MGA PANUKALANG BATAS NA MAGTATATAG NG MGA TANGGAPAN NG LTO, MARINA AT LTFRB, INAPRUBAHAN NG KOMITE; IMBESTIGASYON HINGGIL SA PROYEKTONG DUAL I.T. SYSTEM NG LTO, ISINAGAWA

Inaprubahan ngayong Miyerkules ng Komite ng Transportasyon sa Kapulungan ng mga Kinatawan, na pinamumunuan ni Antipolo City Rep. Romeo Acop ang mga panukalang batas na magtatatag ng mga rehiyonal, o karagdagang tanggapan ng Maritime Industry Authority (MARINA) sa iba't ibang bahagi ng bansa. Ito ay ang House Bills 732, 733, 734, 1838, 3501 at 5108, na iniakda nina MARINO Rep. Sandro Gonzalez, Zamboanga del Norte Rep. Adrian Michael Amatong, Agusan del Norte Rep. Dale Corvera at Bataan Rep. Albert Garcia, ayon sa pagkakabanggit. 

Pinagtibay din ng Komite ang HBs 293 at 1126, na naglalayong magtatag ng mga tanggapan ng Land Transportation Franchising and Regulatory Board (LTFRB) sa Bacolod City at Cataingan, Masbate. Ang mga panukala ay iniakda ni Bacolod City Rep. Greg Gasataya at Masbate Rep. Wilton Kho, ayon sa pagkakasunod. 

Bukod pa rito, inaprubahan ng Komite ang HBs 1839, 2629, 3401, 3916, 3947, 3948 at 4275, na naglalayong magtatag ng mga tanggapan ng distrito ng Land Transportation Office (LTO) sa ilang mga lugar; gayundin ang HBs 1823, 3070, 3100, 3522 at 4614, na naglalayong gawing regular na opisina ng distrito ang mga karagdagang tanggapan ng LTO. 

Nagsagawa rin ang Komite ng imbestigasyon, hinggil sa hindi kinakailangan at walang kakayahang kontratista at proyekto ng Information Technology (IT) ng LTO. 

Ang imbestigasyon ay batay sa House Resolution 279 na inihain ni BH Rep. Bernadette Herrera. 

Ang ahensya ay nagkaroon ng kasunduan sa Stradcom Corporation sa pamamagitan ng isang Build-Own-Operate (BOO) na proyekto, at kalaunan ay ipinagpatuloy ng magkasanib na proyekto ng Dermalog Identification Systems, Holy Family Printing Corp., Microgenesis Solutions, Inc., at Verizontal Builders, Inc. na may kabuuang halaga ng kontrata na P3.19-bilyon. 

Nais ng LTO na gawing digital ang mga sistema nito para sa mas mabilis na pagpaparehistro ng lisensya sa pagmamaneho at sasakyan, mas mahusay na koleksyon ng buwis, pagpapatupad ng batas, pagbuo ng database, at kasalukuyang impormasyon sa mga tanggapan nito. 

Gayunpaman, sinabi ni Acop na nananatili pa rin ang mga problema sa serbisyo ng sistema, saklaw, pamamahala ng database, mga pagkaantala sa serbisyo, at mga tambak sa kabila ng mga pagsisikap na gawing digital ang sistema. 

Sinabi rin ni Herrera na ang dalawang sistema ng IT mula sa magkaibang kontratista ay salungat sa interes ng publiko. Ipinaliwanag niya na may ilang mga rehiyon ang nagpatupad ng Land Transportation Management System (LTMS), samantalang ang iba ay hindi, na naglagay sa mga mamamayan na mapilitang magbayad sa dagdag singil.

DANNY JAVIER RESO

Pinagtibay ng Mababang Kapulungan ang isang resolusyon na nagpapaabot ng taos-pusong pakikiramay sa mga naulila ng APO Hiking Society member at Pinoy music icon na si Danny Javier.

Sa sesyon ngayong Miyerkules, inadopt ang House Resolution 530 na ini-akda sa pangunguna ni House Speaker Ferdinand Martin Romualdez.

Si Javier ay nasawi noong Oct. 31, 2022 sa edad na 75 taong gulang.

Ayon sa Kamara, habambuhay na maaalala ang natatanging kontribusyon ni Javier sa Philippine Pop Music, at lahat ng kanyang mga awitin at komposisyon na nagdala ng ngiti at ligaya sa maraming mga Pilipino.

Kilala rin anila si Javier na hindi tumigil na ipaglaban ang kanyang minamahal at kanyang pinaniniwalan.

