PAGDAGDAG NG EDCA SITES, SUPORTADO SA KAMARA

anne

Mindanaon solon suportado ang dagdag na EDCA sites kabilang ang Pag-asa Island

Suportado ni Cagayan de Oro 2nd District Representative Rufus Rodriguez na palawakin o i-expand ang Philippine-US Enhanced Defense Cooperation Agreement (EDCA).

Paliwanag ng beteranong mambabatas, ito ay ang ating pambansang interes para paigtingin ang partnership sa Estados Unidos na layong  hadlangan ang anumang posibleng pagsalakay mula sa China sa West Philippine Sea at posibleng pag-agaw ng Chinese sa mga islet na pag-aari ng ating bansa sa ilalim ng International law.

Nais din ni Rodriguez na mapabilang o dapat masakop sa expanded EDCA sites ang mga lugar kung saan may nagaganap na pambu bully o panggigipit ng mga Chinese sa mga Pilipinong mangingisda. 

Dahil dito, iminumungkahi ng Mindanaon solon na ang Pag-asa Island na matatagpuan sa Palawan ay mapabilang din sa  expanded EDCA sites.

Sa ngayon hindi pa natukoy ang apat na karagdagang mga site na kasama sa EDCA plus.

Ang limang kasalukuyang lokasyon ay Antonio Bautista Air Base sa Palawan, Basa Air Base sa Pampanga, Fort Magsaysay sa Nueva Ecija, Mactan-Benito Ebuen Air Base sa Cebu, at Lumbia Air Base sa Cagayan de Oro City.

Suportado din nito ang Philippine Air Force base sa dating Lumbia airport sa Cagayan de Oro City.

Umaasa ang mambabatas na maglalaan ng pondo ang US government para lalo pang ma develop at ma fully capacitate ang nasabing air base.

Dagdag pa ng beteranong mambabatas na ang free ports sa Subic, Zambales at Clark sa Angeles City, Pampanga, na mga dating US military bases ay dapat maging parte ng EDCA training-exercises at humanitarian activities.

“The presence of the US in the former US Navy base in Subic could deter Chinese Coast Guard and military vessels from driving away our fishermen from their traditional fishing grounds in Scarborough or Panatag Shoal, or Bajo de Masinloc, which is near Zambales and Pangasinan,” wika ni Cong. Rodriguez.

Sinabi ni Rodriguez ang pinalawak na kooperasyon sa depensa sa West Philippine Sea ay dapat mag-udyok sa administrasyong Marcos na payagan at suportahan ang oil exploration at gas sa Reed Bank malapit sa Palawan.

Napag-alaman na ang Reed Bank o Recto Bank ay iniulat na may hawak na mas maraming reserbang langis at gas kaysa sa Malampaya natural gas project, na matatagpuan din sa Palawan.

Sa ngayon, isang lokal na kumpanya na may mga dayuhang kasosyo ang may hawak ng kontrata ng serbisyo para sa paggalugad ng langis at gas sa Recto Bank.

wantta join us? sure, manure...

PAGKAMATAY NI JULLEBEE RANARA SA KUWAIT, ISANG PATUNAY NG PANGANGAILANGANG MAAMIYENDAHAN NA ANG SALIGANG BATAS

Isa Umali / Feb. 06

Ang karumal-dumal na pagkamatay ng Overseas Filipino Worker na si Jullebee Ranara at iba pang OFWs ay malinaw na nagpapakita ng kakulangan ng trabaho at oportunidad sa Pilipinas, kaya naman napapanahon na umanong maamyendahan ang Saligang Batas.

Ito ang iginiit ni Kabayan PL Rep. Ron Salo, sa kanyang sponsorship speech sa “public consultation” ng House Committee on Constitutional Amendments para sa pag-amyenda ng 1987 Constitution. 

Si Salo ay naghain ng House Bill 6920 na nagsusulong ng Constitutional Convention o Con-Con.

Ayon kay Salo, maraming Pilipino ang pinipiling umalis ng Pilipinas para mag-trabaho sa abroad, sa kabila ng mga “risk” o peligro at banta sa kanilang “physical at mental well-being.”

Tanong ni Salo, gaano pa katagal ang kailangang hintayin para kumilos, bago maagapan ang pagdami ng mga OFW na aalis ng bansa.

Binigyang-diin pa ng kongresista na ang “lack of employment” sa ating bansa ay isang problema na dapat ay agarang solusyunan.

