MOTO PROPRIO INVESTIGATION SA ISYU NG 990 KILOS NA SHABU NA NASAMSAM SA OPISINA NI SGT MAYO, AARANGKADA NA

Nakatakda ngayong araw na ito ang imbestigasyon hinggil sa napaulat na cover-up ng ilang opisyal ng Philippine National Police sa P6.7 billion shabu fiasco batay sa HR00495 na inihain mismo ni Surigao del Norte Rep. Ace Barbers, ang Chairman House Committee on Dangerous Drugs.

Bahagi ito ng motu proprio inquiry ng komite sa nabunyag na drug recycling.

Buwan ng Oktubre nang nakaraang taon nang masamsam ng pulisya ang nasa 990 kilos ng shabu na nakatago sa opisina ng lending company ni dating Police Master Sgt Rodolfo Mayo ng PNP Drug Enforcement Group.

Sinabi ni Barbers na kanilang inimbitahan sa pulong ang higit apatnapung PNP officials na sinasabing sangkot sa isyu.

Nagpaabot din ang komite ng imbitasyon kay Mayo.

Magkagayonman, hindi pa rin tiyak kung mapapahintulutan dumalo si Mayo, kahit via teleconferencing dahil nasa kustodiya na ito ng BJMP sa Camp Bagong Diwa simula pa noong Diyembre.

Para kay Cong Barbers, malaking bagay kung makakadalo si Mayo upang mas mabigyang linaw ang isyu.

Posibleng abutin ng isa hanggang dalawa pang imbestigasyon ang komite bago magkaroon ng rekomendasyon sa isyu ng drug recycling.

## wantta join us? sure, manure...

PAGDINIG SA KONTROBERSIYAL NA SHABUNG NASABAT SA TONDO NOONG NAKARAANG OKTUBRE, IPAGPAPATULOY NG KOMITE SA KAMARA

Nakatakdang ipagpapatuloy bukas, Miyerkules, ng House Committee on Dangerous Drugs ang pagdinig sa kontrobersyal na 990-kilo ng shabu na nasabat sa Tondo, maynila noong 0ctober 8, 2022.

Layun ng imbestigasyon na matukoy ang mga hinihinalang “ninja cops” na sangkot sa isyu ng umanoy tangkang pagcover-up kay dismissed P/MSgt. Rodolfo Mayo Jr., at pag-recycle sa mga nasamsam na iligal na droga.

Maliban dito, nais din ng komite na pinamumunuan ni Surigao Del Norte 2nd District Rep. Robert Ace Barbers na makalikha ng bagong batas upang maiwasan na muling madawit sa illegal drug recycling ang mga otoridad.

Sinabi ni Barbers, na ilang opisyal at tauhan ng Philippine National Police (PNP) ang kanilang inimbitahan sa pagdinig partikular na iyung mga nakita sa cctv footage sa mismong crime scene.

Kabilang din sa mga inimbitahang resource persons ni Cong. Barbers, sina Interior and Local Government Secretary Benhur Abalos, Justice Secretary Crispin Remulla, Newly Appointed PNP Chief Maj. Gen. Benjamin Acorda, PDEA Chief Ret. P/Gen. Virgilio Lazo, former PDEA chief Wilkins Villanueva, former PDEA NCR Director Alvin Alvarin, at ilan pang opisyal ng Bureau of Customs, Philippine Coast Guard, at NBI.

Inaasahan ding dadalo sa committee hearing na ito si suspended PNP DEG Agent Mayo, na syang may-ari ng WPD Lending kungsaan nakuha ang 990 kilos ng shabu.

Dagdag ni Barbers, hindi lamang ang 42Kilos ng shabu na tinangkang ipuslit ng ilang police agent ang tututukan sa pagdinig, kundi dapat din aniyang alamin kung saan nagmula ang halos 1 toneladang iligal na droga.. wantta join us? sure, manure...

PMMA, NAIS NA PALAKASIN NI DATING PANGULO AT NGAYO’Y SENIOR DEPUTY SPEAKER GMA

Nais ni dating pangulo at ngayon ay Senior Deputy Speaker Gloria Macapagal Arroyo na palakasin pa ang kapasidad ng Philippine Merchant Marine Academy (PMMA).

Sa kaniyang pagharap sa PMMA kamakailan para sa pagpapasinaya ng life size statue ng kaniyang ama na si dating Pang. Diosdado Macapagal, sinabi nito na inaaral na sa Kamara ang pag-convert ng PMMA bilang Philippine National Marine Academy (PNMA) 

Ayon kay Arroyo, itutulak niya sa mga kasamahang mambabatas na pagtibayin ang naturang panukala upang maipantay ang PMMA sa Philippine Military Academy at Philippine National Police Academy.

Sa kasalukuyan, mayroon nang isang panukala na nakahain sa Kamara hinggil dito.

## wantta join us? sure, manure...