PAGPAPAIGTING NG SA PAGBABANTAY NG BPI SAMGA COLD STORAGE FACILITIES, HINILING SA KAMARA

kath

Umapela si House Majority Leader Mannix Dalipe sa Bureau of Plant Industry at iba pang kauukulang ahensya na paigitingin ang pagbabantay sa cold storage facilities ng agri-products gaya ng sibuyas.

Ayon sa kinatawan, oras na hindi mabantayan ang totoong suplay ng sibuyas ay madali nang imanipula ang presyo nito.

Maaari kasi aniya na sabihing puno ang cold storage kahit hindi at oras na kulangin ang suplay ay maaari nang samantalahin ng smugglers ang iligal na pagpapasok ng produkto.

Ganito rin aniya ang kalalabasan kung mayroon naman pala talagang suplay ng sibuyas ngunit itinatago para magkaroon ng artipisyal na pagtaas sa presyo nito.

“What will happen to the market? Kung sinasabi punong-puno, na wala namang laman? That can be taken advantage off by some people…When that happens here comes now the situation na papasok na yung mga smugglers, kasi pinaglaruan na yung presyo. Dun pa lang sa data ng supply, marami nang pwedeng mag take advantage.” diin ni Dalipe.

Dapat din aniyang ayusin ng ahensya ang mekanismo sa pag-monitor ng cold storage at isama ang local producers.

Sa kasalukuyan kasi, tanging ang imbakan lamang ng mga may import permit ang nababantayan ng BPI.

Pagtiyak naman ng ahensya na ang datos na kanilang ipinipresinta tungkol sa suplay ng sibuyas ay mula sa sarili nilang monitoring team, local government unit at consultation mula sa stakeholders.

Katunayan, nitong nakaraang kada dalawang linggo ang isinasagawang monitoring maliban at nagsasagawa rin ng special monitoring.

“May monitoring po kaming ginagawa, humihingi rin po kami ng datos from the LGUs at yun pong stakeholders consultation, pinapaverify po natin ito. Ito naman ay dumadaan po sa konsultasyon before po naming ibigay po lahat ng ating pong mga daots.” paliwanag ni National Plant Quarantine Services Division OIC Chief Shereene Samala.

##

wantta join us? sure, manure...

HULING KAGANAPAN SA ILULUNSAD NA MAGKASANIB NA WEB PORTAL, TINALAKAY NG KAPULUNGAN AT SENADO

Muling nagpulong ang Secretariat ng Kapulungan ng mga Kinatawan na pinamumunuan ni Secretary General Reginald Velasco, at Secretariat ng Senado na pinamumunuan ni Secretary Atty. Renato Bantug Jr. ngayong Huwebes, upang talakayin ang mga huling kaganapan sa planong pinagsanib na e-Congress web portal, na siyang magiging imbakan ng mga impormasyon ng mga trabahong lehislasyon ng dalawang kapulungan. 

Nilikha ang isang technical working group, na kinabibilangan ng mga opisyal ng Secretariat ng Kapulungan at Senado, upang isapinal ang mga paghahanda para sa paglulunsad nito. 

Sa idinaos na pulong, binigyang-diin nina Velasco at Bantug na ang lahat ng mga aktibidad at detalye para sa proyekto ay dapat na magkasanib na pagpasyahan, dahil mas magiging epektibo at episyente ang magiging trabaho ng dalawang kapulungan sa magkasanib na web portal. 

Ang mga plano tungo sa paghahain ng mga concurrent resolutions na magbibigay daan sa kasunduan sa magkasanib na website ay magiging kongkreto na rin. 

Ang iba pang mga opisyal na dumalo sa pulong ay sina Inter-Parliamentary and Public Affairs Department Deputy Secretary General Atty. Gracelda Andres at Legislative Operations Department Deputy Secretary General Atty. David Robert Amorin, at iba pa.

wantta join us? sure, manure...

PANUKALANG MAGNA CARTA PARA SA MGA FILIPINO SEAFARERS, APRUBADO NG KOMITE

Inaprubahan ngayong Huwebes ng Komite ng Overseas Workers Affairs sa Kapulungan ng mga Kinatawan, na pinamumunuan ni KABAYAN Rep. Ron Salo ang wala pang bilang na substitute bill sa ilang House Bills (HBs) na magtatatag ng Magna Carta para sa Filipino Seafarers, upang protektahan ang kanilang mga karapatan at isulong ang kapakanan ng mga marino, gayundin ang pagpapasigla ng industriya. Ang mga ito ay ang HBs 368, 379, 736, 1515, 1647, 1758, 2269, 2287, 3953, 4438, 4563, at 5795.  

Tiniyak ni Rep. Salo sa mga nagsusulong na isinasaalang-alang ng Komite ang kanilang mga alalahanin sa pagbalangkas ng pinagsama-samang panukala. 