At batay aniya sa iba’t ibang research, ang kakulangan ng trabaho at oportunidad ay bunsod ng “trade restrictions” na ipinapataw sa “foreign capital.”

Ang mga ito ay hadlang din sa paglago ng ekonomiya, nakaka-apekto sa “competitiveness” sa mga industriya sa bansa at “national development” sa nakalipas na mga taon. Naririyan din aniya ang monopolya at iba pa.

Kaya naman sinabi ni Salo na panahon nang maayemdahan ang Konstitusyon at i-liberalize ang mga limitasyon, na hindi lamang makakapagbigay ng oportunidad sa mga Pilipino at kani-kanilang pamilya, kundi makakatulong din pagbangon ng bansa mula sa dalawang taong pandemya ng COVID-19.

wantta join us? sure, manure...

REP. WILFRIDO ENVERGA, ITINALAGA BILAGA CARETAKER NG UNANG DISTRITO NG VALENZUELA CITY

Milks/06feb23

Si Congressman Wilfrido Mark Enverga ang itinalaga ng Kamara bilang caretaker ng 1st district ng Valenzuela.

Ito ay matapos mabakante ang posisyon nang tanggapin ni dating Congressman Rex Gatchalian ang pagiging kalihim ng Department of Social Welfare and Development.

Si Enverga ay kinatawan ng unang distrito ng Quezon.

Samantala, pormal nang natanggap ng Kamara ang letter of resignation ni Gatchalian bilang kinatawan ng 1st district ng Valenzuela.

Nagbitiw na rin si Gatchalian bilang Chairman ng House Committee on Local Government.

Sa plenaryo inihayag na aalisin na ang pangalan ni Gatchalian sa roll of members ng House of Representatives.

wantta join us? sure, manure...

PAGSISIYASAT SA SMUGGLING NG AGRI PRODUCTS, TATAPUSIN NA

anne

Patatapusin muna ng House Ways and Means Committee ang pagdinig na isinasagawa ngayon ng Committee on Agriculture and Food sa pangunguna ni Quezon Representative Mark Enverga kaugnay sa pagtaas ng presyo ng sibuyas at smuggling ng mga agricultural products.

Ayon kay Cong. Salceda na kaniyang napagdesisyunan na tapusin na muna ng Committee on Agriculture and food ang kanilang pagdinig ng sa gayon hindi magkaroon ng pagsapaw.

Sa pagdinig ng house ways and means kaninang umaga  hindi kasama sa agenda ang pagdinig sa smuggling.

Sinabi ni Salceda humingi siya ng payo kay House Speaker Martin Romualdez hinggil sa isyu.

Siniguro din ni Salceda na ipagpapatuloy nito ang pagdinig sa mga susunod na araw.

Hindi naman sinabi ng mambabatas kung kailan nakatakda ang pagdinig ng kaniyang komite kaugnay sa smuggling.

Inaasahang dadalo sa pagdinig ang mga tinukoy na personalidad na nasa likod ng bigtime smuggling sa bansa.

Una ng sinabi ni ways and means vice chair at Agap Party list Representative Nicanor Briones na sa February 13,2023 nakatakda ang susunod na pagdinig.

wantta join us? sure, manure...

AMIYENDA SA SALIGANG BATAS, SOLUSYON SA KAKULANGAN NG OPORTUNIDAD AT TRABAHO SA BANSA

Isa Umali / Feb. 06

Ang karumal-dumal na pagkamatay ng Overseas Filipino Worker na si Jullebee Ranara at iba pang OFWs ay malinaw na nagpapakita ng kakulangan ng trabaho at oportunidad sa Pilipinas, kaya naman napapanahon na umanong maamyendahan ang Saligang Batas.

Ito ang iginiit ni Kabayan PL Rep. Ron Salo, sa kanyang sponsorship speech sa “public consultation” ng House Committee on Constitutional Amendments para sa pag-amyenda ng 1987 Constitution. 

Si Salo ay naghain ng House Bill 6920 na nagsusulong ng Constitutional Convention o Con-Con.

Ayon kay Salo, maraming Pilipino ang pinipiling umalis ng Pilipinas para mag-trabaho sa abroad, sa kabila ng mga “risk” o peligro at banta sa kanilang “physical at mental well-being.”

Tanong ni Salo, gaano pa katagal ang kailangang hintayin para kumilos, bago maagapan ang pagdami ng mga OFW na aalis ng bansa.

Binigyang-diin pa ng kongresista na ang “lack of employment” sa ating bansa ay isang problema na dapat ay agarang solusyunan.

