mar SINADYANG CHISMIS LABAN SA PI, IPINAKALAT PARA HINDI MATULOY ANG PAG-AMIYENDA SA KONSTITUSYON

Naniniwala si Surigao del Norte 2nd Dist. Congressman Robert Ace “Alas” S. Barbers na sinasadya ng ilang grupo na magpakalat ng chismis patungkol sa isinusulong na People’s Initiative (PI) para hindi talaga matuloy ang ikinakasang pag-aamiyenda sa 1987 Philippine Constitution.

Ayon kay Barbers, Chairman ng House Committee on Dangerous Drugs, posibleng talagang sinasadya ng ilang grupong tutol sa PI na magpakalat ng “maritess” o mga chismis para hindi matuloy ang pag-amiyenda sa Saligang Batas.

Ipinaliwanag ni Barbers na ang isa sa mga ginagamit na panakot at chismis ng grupong tutol sa PI ay ang di-umano’y planong pagbubuwag sa Senado at ang pagpapanatili sa puwesto ng kasalukuyang Pangulo sakaling tuluyan ng mabago ang ilang probisyon ng 1987 Constitution.

Dahil dito, binigyang diin ni Barbers na sinasadya ng nasabing grupo na magpakalat ng maling impormasyon o chismis para hindi talaga matuloy at madiskaril ang isinusulong na pag-aamienda sa Konstitusyon sa pamamagitan ng paninira sa tunay na layunin ng People’s Initiative (PI).

Kaugnay sa isyu ng di-umano’y pag-abolish o pagbubuwag sa Senado. Binigyang diin ni Barbers na wala naman pinag-uusapan na bubuwagin ang Mataas na Kapulungan sapagkat ang hakbang na gagawin ay amendments o updating lamang ng “economic provision” ng Saligang Batas.

Nilinaw ng kongresista na ang isinusulong ng Kongreso ay ang amendments lamang ng economic provision ng Konstitusyon at hindi ang pagbabago o revision ng buong Saligang Batas kabilang na ng di-umano’y term extension ng mga elected officials gaya pinangangambahan ng mga Senador.

“Ang akala ng mga Senador ay i-aabolish sila. Wala naman pinag-uusapan na bubuwagin sila, kaya sila natatakot dito. Ang ibig sabihin lamang nuon ay ayaw nilang suportahan ang pag-amiyenda sa Konstitusyon. Eh’ bakit ka gagawa ng kuwento o chismis na gaya nito na kesyo no-election scenario,” sabi ni Barbers. 

Ipinabatid pa ni Barbers na kung ano-anong issues umano ang pinalulutang para lamang idiskaril ang pag-aamiyenda sa Saligang Batas. Kabilang na dito ang di-umano’y no-election scenario, extension ng term limits ng mga elected offials at ang pagbubuwag o pag-abolish sa Senado.

Dahil dito, muling binigyang diin ni Barbers na nakatutok lamang ang People’s Initiative sa pag-aamiyenda sa economic provisions ng Konstitusyon at wala aniya sa plano ang pagsusulong sa revision o ang pagbabago sa kabuuan ng Saligang Batas gaya ng pinangangambahan ng mga Senador.

“Paano naman magagawa na baguhin ang buong Saligang Batas sapagkat ang isinusulong lamang natin ay amendments hindi naman revision. Kapag binago mo ang buong estraktura ng gobyerno. Ang tawag duon ay revision at hindi na amendments, amendments lang ang gagawin natin,” paglilinaw ni Barbers.

wantta join us? sure, manure...

isa Tahasang kinontra ng ilang mga kongresista sa Mindanao ang plano nina dating Pang. Rodrigo Duterte at Davao del Norte Rep. Pantaleon Alvarez na maikalas na ang Mindanao sa Pilipinas.

Ayon kay House Majority Leader Manuel Jose Dalipe, na kinatawan ng Zamboanga City 2nd district --- ayaw nilang mahiwalay ang Mindanao.

Pasaring naman ni Dalipe, porke’t may distrito na nakatanggap na ng P51 billion ay balak na ngayong ihiwalay ang Mindanao sa Pilipinas.

Dagdag niya, wala siyang nakikitang benepisyo para sa Pilipinas sakaling ihiwalay ang Mindanao at baka lalo pang madehado ang rehiyon, at hindi rin aniya ito maganda sa ekonomiya.

Pabirong hirit naman ni Camiguin Rep. Jurdin Romualdo, panget tingnan sa seal ng Kamara kung mababawasan ng isa ang star o tala, o kung aalisin ang Mindanao.

