Swimming pool, clubhouse kasama sa socialized housing ng Marcos admin

Hindi lamang bahay ang kasama sa socialized housing projects ng administrasyong Marcos kundi mayroon din itong amenities gaya ng swimming pool at club house, ayon kay Speaker Ferdinand Martin G. Romualdez.

“Masaya ako dahil hindi lang pala tirahan ng pamilyang Pilipino ang itinayo natin dito. May basketball court, swimming pool, clubhouse at iba pang amenities na dati’ymakikita lang sa mga subdivision at condominium,” ani Speaker Romualdez na ipinakilala ni House Committee on Appropriations Chairman Zaldy Co sa isinagawang site inspection sa housing project sa Barangay Guinayang II, San Mateo, Rizal.

“Ito ang pangarap ng ating Pangulo: Ang mabigyan ng disenteng tirahan ang mga Pilipino. Ang mabigyan sila ng karapatang mamuhay nang may dignidad. Ang manirahan kayong lahat sa isang komunidad na payapa at ligtas,” ani Speaker Romualdez.

Sa kanyang speech sa pagbisita sa Pambansang Pabahay Para sa Pilipino (4PH) sa San Mateo, Rizal Housing Project, sinabi ng lider ng Kamara na sa kasalukuyan ay may 170,000 housing units na ginagawa sa Metro Manila na nakakalat sa 55 lokasyon.

Ito ay bukod pa sa libu-libong housing units na itinatayo sa Luzon, Visayas, hanggang sa Mindanao, kasama na ang 20 ginagawa na ngayon at nasa iba’t ibang yugto ng paggawa, ayon kay Secretary Jerry Acuzar ng Department of Human Settlements and Urban Development.

“This is the dream of our dear President: To provide housing for all Filipinos, to give them the dignity they deserve, for them to live a peaceful life in their chosen community where they have a decent livelihood and where everybody is safe from harm,” sabi ni Speaker Romualdez.

“Isa lamang ito sa napakaraming housing projects na ipinapatayo ni Pangulong Ferdinand R. Marcos, Jr. sa buong bansa. Malinaw po ang utos ng Pangulo: Tiyakin na may sapat na pondo ang lahat ng proyekto at programang inilaan niya para sa ikabubuti ng mga Pilipino,” dagdag pa nito.

Sinabi ni Speaker Romualdez na ang administrasyon ay nasa direksyon na matupad ang target nitong makapagtayo ng 1 milyong housing unit kada taon hanggang sa huling bahagi ng termino ni Pangulong Marcos sa 2028 upang matugunan ang 6.5 milyong housing backlog sa bansa.

“Ang kagandahan sa proyektong ito, ‘in-city resettlement’ ang ating ginagawa. Ibig sabihin, kung saang siyudad ka dati nakatira, doon ka rin hahanapan ng malilipatang bahay. Hindi natin inilalayo ang pamilya sa kanilang komunidad. Malapit pa rin sila sa kanilang trabaho at paaralan,” sabi pa ni Speaker Romualdez, kinatawan mula sa Leyte.

Kasabay nito, tiniyak ni Speaker Romualdez na ang Kongreso ay gagawa ng mga paraan upang masiguro na mayroong pondo ang DHSUD para sa mga proyekto nito bukod pa sa pondo na inilalaan ng mga government financing institutions gaya ng Pag-ibig fund na nanagako ng P250 bilyon sa socialized housing programs ni PBBM.

“Asahan niyo na hindi lamang Legacy Housing ang ihahatid sa inyo ng administrasyong Marcos. Nagpapahanap din siya ng pondo sa Kongreso para magtayo ng world-class Legacy Hospitals tulad ng Philippine Cancer Center sa Quezon City at Regional Specialty Hospitals sa mga pangunahing siyudad sa Pilipinas. Ang pangarap nating lahat, maipaabot ang serbisyo ng Heart Center, Lung Center, Kidney Center at Cancer Center sa bawat sulok ng bansa,” sabi pa nito.

“Para sa seguridad sa pagkain, meron din tayong tinatawag na Legacy Food Security program upang tulungan ang mga mga magsasaka na mapalaki ang kanilang ani. Itutuloy din natin ang mga programa para bigyan ng ayuda ang mga nangangailangan. Hindi po titigil ang Kongreso sa paglalaan ng pondo at paggawa ng mga batas. Gagawin natin ito para matupad ang pangarap ni Pangulong Ferdinand R. Marcos, Jr. – ang mabigyan ng masaganang bukas ang bawat pamilyang Pilipino sa isang ligtas at payapang bansa,” dagdag pa ni Speaker Romualdez.