At batay aniya sa iba’t ibang research, ang kakulangan ng trabaho at oportunidad ay bunsod ng “trade restrictions” na ipinapataw sa “foreign capital.”

Ang mga ito ay hadlang din sa paglago ng ekonomiya, nakaka-apekto sa “competitiveness” sa mga industriya sa bansa at “national development” sa nakalipas na mga taon. Naririyan din aniya ang monopolya at iba pa.

Kaya naman sinabi ni Salo na panahon nang maayemdahan ang Konstitusyon at i-liberalize ang mga limitasyon, na hindi lamang makakapagbigay ng oportunidad sa mga Pilipino at kani-kanilang pamilya, kundi makakatulong din pagbangon ng bansa mula sa dalawang taong pandemya ng COVID-19.

wantta join us? sure, manure...

EDDIE GARCIA BILL, APRUBADO NA SA KAMARA

Isa Umali / Feb. 06

Sa botong 240 na pabor at walang pagtutol --- aprubado na ng Kamara sa ikatlo at huling pagbasa ang House Bill 1270 o mas kilala bilang “Eddie Garcia Bill.”

Ang panukala ay ipinangalan sa yumaong beteranong aktor na si Eddie Garcia, na namatay noong June 2019.

Ayon kay House Speaker Ferdinand Martin Romualdez, sa oras na maging ganap na batas --- masasakop ng Eddie Garcia Act ang libo-libong tao na nagta-trabaho sa entertainment sector o independent contractors sa pelikula, telebisyon at radyo.

Titiyakin aniya nito ang mabuting employment, kaligtasan at proteksyon laban sa mga abuso, harassment, mapanganib na “working environment,” exploitation at iba pa na nasa industriya.

Nakasaad pa sa panukala na dapat ay mayroong kontrata sa pagitan ng employer at independent contractor bago magsimula ang proyektong gagawin, at nakalagay na rito ang oras at ang gagawing serbisyo.

Dapat ding sumunod sa batas ang pagkuha ng mga menor-de-edad.

Ang bayad naman ay hindi maaaring mas mababa sa minimum wage at dapat ay mayroong benepisyo mula sa Social Security System, Pag-IBIG Fund, at Philhealth.

wantta join us? sure, manure...

FREELANCE WORKERS PROTECTION ACT, PASADO NA SA KAMARA

Isa Umali / Feb. 06

Sa botong 250 na pabor at walang kumontra…

Inaprubahan na sa ikatlo at huling pagbasa ang House Bill 6718 o “Freelance Workers Protection Act.”

Ayon kay House Speaker Ferdinand Martin Romualdez, inaasahang nasa 1.5 milyong Pinoy freelance workers ang makikinabang kapag naging batas na ang panukala.

Sa ilalim ng panukala, kailangang mayroong kontrata sa pagitan ng freelance worker at kumukuha ng kanyang serbisyo.

Nakasaad sa gagawing kontrata ang mga kondisyon sa pagtatrabaho, detalye ng pagbabayad at benepisyo, mga magiging dahilan para makansela ang kontrata, at iba pangkondisyon na itatakda ng Department of Labor and Employment o DOLE.

Ang mga freelance worker ay dapat ding makatanggap ng night shift differential at hazard pay.

Ang mga lalabag naman ay pagmumultahin ng P50,000 hanggang P500,000.

Kailangan namang magparehistro ng mga freelance worker sa Bureau of Internal Revenue at sila ay bibigyan ng tax relief sa ilalim ng Tax Reform for Acceleration and Inclusion (TRAIN) Act.

wantta join us? sure, manure...

PAGDINIG HINGGIL SA MGA BASIC COMMODITIES AT TABACCO, NAKATAKDA NA SA FEBRUARY 13

Kinumpirma ni Agap Partylist Rep. Nicanor Briones na siya ring vice chairman din ng Committee Ways and Means na nakatakda sa February 13, 2023 sa susunod na Lunes ang pagdinig ng komite sa isyu ng smuggling sa mga basic commodities and tobacco.

Sa panayam kay Cong. Briones, sinabi nito na maging siya ay nagulat kung bakit bigla na lamang kinansela ang hearing nuong nakaraang Lunes.

Ayon kay Rep. Briones, First time kasi sana na mangyayaring kasama sa hearing ang mga alleged big time smugglers.

Sinabi ng mambabatas na ang dahilan ng Committee Chair na si Rep. Joey Salceda ay nais nito maging patas ang pag iimbestiga ng Kamara hinggil sa naturang isyu.