Kasama ni Javier sina Boboy Garovillo at Jim Paredes sa APO Hiking Society, na isa sa mga “pillar” ng Original Pilipino Music o OPM.

Ang kopya ng pinagtibay na resolusyon ay ibibigay ng Kamara sa pamilya ni Javier.

MGA PINAGSAMANG PANUKALA NA NANANAWAGAN PARA RATIPIKAHAN ANG ILO CONVENTION 190, AT REVISED NATIONAL APPRENTICESHIP PROGRAM, PINAGTIBAY NG KOMITE

Pinagtibay ngayong Miyerkules ng Komite ng Labor at Employment ng Kapulungan ng mga Kinatawan, na pinamumunuan ni Rep. Juan Fidel Felipe Nograles (4th District, Rizal) ang apat na pinagsama-samang panukala, na nananawagan para sa agarang ratipikasyon ng Philippine Government of International Labor Organization (ILO) Convention No. 190 (C190), na kilala rin bilang Violence and Harassment Convention of 2019. Ito ay ang House Resolution (HR) 32 na inihain ni Deputy Speaker Raymond Democrito Medoza; HR 85 ni Rep. Maria Rachel Arenas (3rd District, Pangasinan); at HR 271 ni Rep. Arlene Brosas (Party-list, GABRIELA). Sa kanyang talumpati sa pag-isponsor, sinabi ni Arenas na ang ILO Convention 190, kasama ang Recommendation 206, ay isang groundbreaking moment ng kasaysayan sa trabaho dahil ito ang unang pandaigdigang kasunduan na kumikilala sa karapatan ng lahat sa mundo ng trabaho, na maging malaya mula sa karahasan at panliligalig. Ipinaliwanag niya na ang pandaigdigang kasunduan ay naglalayong labanan ang lahat ng uri ng karahasan, at panliligalig sa lahat ng mga lugar ng trabaho, na kinakaharap ng lahat ng uri ng manggagawa, na sumasaklaw sa pribado at pampublikong sektor, pormal at impormal na ekonomiya, at mga lungsod at kanayunan, kung saan ang karahasan at panliligalig na umiiral sa mundo ng trabaho. Gayundin, sinabi ni Mendoza na ang pagratipika ng C190 ay magtatatag sa kasalukuyang administrasyon at sa bansa, bilang moderno o modernisasyon. “It will signal that our labor relations and economic programs are promoting a race to the top, hence making our nation more attractive for foreign direct investments (FDIs),” aniya. Idinagdag niya na ang pagratipika ng C190 ay kailangang madaliin dahil din sa katotohanan na milyon-milyong mga overseas Filipino workers (OFWs) ang nangangailangan ng proteksyon mula sa anumang uri ng karahasan, at panliligalig sa kanilang mga host country. Samantala, inaprubahan ng Komite ang mosyon para pagsama-samahin at aprubahan, na napapailalim sa istilo at mga pagbabago, ang limang hakbang na tumatalakay sa binagong pambansang programa sa pag-aprentis. Ito ay ang HB 20 ni Speaker Ferdinand Martin Romualdez, Rep. Yedda Marie Romuladez (Party-list, TINGOG), Senior Deputy Majority Leader Ferdinand Alexander Marcos, at Rep. Jude Acidre (Party-list, TINGOG); HB 1680 ni Rep. Patrick Michael Vargas (5th District, Quezon City); HB 4651 ni Rep. Michael Romero (Party-list, 1- PACMAN); HB 5156 ni Rep. Gerville Luistro (2nd District, Batangas); at HB 5657 ni Rep. Gus Tambunting (2nd District, Parañaque City). Kabilang sa mga usapin at alalahanin sa pagtalakay sa mga panukalang batas, ay ang insurance para sa mga apprentice, ang panahon ng pag-aaprentice, at ang probationary period. Isasaayos ng Komite ang mga pinagtatalunang probisyon, at magpupulong muli para sa isa pang pagdinig.

ERLY VOTING

Pasado na sa House Committee on Suffrage and Electoral Reforms ang panukalang “early voting” para sa mga senior citizen at mga person with disabilities o PWDs.

Sa pagdinig ng komite, tinalakay ang hindi bababa sa 10 House Bills na pawang nagsusulong ng maagang pagboto para sa mga kwalipikadong nakatatanda at PWDs tuwing national at local elections sa ating bansa.

Sa ilalim ng panukala, makakaboto sila ng pitong araw bago ang nakatakdang petsa ng eleksyon.