Hanggang noong nakaraang buwan, sinabi ni Acuzar na nakapaglabas na ang Pag-Ibig fund ng P761.5 milyon sa mga pribadong contractor na nagtatayo ng bahay sa ilalim ng 4PH programs sa Luzon, Visayas, at Mindanao, bukod pa sa pondo na inilabas ng mga bangkong pagmamay-ari ng gobyerno gaya ng Landbank, at state pension funds na GSIS at SSS. (END)

MULA SA KAMARA DE REPRESENTANTES, TERENCE MORDENO GRANA, NAG-UULAT PARA SA ARMED FORCE RADIO, BOSES NG KAWAK PILIPINO This is Terence Mordeno Grana, reporting for AFP Community News, One AFP for Stronger Philippines.

Apela ni Speaker Romualdez sa China: Tigilan pambu-bully sa West Philippine Sea

Muling umapela si Speaker Ferdinand Martin G. Romualdez sa China na tigilan na agresibong ginagawa ng mga ito sa West Philippine Sea (WPS).

Ginawa ni lider ng Kamara ang apela matapos lumabas ang ulat kaugnay ng ginawang pagsamsam at pagtapon sa dagat ng China’s Coast Guard ng pagkain at iba pang suplay na in-airdrop ng Philippine military para sa mga sundalo na naka-istasyon sa BRP Sierra Madre, ang simbolo ng soberanya ng Pilipinas sa Ayungin Shoal sa WPS.

Inulit din ni Speaker Romualdez ang deklarasyon ni Pangulong Ferdinand Marcos Jr. na hindi nito isusuko kahit na isang pulgada ng teritoryo ng Pilipinas.

Sinabi ng lider ng Kamara na hindi gaganda ang relasyon ng Pilipinas at China hanggang nagpapatuloy ang agresibong hakbang ng Beijing sa WPS.

“At sa nangyayari po, we bemoan, at talaga nalulungkot talaga tayo dito sa ginagawa ng ating kapitbahay, mga taga-China, at sana tigilan na nila itong mga aggressive behavior kasi hindi gaganda ang relasyon natin,” sabi nito.

“Sa totoo lang po, hindi dapat itong West Philippine Sea ang magde-define ng ating relasyon between the Philippines and China. Mas marami pang bahagi ng ating relasyon pero habang itong mga aggressive behavior ng China ay isinasagawa ng kanilang mga naval, or Coast Guard, or militia forces, or mga naval assets nila or sea assets, lalong nagiging tense at lumalala ang ating relasyon dito,” ani Speaker Romualdez.

“Pero syempre hindi tayo papayag na ganun-ganun lang ang trato. Kaya we will be very firm and all the respective authorities will be supporting the President’s policy,” dagdag pa nito. (END)

MULA SA KAMARA DE REPRESENTANTES, TERENCE MORDENO GRANA, NAG-UULAT PARA SA ARMED FORCE RADIO, BOSES NG KAWAK PILIPINO This is Terence Mordeno Grana, reporting for AFP Community News, One AFP for Stronger Philippines.

Speaker Romualdez pinuri matagumpay na biyahe ni PBBM sa Brunei, Singapore 

Pinuri ni Speaker Ferdinand Martin G. Romualdez ang matagumpay na biyahe ni Pangulong Ferdinand R. Marcos Jr. sa Brunei at Singapore kung saan ipinarating nito sa mundo na bukas ang Pilipinas para sa pagnenegosyo at ang paninindigan nito sa West Philippine Sea (WPS).

Kasama si Speaker Romualdez sa mga pagpupulong na dinaluhan ni Pangulong Marcos sa Bandar Seri Begawan kung saan nilagdaan ang mga kasunduan na lalong magpapatibay sa relasyon ng Brunei at Pilipinas.

Kabilang sa mga kasunduang nilagdaan ang tatlong memorandum of understanding sa turismo, kapwa pagkilala sa Standards of Training, Certification and Watchkeeping (STCW) certificates; at ang pagpapatibay ng maritime cooperation.

Isang Letter of Intent o LOI din ang ikinasa upang pagtibayin ang mga nauna ng kasunduan patungkol sa food security at ugnayan sa sektor ng agrikultura ng dalawang bansa.