Sinabi niya na tiniyak ng mga mambabatas na ang panukala ay “holistic, epektibo, at tutugon sa mga pangangailangan ng mga Pilipinong marino. 

Kabilang sa mga pangunahing probisyon nito ay ang karapatan ng mga marino sa pagsulong at pagsasanay sa edukasyon sa makatwiran at abot-kayang gastos.”  

Isinasaad din sa panukalang Magna Carta ang mga tungkulin at responsibilidad ng mga marino, gayundin ang iba pa nilang mga karapatan at pribilehiyo.  

Nagpahayag naman ng kanilang suporta ang ilang ahensya ng gobyerno sa pagsasabatas ng panukala, kabilang ang Overseas Workers Welfare Administration (OWWA) na pinangungunahan ni Administrator Arnel Ignacio. 

Samantala, inaprubahan ng mga miyembro ng Komite ang mosyon na isama ang Department of Labor and Employment (DOLE) sa paggawa ng mga ipatutupad ng mga tuntunin at regulasyon.  

Umaasa si Rep. Salo na ang panukalang batas ay maisasalang sa deliberasyon sa plenaryo sa susunod na linggo.

wantta join us? sure, manure...

PAGSASAAYOS NG LISTAHAN NG COLD STORAGE FACILITIES SA BANSA, HINILING SA KAMARA

kath

Hiniling ni House Committee on Agriculture and Food Chair Mark Enverga sa Bureau of Plant Industry na ayusin ang listahan nila ng cold storage facilities.

Ito’y bunsod ng magulong report ng BPI tungkol sa mga rehistradong cold storage facility sa bansa.

Natanong ni Cavite Rep. Elpidio Barzaga ang BPI kung ang Will Builders Incorporated o WBI ba ang pinakamalaking cold storage facility sa bansa.

“You also mentioned na minomonitor niyo ang cold storage. Maibibigay mo ba ang pangalan ng mga cold storage na iyong minomonitor? 151? What’s the largest cold storage? WBI?” tanong ni Barzaga.

Ngunit hindi agad mahanap ni National Plant Quarantine Services Division OIC Chief Shereene Samala ang datos.

Dahil dito, mismong si Rep. Enverga na ang nagbahagi ng impormasyon batay sa mismong report na ipinadala ng BPI.

Dito nakasaad na walang WBI Cold Storage sa listahan ng nila, pero kasama sa mapping ng cold storages.

Ipinunto naman ni House Majority Leader Mannix Dalipe na mahalagang malaman kung rehistrado ba talaga o hindi ang WBI Cold Storage dahil isa ito sa pinakamalaking onion cold storage facility.

Dapat aniya ay namomonitor maigi ng BPI ang mga cold storages at ang dami ng suplay sa mga imbakan dahil kung hindi, makakatugon ng tama ang policy makers.

“Big storage facilities like this you should know. Because everything isa about yoru supply. If you cannot know how much you have, then it’s very difficult for us to strategize, kailangan ba tayo mag import? O hindi ba natin kailangan mag-import?” ani Dalipe. 

Sa kasalukuyan, mayroong 151 na cold storage facility ang rehistrado sa BPI.

Katumbas ito ng 7.3 million metric tons ng gular, prutas at iba pang perishable items na maaaring iimbak.

##

wantta join us? sure, manure...

PANUKALANG MAGTANGGAP ANG PMMA NG ISANG KADETE BAWAT DISTRITO, INAPRUNAHAN NA NG KAMARA

kath

Inaprubahan ng Kamara sa second reading ang House Bill 6994.

Sa ilalaim nito ay inaatasan ang Philippine Merchant Marine Academy (PMMA) na mag admit o tumanggap kada school year ng isang kadete mula sa bawat congressional disctrict.

Sa paraang ito ay mabibigyan ng access ang mga deserving na estudyante mula sa malalayong probinsya ng pantay na pagkakataong makapag aral sa PMMA.

Kailangan pa rin namang makapasa ang aplikante sa entrance examination at makumpleto ang requirements bago makapasok sa naturang institusyon.

##

wantta join us? sure, manure...

KAWALAN NG DATOS SA COLD STORAGES AT TRADERS NG SIBUYA, IKINADISMAYA NG KOMITE SA KAMARA

KATH

Dismayado si House Committee on Agriculture and Food Chair Mark Enverga sa kawalan ng datos sa cold storages at traders ng sibuyas.

Sa halos apat na oras na motu proprio inquiry ng komite kaugnay sa isyu ng hoarding at manipulasyon sa presyo ng sibuyas, napagalaman na hindi tukoy ng Bureau of Plant Industry kung ilan ang kabuuang cold storages sa bansa para sa sibuyas.

 

Wala rin itong datos sa kung sino ang traders ng naturang agri-product.

