Mga mangingisdang Pilipino poprotektahan ng gobyerno—Speaker Romualdez

Tiniyak ni Speaker Ferdinand Martin G. Romualdez sa mga mangingisdang Pilipino na ang gobyerno, sa ilalim ng pamumuno ni Pangulong Ferdinand “Bongbong” R. Marcos Jr., ay patuloy na magbibigay ng proteksyon sa kanila laban sa ginagawang pambu-bully ng China.

Ginawa ni Speaker Romualdez ang pahayag sa pagdiriwang ng National Fisherfolk Day kasabay ng pahayag ng spokesperson ng Chinese foreign ministry na walang dapat na ikabahala ang Pilipinas sa plano ng China na ikulong ang mga trespasser sa loob ng 60 araw ng walang paglilitis.

Tiniyak ni Speaker Romualdez na gagawin ni Pangulong Marcos ang lahat upang maproteksyunan ang mga mangingisda sa loob ng exclusive economic zone (EEZ) ng bansa kasama ang Bajo de Masinloc na malapit sa Zambales at Pangasinan.

“We will use all the powers we have to keep them safe,” sabi ng lider ng Kamara na mayroong mahigit 300 kinatawan.

Sinabi ni Speaker Romualdez na dapat tigilan ng China ang pagbabanta na ikukulong nito ang mga Pilipino na mangingisda sa loob ng EEZ.

“Our countrymen cannot be considered as trespassers. It is the Chinese and other foreigners illegally entering our maritime waters under international law who will be treated as intruders,” sabi pa ni Speaker Romualdez. (END)

MULA SA KAMARA DE REPRESENTANTES, TERENCE MORDENO GRANA, NAG-UULAT PARA SA ARMED FORCE RADIO, BOSES NG KAWAK PILIPINO This is Terence Mordeno Grana, reporting for AFP Community News, One AFP for Stronger Philippines.

FORUM SA PAMPUBLIKONG POLISIYA, IDINAOS

Binigyang halaga ngayong Huwebes sa Kamara ang kahalagahan ng tungkulin ng ibat ibang Komite sa pagbalangkas ng mga pampublikong polisiya, sa isinagawang forum ng Committee Affairs Department (CAD). 

“The committee is important because our work matters,”  ayon sa deklarasyon ni Dr. Lorena Hernandez, Service Director ng Komite ng Ways and Means, at tinukoy ang ehekutibo, lehislatura, hudikatura, mga interest groups at unofficial actors bilang mga policy actors. 

Ayon sa kanya, ang Kongreso ang bumabalangkas ng batas, nag-ooversee, naghahayag at nagsisilbi sa mga nasasakupan. “Its members provide legal authority and publicity. (They are) are generalists and supported by congressional and Secretariat staff,” aniya. 

Ipinaliwanag ni Hernandez na ang mga Komite sa Kamara ang mga bumabalangkas ng mga polisiya dahil sila ang 1) nag-aaral, tumatalakay, at umaaksyon sa lahat ng mga panukala na idinudulog sa kanila, 2) tinitiyak na ang lahat ng mga apektado sa mga nakabinbing usapin ay dinidinig, 3) sinusuri kung ang mga batas at mga programa ay ipinatutupad alinsunod sa mga iminamandato nito at kung ito ba ay dapat na ituloy, ayusin o ipawalang-bisa, at 4) magdaos ng mga pagdinig, at pagsisiyasat sa mga kaugnay na usapin at pag-aalala. 

Idinagdag ni Hernandez ng mga technical working groups (TWGs) na nililikha ng mga Komite sa Kamara  ang dumidinig at isinasaayos ang mga panukalang inihahain. 

Ayon pa sa kanya, ang sistema sa polisiya ay nakayakap sa mga environmental forces at conditions, na kinabibilangan ng kulturang politikal, socio-economic characteristics, teknolohiya, pisikal na kapaligiran, demographic characteristics at regime characteristics, kabilang na ang mga nagsusulong nito. 

Tinalakay rin ni Hernandez ang policy cycle na kinabibilangan ng agenda setting, formulation, decision making, implementation at evaluation. 

Habang ang public policy ay malawak na paksa, sinabi ni Hernandez na may mga paraan para ma hack ito. 

Dagdag pa rito, habang ang public policy ay hinggil sa mga solusyon, mas madalas na nandyan na ang solusyon bago pa man dumating ang mga problema. 

“Life is recurring, and it is a matter of coupling solutions to the problems,” aniya. 

Hinikayat ni Hernandez ang partisipasyon ng bawat isa sa pamamagitan ng ibat ibang exercises na tutukoy sa kanilang napiling ‘work baby’ o panukalang batas, Quick Stakeholder Analysis and Advocacy Plan, gayundin ang mga problem solving samples.

MULA SA KAMARA DE REPRESENTANTES, TERENCE MORDENO GRANA, NAG-UULAT PARA SA ARMED FORCE RADIO, BOSES NG KAWAK PILIPINO This is Terence Mordeno Grana, reporting for AFP Community News, One AFP for Stronger Philippines.