ng Boy Scouts of the Philippines o BSP, na marapat lamang na pasalamatan ang Bise Presidente dahil sa suportang ibinigay nito sa kanilang proposal na gawing mandatory ang scouting sa mga paaralan sa bansa.

Una nang sinabi ni VP Sara, na sa pamamagitan ng scouting, mapaiigting nito ang pagiging makabayan ng bawat kabataan na makatutulong ng malaki sa pagsulong ng bansa.

Binigyang pagkilala naman ni Corvera ang ginawang pakikiisa at pagdalo ng Pangalawang Pangulo sa 66th Boy Scouts of the Philippines o BSP Annual National Council Meeting na ginanap sa Palo, Leyte.

wantta join us? sure, manure...