Malaking butas ani Enverga na hindi malaman kung nasaan ang suplay at kung sino ang posibleng mga nananamantala.

“Medyo disappointing dahil nga yung data gaps between BPI [Bureau of Plant Industry], PSA [Philippine Statistics Authority], medyo nalilito kami dito sa mga bagong rebelasyon natin dito. Even yung data nila particular dun sa cold storages. Again, nadismaya ako dun sa pagkakataon na madiskubre na yung traders ay hindi alam ng BPI. Malaking butas ito particular for yung mga mapagsamantalang tao. Since hindi alam kung asan yun particular supply sa particular moment, ay malaki ang problema natin dito.” saad ni Enverga.

Batay naman sa naging takbo ng pagdinig, naniniwala si Enverga na hindi dapat sumipa ng ganoon kataas ang presyo ng sibuyas.

Noong nakaraang taon, pumalo ng P600 hanggang P800 ang kada kilo ng sibuyas sa mga pamilihan.

Aniya, hindi maitatanggi na mayroon talagang price manipulation ng produkto.

“I don’t believe that the price should have been that high. Masyadong mataas. So malaki ang posibilidad na mayroon pong price manipulation at hoarding dito.” dagdag ng kinatawan

Umaasa naman si Enverga na kahit sa apat hanggang limang pag-dinig ay makita nila ang kabuuan at totoong sitwasyon sa industriya ng sibuyas sa bansa.

##

wantta join us? sure, manure...

PAGDINIG SA SOGIE BILL, ILLEGAL UMANO AYON SA ISANG MAMBABATAS

9February//mVr

8am

Ginawang pagdinig sa panukalang SOGIE bill sa kamara.. tinawag na illegal ng isang mambabatas.

Tinawag na “illegal” ni CIBAC partylist Rep. Bro. Eddie Villanueva ang ginawang pagdinig ng House Committee on Women and Gender Equality sa Sexual Orientation, Gender identity and Expression o SOGIE bill.

Sa naturang committee hearing sinabi ni Villanueva na   umanoy naging “forum shopping” na ginawa ng committee dahil tila ni-railroad ang naturang panukalang batas bagay na sinuportahan ni Manila 6th Rep. Benny Abante.

Anya illegal ito dahil  kasalukuyan nang tinatalakay ng committee o Human Rights ang mas komprehensibong anti-descrimination bill.

Giit pa ng mambabatas.. possible itong maging bad precedent na maaring maabuso sa mga susunod na panukalang batas na dapat ay nakalaan sa isang komite lamang.

Samantala.. iginiit naman ni committee chair  at Bataan 1st District Rep. Geraldine Roman  legal ang kanilang pagtalakay sa SOGIE bill at  mananatili sa kanyang komite ang naturang panukalang batas base sa kanilang paguusap ni House Majority Leader Manix Dalipe.

Anya.. dapat dumulog si Villanueva sa  House Committee on Rules.

wantta join us? sure, manure...

PAGREBYU AT AMIYENDA SA SALIGANG BATAS, LAYUNG MAKAHIKAYAT NG FOREIGN INVESTORS

Jopel

Pagrebyu ng Kamara sa 1987 Constitution, layung makahikayat ng mas maraming foreign investor.....

Nagkasundo ang mga miyembro ng House of Representatives na nagtutulak ng Constitutional amendments na alisin o i-lift na ang ilang economic provisions na nagpapabagal sa pagpasok ng foreign capital sa bansa.

Ayon kay House Speaker Martin Romualdez, na nakatuon ang naganap na congressional deliberations para sa proposed Constitutional amendments sa paghikayat ng mas maraming mamumuhunan na magpapasigla sa economic activities, lilikha ng mas maraming trabaho, magpapagaan sa pamumuhay ng mahihirap at magpapababa sa presyo ng mga bilihin at serbisyo.

Ito ang inihayag ni Speaker Romualdez sa kanyang talumpatinsa sa selebrasyon ng Constitution Day na ginanap sa Malacañang, na pinangunahan ni Pang.Ferdinand "Bongbong" Marcos Jr.

Sinabi ni Speaker Romualdez, na sya ring Philippine Constitution Association o Philconsa president, na nagpapatuloy ngayon ang mga public hearing at konsultasyon ng House Committee on Constitutional Amendments ukol sa panukalang pag-amyenda sa 36-year-old Constitution.

Maliban sa mga pagdinig ng Kamara, mayroon naring mga nakatakdang public discussions and dialogues sa ibat-ibang bahagi ng Luzon, Visayas at Mindanao.

Giit ng House Speaker, sa ngayon, walang ibang hangad o pangarap ang bawat pamilyang Pilipino kundi magkaroon ng isang mapayapang komunidad na may trabaho, mataas na sahod, murang bilihin, at pag-asang umunlad pa ang pamumuhay.

wantta join us? sure, manure...