Nangangamba ang Social Security System sa posibilidad na itaas ang kontribusyon ng overseas Filipino workers sakaling lumikha ng hiwalay na pension system para sa kanila.

Sa initial deliberations ng House Overseas Workers Affairs Committee ukol sa House Bills 176 at 5902 o ang pagtatatag ng OFW Social Security and Retirement System, sinabi ni SSS Vice President for Actuarial Services Division Gilby Oribello na mayroon silang "reservations" pagdating sa mas maagang retirement age ng OFW na 45 hanggang 50 years.

Maaaring lumampas aniya ang 14 percent contribution ng OFWs na miyembro ng SSS dahil maaapektuhan ang sustainablity ng pension fund.

Bagama't batid ng SSS na ang layunin ng mga panukala ay itaguyod ang kapakanan ng overseas Filipinos, may mga short at long-term na programa naman para sa kanila.

Kabilang na rito ang Workers' Investment and Savings Program at ang mga pinasok na social security agreements sa ibang bansa para maprotektahan ang social security rights ng OFWs.

Aminado rin ang SSS na malaking hamon para sa kanila na mula sa 1.3 million OFW members ay nasa kalahating milyon lamang ang aktibo at regular na nagbabayad ng kontribusyon.

Nahihirapan anila ang OFWs na magbayad lalo na ang mga hindi pa nade-deploy kaya ang panukala nila sa Department of Migrant Workers ay kunin ang SSS number ng miyembro at magkaroon ng data sharing agreement upang ma-contact ang OFW pagdating sa ibang bansa. wantta join us? sure, manure...

Bahagi ng repatriation process ng pamahalaan sa mga kababayang nating OFW sa Israel ang pagsiguro na maayos ang kanilang pakikipag-hiwalay mula sa kanilang mga employer.

Sa pulong na ipinatawag ng House Committee on Overseas Workers Affairs, sainabi ni DMW OIC Usec. Hans Cacdac na mahalagang magkaroon ng maayos na pagkakaunawaan ang OFW at kaniyang employer na uuwi ito ng Pilipinas.

Ito aniya ay para hindi ito ituring na abandonment of duty.

Sa paraang ito ani Cacdac, oras na humupa na ang tensyon sa Israel ay malayang makakabalik ang OFW sa kaniyang employer.

“Sa Israel sinisiguro natin dun sa mga returnees na positive ang paghihiwalay nila with their respective elderly employers. Ibig sabihin tanggap ng employers na kailangan nang umuwi yung kababayan natin, walang abandonment of duty. Which means pag humupa ang sitwasyon may mababalikan pa ho silang trabaho.” sabi ni Cacdac

Sa kabuuan, limampu’t siyam na Pinoy migrant workers na mula Israel ang nagbalik bansa dahil sa patuloy na kaguluhan doon

## wantta join us? sure, manure...

Shortage ng cybersecurity experts sa bansa, dapat aksiyunan bago ang mga posibleng hacking na naman sa ilang government websites…

…

Kakaunti lamang ang mga Filipino IT experts on cybersecurity kaya nakababahala na masundan muli ang hacking sa ilang website ng gobyerno.

Ito ang babala ni Congresswoman Alexie Tutor sa harap ng mga sunod-sunod na hacking sa ilang government websites nitong mga nakalipas na linggo.

Ayon kay Tutor, sa datos, umaabot lamang sa 200 ang certified cybersecurity specialists sa Pilipinas.

Bukod pa dito, sobrang mahal ang customized cybersecurity software, hardware at architecture designs na ngayon lamang napag-iisipan na paglaanan ng pondo.

Sabi ni Tutor, miembro ng House Committee on Information and Communications Technology, kailangan ng malaking kapital sa cybersecurity kaya dapat isulong ng gobyerno ang public-private partnerships at foreign technical assistants.

Binanggit ni Tutor ang pondong mapagkukunan mula sa Asian Development Bank, Japan International Cooperation Agency at ang World Bank, para ma-upgrade ang cybersecurity ng bansa at makakuha at makapagsanay ng mga dagdag pang IT cybercrime security experts. wantta join us? sure, manure...

Iniulat ng Department of Migrant Workers na na-contact na ang overseas Filipino workers sa Israel na kaanak ng mahigit pitongdaang pamilya sa Pilipinas.

Sa briefing sa House Overseas Workers Affairs Committee ngayong araw, sinabi ni Migrant Workers Officer-in-charge Undersecretary Hans Leo Cacdac na umabot sa 746 OFW families ang nagpasaklolo sa tanggapan sa pamamagitan ng helpline.

744 aniya sa mga ito ang accounted na habang dalawa pang OFWs ang hinahanap sa tulong ng Israeli Defense Forces.

Nananatili sa apat ang bilang ng mga Pilipinong nasawi sa hidwaan sa pagitan ng Israel at Hamas.

Tuluy-tuloy din ang repatriation efforts ng DMW kung saan ang bawat returning Filipino ay bibigyan ng 50,000 pesos na cash assistance dahil sa biglaang pagkawala ng trabaho.

Nagpasalamat naman si Cacdac sa suporta ng partner agencies gaya ng Department of Health, TESDA at DSWD.

Sa pagdating sa bansa ng mga Pinoy na manggagaling sa Israel ay agad silang isasailalim sa medical check-up at psychosocial counseling.

Training vouchers ang ipinamamahagi ng TESDA sa mga interesadong OFW na nais sumabak sa skills training. wantta join us? sure, manure...