SUBSTITUTE BILL SA PHILIPPINE MEDICAL ACT, APRUBADO NA

Inaprubahan ngayong Martes sa magkasanib na pagpupulong ng Komite ng Civil Service at Professional Regulation na pinamumunuan si Rep. Kristine Alexie Tutor (3rd District, Bohol), at Komite ng Kalusugan ni Rep. Ciriaco Gato, Jr. (Lone District, Batanes), sa Kapulungan ng mga Kinatawan ang wala pang bilang na substitute bill na nagsasaad sa serbisyo ng mga doktor bilang pangunahing haligi ng sistema ng pangangalagang pangkalusugan ng Pilipinas. Ang iminungkahing Philippine Medical Act, kung saan ang tumpak na mga salita ng ilang mga probisyon ay napapailalim pa rin sa istilo, ay isinasaad pa na ang isang modelong sistema ng pangangalagang pangkalusugan para sa Pilipinas ay isa na nagbibigay ng akses sa mataas na kalidad at makatwirang presyo ng preventive, curative, rehabilitative, at palliative na serbisyo sa pangangalagang pangkalusugan. Ang panukalang batas ay mamamahala, bukod sa iba pa, 1) standardisasyon, pag-upgrade, at regulasyon ng pangunahing medikal na edukasyon, medikal na internship, at postgraduate na medikal na edukasyon at pagsasanay, at 2) paglilisensya at pagpaparehistro ng mga manggagamot. Ang panukalang batas ay nagbibigay din ng saklaw ng medikal na kasanayan, ang pagtatatag ng mga relasyon ng doktor-pasyente, at katumbasan, bukod sa iba pa. Isinasaad din nito na para sa layunin ng panukalang batas, ang Philippine Medical Association ay isasama at kikilalanin bilang Integrated Philippine Medical Association (IPMA). Ang pagsapi sa IPMA ay hindi hahadlang sa pagiging kasapi sa ibang mga samahan ng mga manggagamot. Ipapawalang bisa nito ang Medical Act of 1959, na kilala rin bilang Republic Act 2382, kapag naisabatas ang panukala. Kinilala ni Rep. Tutor ang pagsisikap na ginawa ng technical working committee, na pinangunahan ni Rep. Janette Garin (1st District, Iloilo), sa pagtukoy kung ano ang kailangang isama sa panukalang batas. Ang panukalang batas ay inihain nina Quezon Rep. Keith Micah “Atty. Mike” D.L. Tan, Tingog Party-list Reps. Yedda Marie Romualdez at Jude Acidre, ANAKALUSUGAN Party-list Rep. Ray Reyes, ANG PROBINSIYANO Part-list Rep. Alfred Delos Santos, Reps Tutor at Gato, PBA Party-list Rep. Margarita Ignacia “Atty. Migs” Nograles, at Iloilo Rep. Janette Garin. wantta join us? sure, manure...

ESTADO NG MANILAY BAY RECLAMATION PROJECT, PINAIIMBISTIGAHAN SA KAMARA

Inihain kahapon ng ACT-CIS Partylist ang isang resolusyon na magiimbestiga sa kasalukuyang lagay ng Manila Bay Reclamation project at ang isyung bumabalot dito na may matinding epekto sa pambansang seguridad at sa kapaligiran.

Sinabi ni ACT-CIS Partylist Rep. Erwin Tulfo sa isang press briefing na nakababahala ang mga isyung lumutang sa nabanggit na proyekto kung saan ay kaisa siya sa sentiyemento ni House Speaker Ferdinand Martin Romualdez na nais matiyak ang pambansang seguridad, transparency at pagpapanatili ng kaayusan ng kapaligiran para sa ikabubuti ng interes ng publiko.

Ayon kay Tulfo, nalaman niya kay Speaker Romualdez na nababahala ito matapos malaman galing sa iilang mga news report ang tungkol sa isyu ng pambansang seguridad sa may reclamation area habang committed naman siya sa pag-safeguard sa security ng ating bansa at mai-uphold ang ating territorial integrity at para mapanatili ang peaceful cooperation sa loob ng ating rehiyon.

Sinabi ni Tulfo na maging si Romualdez ay nais alamin kung sino ang namamahala sa pagbabantay sa mga Chinese vessels na nagsasagawa ng reclamation project.

Saad pa ni Tulfo na nakatanggap ng report si Speaker na ang mga Chinese crew ng sasakyang pang-dagat nila ay nagpupunta sa mga baybayin ng Pasay at Manila habang gabi.

Nauna nang nagpahayag ng pagkaalarma ang Estados Unidos matapos na mamonitor ang mga Chinese ships sa Manila Bay  na nagsasagawa ng ‘dredging operations’ bilang bahagi ng reclamation project  sa nasabing lugar.

Samantalang nangangamba naman ang ilang sektor na may mga Chinese military na dumaan dito sa gitna na rin ng isyu sa pinagtatalunang teritoryo sa West Philippine Sea (WPS) bukod pa sa mga illegal na  Philippine Offshore Gaming Operators (POGO) workers na posibleng dumaan sa Manila Bay dahilan Chinese firm umano ang kinontrata sa nasabing ‘dredging operations‘. 

Sinasabing ang China Communications Construction Company ang nagsasagawa ng ‘dredging operations ‘ sa Manila Bay. Ang nasabing construction firm ay blacklisted umano at siyang nagsagawa ng ‘ artificial islands’ ng China na nagpalawak ng teritoryo sa kabila ng status quo sa pinagtatalunang teritoryo sa West Philippine Sea.

“Whereas the preservation  and security of our nation are of paramount importance and any activity that may impact our national security requires scrutiny”, ayon sa House Resolution (HR) 1171 na inihain ng ACt -CIS Partylist sa Kamara.

Sa nasabing resolusyon ay hiniling ng ACT -CIS na imbestigahan ng kinauukulang komite ng Kamara na hindi limitado lamang sa  House  Committee on National Defense  at Committee on Ecology ‘ in aid of legislation ‘  ang nasabing isyu.

“ Whereas , the United States raises concerns that the reclamation project have ties  to the China Communication Construction Company which was cited by the World Bank and the Asian Development Bank for engaging in fraudulent business activities “, saad pa sa HR 1171.

“Ang tanong ko po, may ahensya ba tayo na chine-check ang mga barko na nakaparada diyan sa Manila bay ngayon na galing sa ibang bansa kung ito ba ay lehitimong dredging vessel o baka naman mga militia vessels na galing sa West Philippine Sea?” , punto ni Tulfo. 

“We want to be sure that when we wake up the next day, Manila bay is still part of the republic of the Philippines and not again in the hands of another nation,” dagdag pa nito.

Binigyang diin pa ni Tulfo na kailangan ang komprehensibong  pagsilip sa nasabing isyu para mabatid ang kasalukuyang status ng Manila Bay Reclamation Project partikular na kung walang paglabag sa environmental laws gayundin sa potensiyal na epekto sa ekonomiya, pambansang seguridad at pamayanan. wantta join us? sure, manure...