MGA RETIRADONG HENERAL, NAGPAHAYAG NG SUPORTA SA PBBM ADMIN

rpp Nakipagpulong ang apat na malalaking grupo ng mga retiradong sundalo kay Speaker Ferdinand Martin G. Romualdez upang ipahayag ang pananatili ng suporta nito kay Pangulong Ferdinand Marcos, Jr. at sa liderato ng Senado at Kamara de Representantes.

Dumalo sa pakikipagpulong kay Speaker Romualdez ang 22 retiradong heneral. Ang pulong ay pinangunahan ng Philippine Military Academy Alumni Association (PMAAAI), Association of Generals and Flag Officers (AGFO), Philippine Military Academy Retirees Association Inc. (PMARAI), at National ROTC Alumni Association, Inc. (NARAAI).

Sinabi ng mga retiradong heneral kay Speaker Romualdez na walang katotohanan ang kumakalat sa social media na ang PMA alumni at iba pang grupo ng retirado mula sa hanay ng AFP ay sumusuporta sa destabilsasyon laban sa administrasyong Marcos.

Ayon kay retired Admiral Danilo Abinoja, chairman at CEO ng PMAAAI, sila ay dumalo sa Kongreso upang magpahayag ng suporta kay Presidet Ferdinand Marcos, Jr., sa kanyang administrasyon at sa liderato ng Kamara de Representantes at Senado.

(“We are all here today, united, to air our support to President Ferdinand Marcos, Jr. his administration and the leadership of the House of Representatives and the Senate,” ani retired Admiral Danilo Abinoja, chairman at CEO ng PMAAAI.

“We continue to abide by and vow to defend the Constitution, and the duly-constituted authorities. That is our oath, then and until now,” sabi nito.)

Sinabi rin ni Abinoja kay Speaker Romualdez na hindi lamang ang PMA ang military school na sumusuporta sa administrasyong Marcos kundi maging ang mga eskuwelahan ng mga servicemen para sa Navy, Air Force, at Coast Guard.

(“In fact, the Association of Service Academies of the Philippines is issuing a manifesto of support to President Marcos and his administration,” sabi ng retiradong admiral.)

Sinabi naman ni retired Maj. Gen. Marlou Salazar, Vice President ng NARRAI, na tutol ang kanilang grupo sa destabilisasyon at sila ay naniniwala na ang katatagan ng gobyerno ang susi ng kapayapaan at pag-unlad ng bansa.

“Ayaw naming magkagulo. A kingdom should not be divided if we want it to succeed,” sabi ni Salazar.

Ayon naman kay retired Gen. Raul Gonzales, chairman ng PMARAI, tutol ang kanilang grupo sa mga hakbang upang guluhin at pahinain ang gobyerno.

“We support the sentiments of the PMA alumni here today and we are duty-bound to defend the Constitution even now that we are out of service. Some have different beliefs, but the general membership is united in defending this government,” sabi ni Gonzales.

Ipinakita rin ni Gonzales kay Speaker Romualdez ang kopya ng isang resolusyon ng PMA Class ’75, kung saan siya ang class president, na kumokondena sa tangka na sayangin ang naabot ng kasalukuyang administrasyon.

“In the light of the numerous misinformation and propaganda prevalent in the social media that tend to polarize certain groups in our communities, our class would like to manifest in the compelling terms, that we stand in unanimity and conformity with the duly constituted authorities, and to obey the laws, legal orders, and decrees promulgated by them,” sabi sa resolusyon.

Iginit din ni retired Gen. Gerry Doria, Vice Chairman ng AGFO, ang pagsuporta ng kanyang grupo kay Pangulong Marcos at nagkakaisa umano sila na suportahan ang iniluklok ng publiko.

Nagpasalamat naman si Speaker Romualdez sa mga retiradong heneral sa kanilang pagpunta sa kanyang tanggapan upang ipahayag ang kanilang saloobin.

“We, in the House of Representatives, are happy to receive you here and listen to you. Words are not enough to express our gratitude to all of you. We are always sensitive, responsive and reflective of what you have to say even after you left the service,” sabi ni Speaker Romualdez.

“Now that you are civilians, you have the whole perspective from outside given the years of service that you have given to the nation. We value all that you share here today,” dagdag pa nito. (END)

wantta join us? sure, manure...

isa Dapat na magsanib-pwersa ang Department of Health o DOH at mga lokal na pamahalaan para palakasin pa ang mga hakbang kaugnay sa epekto ng El Nino phenomenon lalo na pagdating sa mga sakit. 

Ito ang sinabi ni BHW PL Rep. Angelica Natasha Co, kasabay ng banta ng  "strong El Niño." 

Ayon kay Co, chairperson ng House Committee on Welfare of Children --- batid naman na may mga "dry season illness" o mga sakit na maaaring sumulpot sa panahon ng tag-init, na maaaring tumindi dahil sa El Niño. 