Ang mga senior citizen at PWDs ay uubrang bumoto sa “accessible” at ligtas na establisimyento na itatalaga ng Commission on Elections o Comelec.

Matatandaan na nakapasa sa ikatlo at huling pagbasa sa Kamara ang panukalang early voting para sa senior citizens at PWDs noong nakalipas na 18th Congress, upang maihabol sa Eleksyon 2022. Pero bigo itong maging ganap na batas.

Sa kasalukuyang “Absentee Voting”, ang mga sektor na pinapayagan para sa maagang pagboto ay mga Overseas Filipino Worker o OFWs, at mga media worker, mga guro, at mga miyembro ng Armed Forces of the Philippines at Philippine National Police, na karaniwanag nagsisilbing tuwing eleksyon.

Nauna nang sinabi ng Comelec na suportado nila ang early voting na ito, lalo’t “doable” ito at mahihimok ang mas maraming senior citizens at OFWs na bumoto.

House tax panel, tiniyak na aaprubahan ang panukalang i- condone o alisin na ang humigit-kumulang P58B na agrarian reform loans bago matapos ang taon...

Siniguro ni House Ways and Means Chairman Joey Salceda na diringgin at aaprubahan ng House tax panel ang mga tax provisions ng committee report ng House Committee on Agrarian Reform para i-condone o alisin na ang humigit-kumulang P58B na agrarian reform loans.

Kasunod ito ng pag-apruba ng kamara sa pinagsama-samang bersyon ng iba't ibang panukalang batas ukol dito.

Pinasalamatan naman ni Salceda ang chairman ng Committee on Agrarian Reform sa agarang pag aksyon nito sa isinusulong na panukala.

Ipinangako naman ng solon na tatalakayin ng kanyang pinamumunuang House Committee on Ways and Means ang mga tax provisions, at hindi ito magkakaroon ng anumang pagkaantala. 

Tiniyak naman ni Salceda na kanilang sisimulan ang deliberasyon nito sa ikatlong pagbasa bago matapos ang buwan. 

Giit ng kongresista, susundin nila ang nais o kahilingan ni Pang. Ferdinand Marcos na maipasa ang panukalang ito sa pagtatapos ng kasalukuyang taon.

Tinawag naman ng kongresista ang isinusulong na panukala bilang “potentially biggest policy achievement" ng Adminiatrasyon ni Pang. Marcos ngayong 2022.

Malaki rin aniya ang maitutulong nito para sa pagsulong at pag unlad ng mga komunidad sa mga kanayunan.

MASUSTANSIYANG PAGKAIN

Nais ng isang kongresista na masilip o mareporma  ang batas na nagbabawal sa mga otoridad na mabuksan ang mga cargo vehicle na pumapasok sa bansa.

Sa pagpupulong ng House Committee on Dangerous Drugs, sinabi ni Committee Vice Chairman Richard Gomez, na isa kasi ito sa malaking balakid upang tuluyang masawata ang pagpasok ng mga iligal na droga sa Pilipinas.

Sa katunayan ayon sa solon, nahihirapan ang mga otorodid gaya ng Bureau of Customs at Phil coast guard  na matukoy kung naglalaman ng iligal na droga ang mga container van at mga cargo trucks na pumapasok sa Pilipinas, dahil sa hindi nila ito maaring buksan.

Ganito ani Gomez ang kanilang nararanasan sa ormoc city kayat may mga ulat na mayroong mga nakakapasok na kontrabando na dumadaan sa kanilang  ports o mga pantalan.

Giit ng mambabatas, Hanggat hindi  narereporma ang batas ukol dito, tiyak na magpapatuloy ang pagpasok at paglaganap ng mga iligal na droga sa ating bansa.

Mayroon naman aniyang x-ray machine na maaring magamit upang makita ang laman ng bawat cargo vehicle ngunit hindi lahat ng entry point sa bansa ang may ganitong equipment.

RICHARD DANGEROUS DRUGS

Nais ng isang kongresista na masilip o mareporma  ang batas na nagbabawal sa mga otoridad na mabuksan ang mga cargo vehicle na pumapasok sa bansa.

Sa pagpupulong ng House Committee on Dangerous Drugs, sinabi ni Committee Vice Chairman Richard Gomez, na isa kasi ito sa malaking balakid upang tuluyang masawata ang pagpasok ng mga iligal na droga sa Pilipinas.

Sa katunayan ayon sa solon, nahihirapan ang mga otorodid gaya ng Bureau of Customs at Phil coast guard  na matukoy kung naglalaman ng iligal na droga ang mga container van at mga cargo trucks na pumapasok sa Pilipinas, dahil sa hindi nila ito maaring buksan.