Ayon kay Romualdo, kung balak talaga ito nina Duterte at Alvarez, sana ay ginawa noong pang nasa posisyon sila. Lumalabas din kasi na propaganda na lamang ito.

Habang si Cagayan de Oro Rep. Rufus Rodriguez, dapat ihinto na ang ganitong uri ng proposals.

Aniya, 6 na taong presidente si Duterte at naging speaker din si Alvarez, pero wala silang panawagan noon na ihiwalay ang Mindanao.

Giit ni Rodriguez, dapat bigyan ng tsansa si Pang. Ferdinand Marcos Jr. na pamunuan ang buong bansa, at matugunan ang mga kailangan ng Mindanao.

wantta join us? sure, manure...

isa Nakatakdang maghain ng isang resolusyon ang mga lider ng Kamara sa darating na Lunes, para ihayag ang buong suporta kay House Speaker Ferdinand Martin Romualdez.

Sa isang pulong balitaan, kinumpirma ni House Majority Leader Manuel Jose Dalipe na nagdaos mula sila ng all-member caucus.

At kasabay ng sunod-sunod na pangyayari, gaya ng may kinalaman sa isinusulong na Charter Change o Cha-Cha --- nagkaroon ng proposal na magkaroon ng House Resolution para kay Speaker Romualdez.

Ayon naman kay House Senior Deputy Speaker Aurelio Gonzales Jr., nakasaad sa resolusyon ang hindi matatawarang pagkakaisa at suporta ng mga kongresista kay Speaker Romualdez, gayundin ang pagtindig sa integridad ng Kamara bilang isang institusyon.

Ito ay sa harap na rin ng kabi-kabilang mga atake sa Kapulungan mula sa Senado.

Nang matanong naman kung magkakaroon ba ng isyu ulit sa Senado dahil sa resolusyon, sinabi ni Rizal 1st district Rep. Michael John Duavit na may respeto pa rin sila sa Senado.

Minsan aniya, ang matatapang na pahayag ay dapat ding sagutin ng matapang.

wantta join us? sure, manure...

isa Para kay Surigao del Norte 2nd district Rep. Robert Ace Barbers, mabuting pag-aralan ang isinusulong na paghihiwalay ng Mindanao sa Pilipinas.

Ang pahayag ng kongresista ay kasunod na rin ng plano nina dating Pang. Rodrigo Duterte at Davao del Norte 1st district Rep. Pantaleon Alvarez na simulan ang pagkalap ng mga pirma para sa planong paghihiwalay ng Mindanao sa Pilipinas.

Ayon kay Barbers, na isa sa mga kongresistang taga-Mindanao --- hindi madali ang paghihiwalay ng Mindanao sa ating bansa.

Pero, “worthy” naman itong pag-aralan at tingnan lalo na kung ano ang posibleng benepisyo nito para sa mga residente ng Mindanao.

Dagdag ni Barbers, nirerespeto niya ang pahayag ni Duterte at Alvarez, na malamang aniya ay may mabigat na rason sa pagtutulak na maihiwalay ang Mindanao sa Pilipinas.

wantta join us? sure, manure...

isa Wala dapat pilitan sa mga jeepney operator at drivers na mag-consolidate sa ilalim ng Public Utility Vehicle o PUV modernization program. 

Ito ang iginiit ng ilang mga kongresista, sa nagpapatuloy na pagdinig ng House Committee on Transportation ukol sa implementasyon ng programa. 

Ayon kay Rizal Rep. Jojo Garcia, dating general manager ng MMDA --- may kultura sa Pilipinas na ang mga jeepney ay “institusyon.” 

Naunawaaan umano niya ang layunin ng konsolidasyon at ng modernisasyon, pero punto ni Garcia, bakit hindi bigyan ng “choice” ang mga nasa sektor, at hayaan sila na mapagtanto na mahirap magloan kung “individual” o hindi sasama sa kooperatiba. 

Dagdag ni Garcia, kung may tsuper naman na kakayahang mag-loan para sa kanyang sarili at nakakasunod naman sa requirement, bigyan ito ng pagkakataon. 

Ayon naman kay Taguig-Pateros Rep. Ricardo Cruz, sa bawat lugar o ruta ay may asosasyon, at may opisyal pa...kaya hindi kanya-kanya. 

Buo na aniya ang asosasyon tapos dahil sa PUV modernization program ay kailangan pang sumali sa ibang samahan. 

Tugon ni Transportation Usec. Anneli Lontoc, mas malaki pa rin ang benepisyo kung sasali mga kooperatiba. 

Dagdag niya, kaya gusto nilang nagsasama-sama na ang mga ito ay para makapag-negosasyon at makatipid sa pagbili ng bulto ng mga piyesa, langis at iba pa. 