“President Ferdinand R. Marcos, Jr.'s state visit to Brunei has been a resounding success, marked by significant achievements that will undoubtedly bolster our nation's economic and diplomatic standing," ani Speaker Romualdez.

“President Marcos, Jr. deserves our commendation for this significant diplomatic achievement. These agreements signify a promising future for our bilateral relations, fostering deeper cooperation and understanding between our countries,” wika pa nito.

Sinabi ni Speaker Romualdez na pakikinabangan ng mga Pilipino ang mga kasunduang nalagdaan sa pagbisita ng Pangulo.

Ipinaabot naman ni Speaker Romualdez ang suporta ng Kamara de Representantes sa mga inisyatiba ni Pangulong Marcos.

Nagsagawa rin ng Philippine Business Forum kung saan nilagdaan ang isang MOU sa pagitan ng ASEAN Business Advisory Council – Philippines and Brunei, National Chamber of Commerce and Industry of Brunei Darussalam (NCCI), at Philippine Chamber of Commerce and Industry (PCCI).

Ang kasunduan ay naglalayong palakasin ang kalakalan sa pagitan ng dalawang bansa at mahgbukas ng mga bagong oportunidad para sa pamumuhunan.

Nanawagan din si Pangulong Marcos sa mga negosyante sa Brunei na mamuhunan sa bansa partikular sa sektor ng agrikultura, enerhiya, teknolohiya, at turismo.

"By promoting our country as a premier investment hub, President Marcos is not only attracting foreign capital but also paving the way for job creation and economic prosperity for our people," wika pa ni Speaker Romualdez.

"We are proud of President Marcos' achievements during this state visit, which reinforce our collective efforts to achieve sustainable development and improve the quality of life for all Filipinos," sabi pa ng lider ng Kamara.

Matapos ang talumpati ni Pangulong Marcos sa ika-21 International Institute for Strategic Studies-Shangri-La Dialogue sa Singapore na ginanap sa Singapore, nagpahayag naman ng kumpiyansa si Speaker Romualdez na lalong darami ang mga bansa na sumusuporta sa Pilipinas kaugnay ng panawagan na sundin ang rules-based order sa West Philippine Sea.

Si Speaker Romualdez ay kasama rin sa delegasyon ni Pangulong Marcos sa IISS-Shangri-La Dialogue. 

Si Pangulong Marcos ang kauna-unahang pinuno ng Pilipinas na naging keynote speaker sa naturang pangunahing defense forum sa Asia.

“The President delivered a clear, compelling and rational articulation of our country’s legal and geopolitical position, particularly in the West Philippine Sea. As such, I expect more members of the international community to join the growing chorus calling for observance of the rule of law and diplomacy for dispute resolution,” ani Speaker Romualdez. 

Pinuri rin ni Speaker Romualdez ang matatag na paninindigan ni Pangulong Marcos sa pagsunod sa international law, partikular ang 1982 United Nations Convention on the Law of the Sea (UNCLOS) at 2016 Arbitral Award kung saan idineklara na ang Pilipinas ang may saklaw ng West Philippine Sea.

"The President's message is clear: the integrity of our maritime zones and our sovereignty must be respected. This is not only a legal right but a moral imperative. By adhering to international law, we can ensure that the West Philippine Sea remains a sea of peace, stability, and prosperity," ayon pa kay Speaker Romualdez.

Muling inulit ni Speaker Romualdez ang suporta ng Kamara sa mga inisyatiba ni Pangulong Marcos na naglalayong pangalagaan ang teritoryo ng bansa at pangalagaan ang mga Pilipino lalo na ang mga mangingisda na hinaharass ng China ng WPS.

“The House of Representatives stands firmly behind President Marcos' vision for a comprehensive archipelagic defense strategy. This is not merely a matter of policy but a solemn duty to uphold the integrity of our nation and the rights of our people,” wika pa ni Speaker Romualdez.

Sinabi ng lider ng Kamara na dapat ipagmalaki ng mga Pilipino si Pangulong Marcos sa paninindigan nito sa IISS na ang WPS ay sa Pilipinas at hindi papayagan ang mga dayuhang kumakamkam dito.

"While we are determined to protect our territory, we also recognize the importance of peaceful resolution of disputes. This balanced approach demonstrates our commitment to regional and global peace," saad pa ni Speaker Romualdez.