Ganito ani Gomez ang kanilang nararanasan sa ormoc city kayat may mga ulat na mayroong mga nakakapasok na kontrabando na dumadaan sa kanilang  ports o mga pantalan.

Giit ng mambabatas, Hanggat hindi  narereporma ang batas ukol dito, tiyak na magpapatuloy ang pagpasok at paglaganap ng mga iligal na droga sa ating bansa.

Mayroon naman aniyang x-ray machine na maaring magamit upang makita ang laman ng bawat cargo vehicle ngunit hindi lahat ng entry point sa bansa ang may ganitong equipment.

DANGEROUS DRUGS OVERSIGHT COMMITTEE, PINAGTIBAY NG KOMITE; MGA PANUKALANG BATAS NA SUMUSUPORTA SA KAMPANYA LABAN SA ILEGAL NA DROGA, TINALAKAY

 Pinagtibay ngayong Miyerkules ng Komite ng Dangerous Drugs sa Kapulungan ng mga Kinatawan, na pinamumunuan ni Surigao del Norte Rep. Robert Ace Barbers, ang House Joint Resolution 7, na nagpapalawig sa operasyon ng Congressional Oversight Committee on Dangerous Drugs ng 10 pang taon mula ika-4 ng Hulyo 2022 hanggang ika-4 ng Hulyo 2032. Inaprubahan din ng mga mambabatas ang kaukulang ulat ng Komite nito. Samantala, bumuo ang Komite ng mga technical working groups (TWG) upang talakayin ang mga panukala na: 1) mag-aamyenda sa ilang probisyon ng Republic Act 9165, o kilala bilang “Comprehensive Dangerous Drugs of 2022”, na pamumunuan ni Leyte Rep. Richard Gomez DPA, 2) paglikha ng mga lupon kaugnay ng pag-abuso laban sa iligal ng droga sa lahat ng probinsya, lungsod, munisipalidad, at barangay sa buong bansa, na pamumunuan ni ANAKALUSUGAN Rep. Ray Florence Reyes, 3) pagtatatag ng sentro ng rehabilitasyon ng droga sa bawat rehiyon, na pamumunuan ni PATROL Rep. Jorge Bustos, at 4) pagpapalawak ng saklaw at sakop ng RA 4200, o ang “Anti-Wiretapping Law,” upang palakasin ang mga kakayahan ng mga ahensyang nagpapatupad ng batas, na pamumunuan ni Camarines Sur Rep. Arnie Fuentebella. Bukod pa rito, nagsagawa din ang Komite ng mga paunang deliberasyon sa: 1) HB 91, na magtatatag ng Magna Carta sa mga benepisyo para sa mga opisyal at kawani ng Philippine Drug Enforcement Agency, 2) HB 2161, na magtatatag ng isang programa sa edukasyon na idinisenyo upang tulungan ang lahat ng kasapi ng komunidad ng institusyong pang-edukasyon, upang maiwasan ang pagkakasangkot sa ilegal na droga, 3) HB 2108, na nagsasaad ng pananagutang sibil sa mga nagbebenta ng droga, sa mga taong napinsala dahil sa ilegal na droga, at 4) HB 2605, na magpapatibay sa mga hangganan ng Pilipinas, upang mas maging epektibo ang pagbabawal laban sa pagpasok ng ilegal na droga sa bansa. Ang mga ahensyang may kinalaman, kabilang ang Dangerous Drugs Board at Philippine Drug Enforcement Agency, at iba pa, ay hiniling na magsumite ng kanilang mga posisyong papel, na isasaalang-alang sa pagsasama at pagpapabuti ng mga panukala, gayundin sa pagbalangkas ng mga substitute bill.

PAHAYAG SA ENGKWENTRONG NANGYARI SA PAGITAN NG MILITAR AT MILF

Ikinalulungkot natin ang nangyaring engkwentro sa pagitan ng puwersa ng militar at ng Moro Islamic Liberation Front o MILF sa Barangay Ulitan sa munisipalidad ng Ungkaya Pukan sa Basilan kahapon, kung saan isang sundalo ang nasugatan.

Nananawagan tayo ng isang agarang ceasefire sa pagitan ng mga nagtutunggaling puwersa sa aming lalawigan ngayon, para sa kaligtasan ng mga mamamayan na maaring madamay sa palitan ng putukan at para hindi na lumala pa ang sitwasyon. Kawawa ang ating mga kababayan.