Pero ayon kay Cong. Garcia, huwag laging ipilit sa mga operator at drivers ang konsolidasyon, at bigyan sila ng laya sa nais nilang gawin.

wantta join us? sure, manure...

rpp Charter reform tinututulan ng Senado sa nakalipas na mahigit 3 dekada

Mahigit tatlong dekada na umanong tinututulan ng Senado ang pag-amyenda sa 1987 Constitution o mula pa noong 8th Congress, ayon kay Cagayan de Oro City 2nd District Rep. Rufus Rodriguez.

“Our records show that they have consistently been obstructionist when it came to Charter reform in the past three decades - for a total of 12 Congresses or for 34-35 years - from the 8th Congress to the present 19th Congress,” ani Rodriguez.

Ayon kay Rodriguez ang pagtutol sa constitutional amendment ng Senado ang dahilan kung bakit gumawa ng hakbang ang mga people organization at inilungsad ang people’s initiative bilang paraan ng pag-amyenda sa Konstitusyon.

“That process will bypass the Senate. I personally do not want that to happen, but I think majority of us will support it out of frustration over the Senate’s obstructionism,” sabi ng kongresista mula sa Mindanao, na siyang chairperson ng House Committee on Constitutional Amendments.

Ipinunto ni Rodriguez na hindi inaaksyunan ng Senado maging ang resolusyon para maamyendahan ang economic provision ng Konstitusyon.

“They have held hostage reforms that could have accelerated our economic growth, generated more investments and created more income and job opportunities for our people,” giit ng kongresista.

Ayon kay Rodriguez umaabot na sa 358 panukala kaugnay ng pag-amyenda sa Konstitusyon ang naihain sa Kamara mula noong 8th Congress hanggang ngayong 19th Congress.

Sa bilang na ito 83 panukala ang nagsusulong ng constituent assembly (con-ass), 105 ang para sa constitutional convention (con-con) at 98 para sa pag-amyenda ng hindi nagsasama ang Senado at Kamara.

Noong 8th Congress, inaprubahan ng Kamara ang House Concurrent Resolution (HCR) No. 10 na nagpapatawag ng con-ass para magpanukala ng pagbabago sa Konstitusyon.

Noong 9th Congress, isang resolusyon din na nagpapatawag ng con-ass ang inaprubahan ng Kamara.

Noong 10th Congress muling inaprubahan ang con-ass resolution subalit mayroong probisyon para sa limitahan ang mga probisyon na babaguhin.

Nang sumunod na Kongreso inaprubahan ang resolusyon para sa con-ass at gayundin ang House Bill No. 8273 upang ipakilala ang people’s initiative.

Noong 12th Congress, muling ipinasa ang panukalang con-ass at pinagtibay ang House Joint Resolution No. 11 na nagpapatawag sa mga barangay assembly upang ikonsidera ang isyu ng constitutional amendment.

Ang HCR 26 ay inaprubahan naman ng Kamara noong 13th Congress upang magpanukala ng pagbabago sa 1987 Constitution.

Noong 14th Congress, inaprubahan ng Kamara ang House Resolution No. 1109 na nagpapatawag sa Kongreso upang baguhin ang Konstitusyon sa pamamagitan ng three-fourth votes ng mga miyembro ng Kongreso.

Noong 15th Congress, sumentro ang Kamara sa economic provisions ng Konstitusyon. Isang dayalogo ang isinulong para mag-usap ang Kamara at Senado.

Noong 16th Congress, pinagtibay ng Kamara ang Resolution of Both Houses (RBH) No. 1 upang maamyendahan ang economic provisions ng Articles XII, XIV at XVI ng Konstitusyon.

Noong 17th Congress, pinagtibay naman ng Kamara ang HCR No. 9 na nagpapatawag ng con-ass at RBH 15 na nagrerekomenda ng pagbabago sa Konstitusyon.

Ang RBH 2 naman ay inaprubahan ng Kamara noong 18th Congress na muling nagpapanukala sa pagbabago sa economic provisions sa Article XII, XIV at XVI.

Ngayong 19th Congress, ipinasa ng Kamara ang RBH No. 6 na nagpapatawag ng con-con upang amyendahan ang Konstitusyon at ang implementing law nito na House Bill 7352. Isinumite ito sa Senado noong Marso 7, 2023.

Ayon kay Rodriguez hanggang ngayon ay hindi pa rin umuusad sa Senado ang RBH 6.

“A total of 302 House members not only voted for the resolution and the bill but also authored them, and only eight representatives voted against. Despite this overwhelming support for economic Charter amendments in the House, the Senate refused to act on the measures,” sabi ni Rodriguez.