Kahit na hindi kinonsulta ang mga grupo ng magsasaka sa consultation, naniniwala pa rin si Briones na seryoso si Rep. Salceda at Rep. Suansing na matutuloy ang hearing kasama ang mga alleged smugglers na ito. 

Oportunidad din kasi ito para maklaro at malinis ang mga pangalan ng mga inaakusahang smugglers.

Kasama sa mga inaasagang dadalo ang isang kontrobersiyal na indibidwal na si Michael Ma.

Samantala, binigyang diin ni Briones na mahalaga na magkaroon muli ng pagdinig hinggil sa nasabing isyu dahil inaabangan ito ng publiko.

Aniya kapag hindi tinuloy ang pagdinig magagalit ang publiko at magkaroon ng perception na ito ay naayos.

Ayon sa mambabatas marami ang dapat malinawan sa isyu lalo at umaabot sa P7 billion ang nawawalang revenue o kita ng gobyerno dahil sa smuggling.

Naniniwala naman si Briones na hindi basta basta na lamang maglabas ng mga pangalan si Rep. Toto Suansing kung hindi ito reliable.

Isinusulong din ni Briones ang HB No. 6975.

Layong ng panukalang batas na ito ay mapigilan ang smuggling, hoarding, profiteering, at cartel na nagpapahirap sa magsasaka, mangingisda, at mamimili.

Inihayag naman ni Briones na posible umabot sa P30 bilyon ang income ng cartel at hoarders kapag hindi durugin at wasakin ang mga nakumpiskang sibuyas dahil maaari pa rin itong mapapagkakitaan muli ng cartel at hoarders.

Sabi ni Briones kapag binenta pa sa merkado ang mga na-confiscate na mga agricultural products, yung mga nagmamanipula rin ang nakakabili at binebenta ng napakamahal sa mga consumers. 

Dagdag pa ng mambabatas nakakalungkot din na sobra-sobra ang importasyon at sinasabay ito sa harvest period. 

Panawagan ni Briones, bigyan lang sana ng oras na kumita ang mga farmers para dumami ang production.

Aniya,  Overimportation at smuggling talaga ang nagiging kalaban ngayon.

wantta join us? sure, manure...

ANTI-AGRICULTURAL SMUGGLING COUNCIL, ISINUSULONG NA ITATAG

Isinusulong ni AGAP PL Rep. Nicanor Briones na magtatag ng isang “National Anti-Agricultural Smuggling Council” na tututok at tutugon sa talamak na problema ng “smuggling, hoarding, profiteering at cartel” ng mga produktong agrikultural sa ating bansa.

Ito ay nakasaad sa kanyang House Bill 6975, na layong palakasin ang mga hakbang laban sa smuggling sa pamamagitan ng pag-amyenda sa Republic Act 10845 o Anti-Agricultural Smuggling Act of 2016.

Batay sa House Bill, ang National Anti-Agricultural Smuggling Council ay pangungunahan ng Office of the President. Kabilang sa mga miyembro ng konseho ay:

- Sinumang itatalaga ng pangulo mula sa Presidential Security Group

- Department of Agriculture Assistant Sec. for Inspectorate and Enforcement

- Kinatawan mula sa Bureau of Customs

- Mga kinatawan mula iba’t ibang sektor gaya ng mga magsasaka (palay, mais, gulay, asukal, tabako); magba-baboy at magma-manok; mangingisda; egg producers at iba pa

- Samahang Industriya ng Agrikultura o SINAG

- Agricultural Sector Alliance of the Philippines

Nakasaad sa panukala na kasama sa kapangyarihan at tungkulin ng Council ay maglatag at magpatupad ng angkop at epektibong paraan para matuldukan ang mga pagpupuslit, cartel at katulad.

Gayundin ang mag-utos ng mga “anti-agricultural economic sabotage intelligence operations” at pabantayan sa “Anti-Agricultural Smuggling Task Force” ang mga aktibidad ng mga grupo, indibidwal o kumpanya/negosyo na sangkot sa smuggling at iba pang pang-aabuso sa merkado; at mag-imbestiga; mag-isyu ng alert orders, search warrant, warrant to seizure, at mang-aresto.

Ang naturang task force naman ay pamumunuan ng PSG, habang ang assistant team leader ay mula sa Armed Forces of the Philippines; at mayroong makakasama rin mula sa PNP, NBI, PH Coast Guard at mga kinatawan mula sa agri sectors.