"The President's vision for a rules-based, people-centered regional community is crucial for maintaining stability and peace in our region. His call for ASEAN's central role in regional affairs reflects our commitment to multilateralism and collective security," paglalahad pa nito. (END)

MULA SA KAMARA DE REPRESENTANTES, TERENCE MORDENO GRANA, NAG-UULAT PARA SA ARMED FORCE RADIO, BOSES NG KAWAK PILIPINO This is Terence Mordeno Grana, reporting for AFP Community News, One AFP for Stronger Philippines.

Mga Pilipino dapat ipagmalaki ang pagtindig ni PBBM sa pagdepensa ng teritoryo, pagsusulong ng kapayapaan sa dayalogo sa Singapore

Dapat umanong ipagmalaki ng mga Pilipino si Pangulong Ferdinand R. Marcos Jr. sa kanyang matibay na mensahe sa ika-21 International Institute for Strategic Studies (IISS) Shangri-La Dialogue sa Singapore, ayon kay Speaker Ferdinand Martin G. Romualdez.

Sa kanyang talumpati, binigyang diin ni Pangulong Marcos ang kanyang pangako na depensahan ang bawat pulagada ng teritoryo ng Pilipinas mula sa pananakop kasabay ng pagsulong sa kahalagahan ng dayalogo at diplomasya sa pagresolba ng mga hindi pagkakasunduan.

Pinapurihan ni Speaker Romualdez, lider ng Kamara na mayroong mahigit 300 kinatawan, ang talumpati ng Presidente na mahalaga umano lalo at umiinit ang tensyon sa West Philippine Sea dulot ng mga agresibong aksyon ng China.

"President Marcos Jr.’s keynote address at the Shangri-La Dialogue is a testament to his strong leadership and his unwavering commitment to protecting our national sovereignty. Every Filipino should be proud of our President, who has shown the world that we are resolute in defending our territory while advocating for peace and diplomacy,” ani Speaker Romualdez.

Sa kanyang talumpati ay binigyang diin ni Pangulong Marcos ang pagtindig ng Pilipinas para sa kapayapaan at rule of law.

Muli rin niyang iginiit ang pagtalima ng Pilipinas sa 1982 United Nations Convention on the Law of the Sea (UNCLOS) at 2016 Arbitral Award, na kumikilala sa maritime rights ng Pilipinas sa West Philippine Sea.

"The President's reiteration of our legal and moral standing on the West Philippine Sea issue is a powerful message to the international community. It shows that our claims are based on international law, not on mere assertions," punto ni Romualdez.

Tinukoy ni Speaker Romualdez ang paninindigan ng Pangulo na depensahan ang bawat pulagada at milmoetro ng ating teritoryo.

“Our President has made it clear that the life-giving waters of the West Philippine Sea are integral to our nation's identity and sovereignty. We will never allow anyone to detach it from our maritime domain," wika ni Romualdez.

Ilang ulit nang iginiit ni Romualdez ang buong suporta ng Kamara de Representantes sa istratehikong inisyatiba ni Pangulong Marcos Jr. para palakasin ang kakayanang pang depensa ng bansa at tayuan ang soberanya ng Pilipinas upang madama ng bawat Pilipino ang biyaya ng patrimonya.

Kamakailan ay nagdaos ang dalawang komite ng Kamara ng pagdinig sa Masinloc, Zambalez upang pakinggan ang hinaing ng mga mangingisda na naapektuhan ang kabuhayan dahil sa patuloy na agresibong aksyon ng Chinese Coast Guard at maritime militia sa WPS.

Kasabay nito ay tinuran din ni Speaker Romualdez na sa kabila ng matapang na posisyon ng Pangulong Marcos Jr. ang kahalagahan ng pagkakaroon ng dayalogo at diplomasya sa pagresolba sa mga hindi pagkakaunawaan.

"While we are determined to protect our territory, we also recognize the importance of peaceful resolution of disputes. This balanced approach demonstrates our commitment to regional and global peace," saad ng lider ng Kamara.

"The President's vision for a rules-based, people-centered regional community is crucial for maintaining stability and peace in our region. His call for ASEAN's central role in regional affairs reflects our commitment to multilateralism and collective security," paglalahad pa ni Speaker Romualdez. (END)

MULA SA KAMARA DE REPRESENTANTES, TERENCE MORDENO GRANA, NAG-UULAT PARA SA ARMED FORCE RADIO, BOSES NG KAWAK PILIPINO This is Terence Mordeno Grana, reporting for AFP Community News, One AFP for Stronger Philippines.