Kaya naman kailangan aniya na magtulungan ang DOH at local government units o LGUs para matiyak na nakalatag ang lahat, sakaling dumami ang mga kaso ng sakit. 

Kabilang dito ang food poisoning, water contamination, flu o trangkaso, tigdas at bulutong, asthma, sore eyes, at heat exhaustion o heat stroke. 

Payo naman ni Co, uubrang magsagawa ng serye ng libreng anti-flu vaccination,  medical laboratory services at iba pang pagbabago sa mga lumang programa ang DOH at LGUs. 

Sa unang pahayag ng DOH --- kanilang pinag-iingat ang publiko laban sa mga sakit na maaaring lumutang sa "peak" ng strong El Niño mula Pebrero hanggang Abril.

wantta join us? sure, manure...

CONGRESSTV, INILUNSAD NG KAPULUNGAN; REP. SUAREZ, HINIRANG BILANG DEPUTY SPEAKER

Inilunsad ngayong Lunes ng Kapulungan ng mga Kinatawan, sa pamumuno ni Speaker Ferdinand Martin Romualdez, sa pakikipagtulungan sa state-owned People's Television (PTV) Network, ang CongressTV, isang free-to-air channel na naglalayong ilapit ang   Kapulungan sa mamamayan, at himukin ang aktibong partisipasyon ng sambayanan sa prosesong demokratiko. 

Ipinahiwatig ni Romualdez na hindi lamang isang channel ang CongressTV kungdi isa itong tulay na nagdurugtong ng Kongreso sa bawat Pilipino. 

Binigyang diin niya na ang aktibong pakikilahok ng publiko ay makakapukaw sa kamalayan ng mamamayan sa mga usapin, makilahok sa talakayan, at mabigyang kapangyarihan na makapili at makapagpasya. 

“CongressTV indeed is our commitment to ensure that no Filipino is left in the dark, that every citizen is afforded a front row seat in the legislative process,” aniya. 

Nanawagan si Speaker sa sambayanan na hilingin ang mga pananagutan at lumahok sa demokratikong proseso, upang matiyak na ang kanilang mga alinlangan ay natatalakay sa bawat debate at batas. 

“CongressTV is not just a one-way street. It is not just broadcasting what happens within the House. It’s about sparking conversations, about fostering a more interactive and participatory form of governance. It’s about you, the people, having direct access to your representatives and the legislative process,” dagdag niya. Ipinahayag ni ACT-CIS Party-list Rep. Erwin Tulfo na ang CongressTV ay isang plataporma na gagabay upang matiyak na ang bawat Pilipino, anuman ang kanyang katayuan sa lipunan, ay ganap na nakakabatid at nabibigyang kaganapan sa mga inisyatiba, polisiya at mga programa ng Kongreso. 

“It is a tool for empowering citizens to be involved in the democratic process in creating laws…We are reinforcing our commitment to democracy, to transparency, and to the people we serve,” ayon kay Tulfo. 

Ipinaliwanag ni Tutok to Win Party-list Rep. Samuel Verzosa Jr. na  ang CongressTV ay isang paraan para sa mga mamamayan na mamalas ang kanilang mga kinatawan sa pagganap sa kanilang mga tungkulin. 

“Malalaman ninyo yung mga ipinaglalaban naming mga batas na isinusulong namin…Mas maiintindihan ng publiko kung ano yung ginagawa natin sa House,” ani Verzosa, at binanggit na maghahatid ito ng mapagkakatiwalaang mga impormasyon para sa mamamayan at maalis ang pagkalat ng mga fake news. 

Ayon kay PTV4 General Manager Ana Puod, mapapanood ng sambayanan ang CongressTV sa PTV’s digital Channel 14, gayundin sa Channel 46 ng GMA Affordabox at Channel 2 sa ABS-CBN TV Plus. 

Ang pagsasahimpapawid nito ay mula 9AM hanggang 9PM araw-araw na magsisimula sa ika-23 ng Enero. 

Dumalo sa paglulunsad sina Senior Deputy Speaker Aurelio “Dong” Gonzales Jr., Majority Leader Jose Manuel “Mannix” Dalipe, Minority Leader Marcelino Libanan, AKO BICOL Party-list Rep. Elizaldy Co, at HRep Secretary General Reginald Velasco. 

Samantala, sa plenaryo na pinangunahan nina Deputy Speakers Raymond Democrito Mendoza at Antonio “Tonypet” Albano, ay hinirang ng mga mambabatas si Quezon Rep. David “Jay-Jay” Suarez bilang deputy speaker kapalit ni dating Rep. Ralph Recto, na hinirang ng Pangulo sa gabinete bilang Finance Secretary.

wantta join us? sure, manure...