Speaker Romualdez inatasan si Rep. Tulfo na tutukan ang relief efforts sa mga lubhang naapektuhan ng lindol

Inatasan ni Speaker Ferdinand Martin G. Romualdez si House Deputy Majority Leader for Communications and ACT-CIS Partylist Rep. Erwin Tulfo upang alamin ang lawak ng pinsala at tulungan ang mga lubhang naapektuhan ng magnitude 6.8 lindol sa katimugang bahagi ng Mindanao noong Biyernes.

Kasalukuyang nasa Estado Unidos si Romualdez kasama ni Pangulong Ferdinand R. Marcos Jr. sa kaniyang official business doon.

Ayon kay Speaker Romualdez ang pinsalang dulot ng lindol ay nangangailangan ng komprehensibo at agarang tugon sa pangangailangan ng mga nasalanta.

"With deep concern and a sense of urgency, we address the impact of the earthquake on Southern Mindanao. Deputy Majority Leader for Communications Erwin Tulfo will assume a crucial role on my behalf, assessing the damage and identifying essential resources to support the affected communities," sabi ni Speaker Romualdez

Buong puso namang tinanggap ni Tulfo ang responsibilidad na iniatas sa kanya at nagpasalamat kay Speaker Romualdez sa tiwalang ibinigay nito sa kaniya.

“Our focus will be on understanding the immediate needs of the affected areas and ensuring a coordinated and efficient response to aid in the relief and recovery process,” saad ni Tulfo.

Nakatakdang dumating si Tulfo sa General Santos City sa Linggo ng umaga para personal na makipag-ugnayan sa ground commander ng Tingog partylist at makipagpulong kina General Santos City Mayor Lorelie Geronimo Pacquiao at Sarangani Gov. Rogelio “Ruel” Pacquiao.

Kasunod ng pagtama ng lindol sinabi ni House Deputy Secretary General Sofonias "Ponyong" P. Gabonada na agad umaksyon ang tanggapan ni Speaker Romualdez at Tingog partylist Reps. Yedda Marie K. Romualdez at Jude Acidre upang ayusin ang pagpapalabas ng P20 milyong tulong para sa mga nasalanta. 

Kasabay nito ay ang paghahanda ng 5,000 food packs bilang paunang tulong sa dalawang distrito lubhang naapektuhan ng lindol.

Magpapadala rin ani Gabonada ng construction materials sa dalawang distrito para matulungan ang mga nasalanta na kumpunihin ang kanilang mga bahay.

Kapwa naghahanda na rin aniya ang Davao City at GenSan Tingog Teams para sa pamamahagi ng naturang relief goods na inilaan para sa distrito nina Reps. Steve Chiongbian Solon at Loreto Acharon ng Saranggani at South Cotabato.

Aktibo rin aniyang nakikipag-ugnayan ang tanggapan ng House Speaker sa the Department of Public Works and Highways (DPWH) at kinatawan ng mga distrito para sa maagap na paglalabas ng kanilang quick response funds na magagamit sa pagsasaayos ng mga nasirang tulay, eskuwelahan at iba pang pampublikong istruktura.

 (END) wantta join us? sure, manure...

Speaker Romualdez pinuri pag-aresto sa big-time smuggler ng sibuyas

Pinuri ni Speaker Ferdinand Martin G. Romualdez ang administrasyong Marcos sa pagkakahuli sa isang pinaghihinalaang bigtime smuggler ng sibuyas na itinuturing nito na isang mahalagang hakbang sa laban ng gobyerno kontra smuggling at hoarding ng mga produktong agrikultura.

Iginiit din ng lider ng Kamara de Representantes ang kahalagahan ng pagtutulungan ng iba’t ibang ahensya upang mahuli si Jayson de Roxas Taculog sa Batangas noong Miyerkules.

Ang pagtutulungan ng executive at legislative department ay mahalaga upang mahuli ang mga smuggler at hoarder na hindi lang nagpapahirap sa mga lokal na magsasaka kundi maging sa mga mamimili.

“Hindi kami titigil sa aming ginagawang paghabol sa mga smuggler at hoarder. Hindi tama na pahirapan nila ang milyun-milyong pamilyang Pilipino para kumita sila ng malaki,” ani Speaker Romualdez.