Liderato ng Kamara suportado ang pagpapalakas ang kakayahang pangdepensa ng bansa sa gitna ng umiinit na tensyon sa WPs

Muling tiniyak ni Speaker Ferdinand Martin G. Romualdez ang buong suporta ng Mababang Kapulungan ng Kongreso sa pagtaguyod ng Comprehensive Archipelagic Defense Concept, sa ilalim ng administrasyon ni Pangulong Ferdinand R. Marcos Jr. sa gitna ng nagpapatuloy na agresibong aksyon ng China sa West Philippine Sea (WPS). 

Sa makasaysayang talumpati sa 21st International Institute for Strategic Studies-Shangri-La Dialogue na ginanap sa Singapore, sinabi ng Pangulong Marcos na naninindigan ang Pilipinas na bigyang tugon ang mga kinakaharap na hamon sa pamamagitan ng dayalogo at diplomasya.

Sinabi rin ng Pangulo na ang ginagawang pagpapalakas ng kakayahan ng Pilipinas upang pangalagaan at iginiit ang karapatan ng bansa sa nasasakupan nito, global commons, sa pamamagitan ng sinasaad ng Comprehensive Archipelagic Defense Concept ng bansa.

“The House of Representatives stands firmly behind President Marcos' vision for a comprehensive archipelagic defense strategy. This is not merely a matter of policy but a solemn duty to uphold the integrity of our nation and the rights of our people,” ayon kay Speaker Romualdez.

Binigyan diin pa ni Speaker Romualdez, pinuno ng Kamara na mayroong mahigit 300 kinatawan, ang kahalagahan ng matatag at nagkakaisang estratehiya upang proteksyunan ang soberanya at mga yamang dagat ng bansa.

“We in the House are prepared to pass the necessary legislation and allocate resources that will fortify our archipelagic defense and ensure that our armed forces are well-equipped to meet any challenges. This is a collective effort that requires the full support of all branches of government," dagdag pa ni Romualdez.

Paliwanag pa ng mambabatas, ang Comprehensive Archipelagic Defense Concept ay naaayon sa international laws, kabilang na ang 1982 United Nations Convention on the Law of the Sea (UNCLOS) at ang 2016 Arbitral Award na kumikilala sa karapatan ng Pilipinas sa pinagtatalunang teritoryo.

“In an era where the security landscape is rapidly evolving, it is imperative that we build a defense framework capable of addressing both traditional and non-traditional security threats. Our archipelagic nature demands a defense strategy that can effectively cover our extensive maritime domain," paliwanag ni Romualdez.

Pinagtibay din ng pinuno ng Kamara ang pagsunod ng Pilipinas sa pandaigdigang batas at ang mapayapang resolusyon sa mga alitan. Gayundin ang paninindigan ng bansa sa West Philippine Sea na nakabatay sa sinasaad ng UNCLOS na pinagtibay pa ng 2016 Arbitral Award.

"We have defined our territory and maritime zones in accordance with international law, and we continue to advocate for the rule of law in resolving maritime disputes. Our legal and moral standing gives us the strength to defend our sovereign rights against any form of aggression," dagdag pa ng kongresista.

Naniniwala din si Romualdez sa kahalagahan ng diplomasya at pagtutulungan ng bawat bansa. Maging ang pagsuporta sa pagkakaisa ng ASEAN at ang pagbibigay ng lubos na atensyon sa pagpapairal ng code of conduct sa South China Sea nang naayon sa itinatakda ng batas.

Panawagan din ni Romualdez ang pambansang pagkakaisa sa iba’t ibang hamong na kinakaharap ng bansa dulot ng mga bantang panlabas. Hinimok din niya ang mga Filipino na magkaisang manindigan sa pagtatanggol sa kasarinlan at katatagan ng teritoryo ng bansa.

Speaker Romualdez also called for national unity in facing the challenges posed by external threats. He urged all Filipinos to stand together in defense of the country's sovereignty and territorial integrity.

"Our strength lies in our unity. As we navigate these turbulent waters, let us remember that the defense of our nation is a shared responsibility. We must all work together to protect what is rightfully ours and secure a peaceful and prosperous future for our children," ayon pa kay Speaker Romualdez. (END)

MULA SA KAMARA DE REPRESENTANTES, TERENCE MORDENO GRANA, NAG-UULAT PARA SA ARMED FORCE RADIO, BOSES NG KAWAK PILIPINO This is Terence Mordeno Grana, reporting for AFP Community News, One AFP for Stronger Philippines.