Sa loob ng mahigit tatlong dekada, sinabi ni Rodriguez na sa dalawang pagkakataon lamang gumalaw ang panukalang pag-amyenda sa Konstitusyon. Noong 12th at 14th Congress.

Noong 12th Congress, inirekomenda umano ng komite ng Senado na pinamumunuan ni dating Sen. Edgardo Angara ang con-con mode subalit hindi ito naaprubahan ng Senado.

Noong 14th Congress inaprubahan naman ng Senado ang Resolution No. 811 na nagsasabi na kung aaprubahan ng Kamara ang panukalang pag-amyenda na walang three-fourth vote ng Senado ay unconstitutional.

“We have not proposed Charter changes on our own - or ‘unilaterally,’ to use the language of the Senate resolution. That is why we have been sending our proposals to them, as required under our bicameral system,” giit ni Rodriguez.

“But if they want to remain obstructionist, that is their own lookout. Our patience is fast running out. They cannot stop our constituents from launching a people’s initiative as their last resort to effect constitutional reform,” dagdag pa ng kongresista. (END)

wantta join us? sure, manure...

Isa Umali / Jan. 31, 24

Sasamantalahin ng Office of Transportation Cooperatives o OTC ang ibinigay ni Pang. Ferdinand Marcos Jr. na 3-buwan na extension para sa consolidation sa ilalim ng Public Utility Vehicle o PUV modernization program para mahimok ang mga bigo pang magpa-consolidate.

Sa pagdinig ng House Committee on Transportation, sinabi ni OTC chairman Andy Ortega na dahil sa nabanggit na extension ay iikutin nila ang buong bansa.

Partikular dito ang mga lugar na may mababang “consolidation rate” o mababa ang bilang ng mga jeepney operators at drivers na nakasama na sa consolidation.

Ayon kay Ortega, makikiusap na ang OTC sa mga asosasyon na pumasok sa consolidation.

Dagdag niya, ipapaliwanag ng OTC ng husto sa mga ito ang kahalagahan ng pagsama sa mga kooperatiba, at hangarin ng programa para sa ikabubuti ng sektor ng transportasyon.

Samantala, inilatag ni Ortega sa komite ng Kamara ang mga programa nila para sa 2024, lalo’t nabigyan umano sila ng P45 million na pondo.

Kabilang sa mga programang ito ay pagkakaroon ng mga seminar patungkol sa labor laws, fleet management at iba pa; at katuwang ang LTFRB ay magkakaroon sila ng komprehensibong road use ethics.

Isa pang mahalaga aniya ay magkakaroon ang OTC ng compliance monitoring tungkol sa PUV operations.

wantta join us? sure, manure...

milks Pagpasa ng Senado ng RBH 6 dapat bago mag-adjourn ang Senado sa Marso…

…

Kung gusto ng Senado na matigil na ang People’s Initiative, dapat ipasa na ang Resolution of Both Houses no. 6 bago mag - Marso.

Ito ang timeframe na nakikita ng Kamara para may sapat na panahon ang Senado na aralin ang RBH no. 6 at mai-transmit sa Kamara.

Ayon kay Bataan 1st District Representative Geraldine Roman, mag-a-adjourn ang sesyon sa March 23 hanggang April 28.

Sabi ni Roman, kapag nag-resume na ang sesyon sa April 29, abala na ang mga mambabatas para sa mga sasabak sa midterm elections at baka hindi na mabigyan ng pansin sa Senado ang pagpasa sa RBH 6.

Dagdag pa ni Roman, pinanghahawakan ng Kamara ang pangako ni Senate President Juan Miguel Zubiri at kung tapat sila sa pangako, gagawan nila ito ng paraan.

Pakinggan natin si Congresswoman Geraldine Roman…

RHTV : insert audio/video Roman…

Out cue : they dont need a year…

Una rito, hinamon ng mga kongresista ang Senado na aprubahan na ang RBH no. 6 dahil ito ang “papatay” sa tinututulan na People’s Initiative  ng mga senador.

Ayon kay House Majority Leader Jose Manuel Dalipe, kapag natapos ng Senado ang RBH 6, hindi na pwede ang P-I dahil sa ilalim ng batas, isang amyenda lamang sa Konstitusyon ang pwedeng gawin kada limang taon.

Sabi pa ni Dalipe, kung ano ang gusto nila, i-a-adopt ng Kamara nang buong-buo ang bersiyon ng Senado ng RBH no. 6.

Binigyan diin ni Dalipe, tatanggapin at pagtitibayin ng Kamara  kung ano ang bersiyon na gusto ng Senado at kung anong economic provision ang gusto nila.

wantta join us? sure, manure...