Para naman sa mabilis na usad ng mga kaso, bubuo ng “Special Team of Prosecutors” mula sa Department of Justice.

wantta join us? sure, manure...

CALIBRATED IMPORTATION NG SIBUYAS AT BAWANG, IREREKOMENDA NG KAMARA KAY PBBM

Pinakikilos ni House Speaker Martin Romualdez ang House Committee on Agriculture and Food na magsagawa ng imbestigasyon laban sa mga mapagsamantalang traders at hoarders ng sibuyas at bawang.

Iniutos ito ni Romualdez dahil nananatiling mataas ang presyo sa merkado ng naturang agri products sa kabila ng ongoing harvest season at sa pagpasok sa bansa ng imported onions.

Bukod sa imbestigasyon ng komite, sinabi ni Romualdez na dapat may mairekumindang kasuhan dahil malinaw itong economic sabotage.

Ayon kay Romualdez, pinag-aaralan ng Kamara na irekuminda kay Pangulong Bongbong Marcos ang “calibrated importation” ng sibuyas at bawang .

Layunin nito na mapwersa ang mga hoarders na ilabas ang kanilang stocks at makatulong para mag-normalize ang presyo at supply ng sibuyas at bawang sa merkado.

Iginiit ni Romualdez, ang gagawing importasyon ay dapat sapat lang para hindi makaapekto sa ani at kita ng ating mga magsasaka.

Bukod dito, umaapela si Romualdez sa Department of Agriculture at Department of Trade and Industry na magsagawa ng regular monitoring sa merkado ng supply at presyo ng sibuyas, bawang at iba pang basic commodities.

wantta join us? sure, manure...

TRADERS AT HOARDERS NA NASA LIKOD NG ARTIFICIAL SHORTAGE NG SIBUYAS AT BAWANG, SISIYASATIN SA KAMARA

Ipinag-utos na ni House Speaker Martin Romualdez sa House Committee on Agriculture and Food na siyasatin ang  ilang mapagsamantalang traders at hoarders na itinuturong nasa likod ng artipisyal na kakapusan ng suplay ng bawang at sibuyas sa mga merkado at dahilan ng pagtaas ng halaga ng mga produktong ito.

Sinabi ni Speaker Romualdez na sakaling mapatunayang nagkasala, agad aniyang irirekomenda ang pagsasampa ng kasong kriminal laban sa mga abusadong negosyante.

Nauna nang sinabi ng House Speaker na malinaw na isa itong economic sabotage kayat marapat lamang na mayroong managot sa batas.

Sa kasalukuyan, pinag-aaralan na ng House panel ang pagbibigay ng rekomendasyon kay Pangulong Ferdinand Marcos Jr., para i-calibrate ang onion and garlic importation upang mapwersa ang mga mapagsamantalang indibidwal na ilabas ang kanilang mga nakaimbak na agri products.

Sa ganitong paraan, bababa aniya ang presyo ng mga bilihin at maiibsan ang pasanin ng mga mamimili dahil sa napakamahal na mga bilihin.

Maliban dito, nais din ng Liderato ng Kamara na magkaroon ng daily monitoring ng presyo ng mga bawang at sibuyas sa ibat ibang palengke sa bansa.

wantta join us? sure, manure...

SIBUYAS - MGA MAPAG-SAMANTALANG TRADES AT HOARDERS NG SIBUYAS AT BAWANG, BINALAAN NI SPEAKER ROMUALDEZ "

“Bilang na ang kanilang mga araw"

Ito ang babala ni House Speaker Martin Romualdez laban sa mga walang konsensyang traders at hoarders ng mga sibuyas at bawang na itinuturong nasa likod ng patuloy na pagtaas ng presyo ng mga produktong pang-agrikultura sa mga merkado.

Ayon kay Speaker Romualdez, nakatanggap sya ng impormasyon na ilang negosyante ang nasa likod ng artipisyal na kakapusan ng suplay ng bawang at sibuyas na dahilan ng pagsipa ng halaga ng mga produktong ito.

Giit ng House Speaker, sa kabila ng nagpapatuloy na harvest season at pagdating ng mga imported onions, nananatili paring mataas ang presyo nito sa mga palengke.

Malinaw ani Romualdez na isa itong economic sabotage na dapat na maimbestigahan.

Samantala, inihayag ng House Leadership na dapat ding kumilos ang mga kinauukulang ahensya ng pamahalaan upang matuldukan ang talamak na smuggling ng mga agri products sa ating bansa.###

wantta join us? sure, manure...