PROGRAMANG 4PH, TINALAKAY NG KAMARA PAGDINIG NG 2024 BUDGET NG DHSUD

Tinapos kahapon (ngayong Martes) ng Committtee on Appropriations sa Kamara ang pagdinig sa panukalang P5.4-bilyong badyet ng Department of Human Settlements and Urban Development (DHSUD) para sa taong 2024. 

Sinabi ni AKO BICOL Rep. Elizaldy Co Rep. Co, chairman ng komite, na ang pinakamalaking hamon ng sektor ng pabahay ay ang pagtugon sa 6.6-milyong backlog dito ng pamahalaan. 

Binanggit niya ang 1) pagpapatupad ng programa ng abot-kayang pabahay at 2) pagsusuri kung ang mga bagong programa sa pagpapautang sa tulong ng mga institusyong nagpapautang, lokal na pamahalaan, at mga gumagawa ng pabahay ay ilan sa mga solusyon sa backlog. 

Binigyang-diin ni Rep. Co na nilagdaan kamakailan ni Pangulong Ferdinand “Bongbong” Marcos Jr. ang Executive Order 34, s. 2023, na nag-uutos sa lahat ng ahensya ng gobyerno na magsumite ng detalyadong imbentaryo ng bakante at angkop na mga lupain para sa pagpapatupad ng Pambansang Pabahay para sa Pilipino (4PH) Program. 

Ang 4PH ay ang pangunahing programa upang tugunan ang pangangailangan sa pabahay sa pamamagitan ng pagtatayo ng disente at abot-kayang pabahay para sa mga Pilipino. 

Hiningi ni DHSUD Secretary Jose Rizalino Acuzar ang buong suporta ng Kongreso upang matiyak na mabibigyan ng sapat na pondo ang sektor ng pabahay at pag-unlad ng lungsod. 

Sa ilalim ng 2024 National Expenditure Program, makakatanggap ang 4PH ng P1.25-bilyong interes sa subsidiya. 

Ayon kay Sec. Acuzar, ang subsidiya sa interes ay maghihikayat sa mas maraming gumagawa ng pabahay at kontratista na magpatuloy sa kanilang mga proyekto ng pabahay. 

Dagdag pa niya, malaki ang maitutulong nito sa pagsasakatuparan ng bisyon ng administrasyong Marcos na bumuo ng isang milyong bahay taun-taon para sa susunod na anim na taon. 

Sa kanyang presentasyon, ibinahagi ni Undersecretary Atty. Avelino Tolentino III ang bagong estratehiya ng DHSUD sa pagpapaunlad ng pabahay: ang on-site at in-city resettlement. 

Ipinaliwanag ni Usec. Tolentino na makakabawas ito sa masamang epekto ng pagpapaalis, makakatulong na matiyak ang patuloy na pagkakaroon ng trabaho o pagkakaroon ng mga oportunidad sa kabuhayan, at mapabuti ang antas ng pamumuhay. 

Ang pagdinig ay pinangunahan ni Komite Vice Chairperson at Navotas City Rep. Tobias “Toby” Tiangco. wantta join us? sure, manure...

PAGPAPALAWIG NG BISA NG DRIVER’S LICENSE HANGGANG 12 BUWAN, IMINUNGKAHI SA KAMARA

Iminungkahi ni AGRI Party-list Rep. Wilbert Lee sa Department of Transportation - Land Transportation Office na palawigin ng 12 buwan ang validity o bisa ng mga driver's license.

Ginawa ito ni Lee makaraang maglabas ang korte ng temporary restraining order (TRO) na nagpapahinto sa pagtanggap ng LTO ng 5.2 million plastic cards na gagamitin sa pagproseso ng lisensya.

Sinabi ni ni Lee na nakapaloob sa inihain niyang House Resolution No. 1203 na layuning huwag magdulot ng problema sa mga driver ang nabanggit na pasya ng korte.

Kasabay nito, umapela rin si Lee sa mga kinauukulang ahensya na agad resolbahin ang isyu ukol sa pagbili ng mga license card para hindi na ito maulit sa hinaharap.

Dismayado si Lee na kahit nagbabayad ang publiko para sa drivers license ay walang naibibgay ang gobyerno.

Tinukoy ni Lee na simula noong 2015 ay palagi na lang nagkakaroong ndelays o backlogs sa pag-iisyu ng driver’s licenses dahil sa mga kasong may kaugnayan sa procurement license cards.

####### wantta join us? sure, manure...