“Sinisigurado ko sa inyo na hindi kami titigil hangga’t hindi sila napaparusahan sa kanilang maling gawain,” dagdag pa ni Speaker Romualdez.

Partikular na kinilala

rin ni Speaker Romualdez ang magandang trabaho ng Bureau of Customs (BoC) na pinamumunuan ni Commissioner Bien Rubio dahil sa "exemplary work in apprehending Taculog and thwarting large-scale agricultural smuggling, a vital step in curbing economic sabotage."

Matatandaan na inatasan ni Speaker Romualdez ang House Committee on Agriculture and Food na magsagawa ng imbestigasyon matapos na umakyat sa mahigit P700 ang bawat kilo ng sibuyas noong huling bahagi ng 2022.

Ang hakbang na ito ay nagresulta sa malaking pagbaba ng presyo ng sibuyas sa merkado.

Natukoy din ng komite ng Kamara ang mga personalidad na pinaniniwalaang nagsabwatan upang mapataas ang presyo ng sibuyas sa pamamagitan ng pag-ipit ng suplay na kanilang binili sa murang halaga.

Pinatitiyak naman ni Speaker Romualdez sa mga ahensya ng gobyerno na malakas ang maisasampang kaso upang maparusahan ang mga ito.

Iginiit ng lider ng Kamara na sila ay katuwang ng administrasyong Marcos sa paghahanap ng paraan upang maparami ang suplay ng pagkain sa bansa sa abot-kayang halaga. (END) wantta join us? sure, manure...

Apela kay Duterte: Huwag intrigahin AFP, PNP

Umapela si House Majority Leader Manuel Jose Dalipe kay dating Pangulong Rodrigo Duterte na huwag intirgahin ang Armed Forces of the Philippines (AFP) at Philippine National Police (PNP) na magdudulot lamang ng pagkuwestyon sa propesyunalismo at pagiging neutral ng mga ito.

Kasabay nito, sinabi ni Dalipe na ang mga pahayag ni Duterte kaugnay ng sinasabi nitong ambisyon ni House Speaker Ferdinand Martin Romualdez na maging pangulo ay walang basehan at hindi napapanahon.

Ayon sa mambabatas malayo pa ang presidential elections at hindi nagsasayang ng oras si Speaker Romualdez upang agad na maipasa ang mga panukalang prayoridad na maisabatas ng administrasyong Marcos para mapabuti ang kalagayan ng bansa.

Sinabi ni Dalipe na ang pahayag ni Duterte na ang AFP at PNP ay sumasali sa mga politikal na aktibidad ay hindi patas para sa mga opisyal at enlisted personnel na nagtatrabaho upang maibalik ang kredibilidad at mataas na antas ng propersyunalismo sa kanilang hanay.

Bilang isang dating pangulo at inirerespetong statesman, sinabi ni Dalipe na ang dapat unahin ni Duterte ay ang kapakanan ng bansa at hindi ang interes nito sa pulitika at hayaan ang AFP at PNP na magawa ang kanilang mandato at hindi kinakaladkad sa pamumulitika.

"I respectfully appeal to former President Rodrigo Duterte to recognize the paramount importance of keeping our Armed Forces and National Police free from partisan politics. These institutions serve as the bedrock of our nation's security, and their effectiveness relies on unity and impartiality," ani Dalipe.

“We have already achieved so much in our quest to professionalize our military and police service. Let us not squander what we have accomplished by putting the AFP and the PNP in a bad light because of these baseless statements,” dagdag pa ng lider ng Kamara.

Sinabi ni Dalipe na ang tapos na ang panahon ng military adventurism at nakatuon ang atensyon ngayon ng AFP at PNP upang magampanan ang kanilang mandato sa ilalim ng Konstitusyon at maging sandigan ng demokrasya ay soberanya ng bansa.

“The AFP and the PNP have more important things to do than watching Congress, as claimed by the former President. Our uniformed service must be insulated from partisan activities and should maintain the highest degree of professionalism. Huwag na sana niyang idamay ang AFP at PNP,” sabi pa ni Dalipe.

Sinabi pa ni Dalipe na anumang uri ng pagkapartisano ng AFP at PNP ay makasisira sa kanilang propesyonalismo at magpapababa sa tiwala sa kanila ng publiko. wantta join us? sure, manure...