Ngayon, ang tanong sa ating isipan, bakit nangyayari pa ang mga ganitong engkwentro? Buong akala natin ay wala nang giyera sa pagitan ng AFP at MILF dahil may kasunduan na para sa kapayapaan at nariyan na ang Bangsamoro Autonomous Region in Muslim Mindanao o BARMM na pinamumunuan ng MILF. Pero bakit nagkakaroon pa ng karahasan sa pagitan ng puwersa ng pamahalaan at MILF?

Nais nating ilatag ang ating hamon para sa gobyerno at MILF na ipaliwanag kung bakit nagkaroon ng ganitong klaseng engkwentro lalo na’t may mekanismo tayo ng koordinasyon sa pagitan nila sa ilalim ng Ad Hoc Joint Action Group o AHJAG. 

Dapat maipaunawa nila sa ating mga kababayan, lalo na sa mga mamamayan ng BARMM, kung bakit nababasag ang dapat sana ay matatag na kapayapaan sa Mindanao. 

Nananawagan din tayo ng review para sa mekanismo ng koordinasyon sa pagitan ng pamahalaan at MILF sa mga bagay na may kinalaman sa kooperasyon ng magkabilang panig. Kailangan sigurong pagtibayin na ang mga proseso para hindi na nagkakaroon ng mga ganitong klase ng engkwentro na hindi lamang inilalagay sa peligro ang buhay ng mga tao, kundi pati na rin ang kapayapaang matagal nating pinaghirapang matamo. ###

For inquiries: 

John Concepcion

09086046110

HETEROSEXUAL

Inihain ni Manila Rep. Bienvenido Abante ang House Bill 5717 o "The Heterosexual Act of 2022". 

Layunin ng panukala na kilalanin at protektahan ang karapatan ng mga heterosexuals.

Sa explanatory note ng mambabatas, sinabi nito na kung isinusulong ng LGBTQI community ang kanilang legislated rights at state protection para sa kanilang hanay ay marapat lamang ding isulong at kilalanin ang karapatan ng mga heterosexual.

Bahagi ng kikilalaning karapatan ng heterosexuals na nakapaloob sa panukala ang kalayaan sa paghayag ng paniniwalang pangrelihiyon at saloobin patungkol sa homosexuality.

Ang sinomang pipigil sa nabanggit na mga karapatan ay ipinapanukalang patawan ng parusang pagkakakulong ng lima hanggang pitong taon at multang P100,000 hanggang P200,000.

Kung isang public official ang lalabag ay aalisin ito sa trabaho at papatawan ng perpetual disqualification mula sa paghawak ng anomang government position.

ARB BURA-UTANG

Inaprubahan ng House Committee on Agrarian Reform ang substitute bill para sa panukala na layong burahin ang pagkakautang ng nasa 654,000 agrarian reform beneficiaries (ARB) sa amortization at interest ng kanilang lupain sa ilalim ng Comprehensive Agrarian Reform Program.

Pagbibigay diin ni Ifugao Rep. Solomon Chungalao, chair ng Komite, mahalagang mapagtibay ang panukala na isa sa mga nabanggit na priority legislation ng Pang. Ferdinand R. Marcos Jr sa kanyang State of the Nation Address na kinatigan din ng LEDAC.

“The LEDAC identified this as one of the chief bills that the leadership of both chambers of Congress have outlined with the high chance of approving before the end of the year. Given the timeline I call for your support and together with a firm resolve to move this vital measure towards its enactment.” Saad ni Chungalao.

Nangako naman si House Ways and Means Committee Chair Joey Salceda na mabilis aaprubahan ng kanyang komite ang tax provision ng panukala patungkol sa estate tax amnesty.

Inaasahan aniya niya na Lunes o Martes sa susunod na linggo ay matatalakay na nila ito upang agad ding mai-akyat sa plenaryo lalo at nais aniya ng Pang. Marcos Jr. na maisabatas ito bago matapos ang taon.

“As chairman of the committee on Ways and Means we will definitely schedule the approval of this section (Section 8) once it is referred to us. And I think I will take cognizance once it is approved here that we will discuss it either Monday or Tuesday.” ani Salceda.

Nasa P58 billion ang tinatayang mawawala sa gobyerno oras na mapagtibay ang panukala.

Nitong nakaraang Setyembre, una nang inilabas ng pangulo ang Executive Order No. 4 para sa isang taong moratorium ng pagbabayad sa utang ng ARBs.

BIYAHENG TACLOBAN

Bumiyahe patungong Tacloban City ngayong araw si House Speaker Martin Romualdez upang gunitain ang ika-siyam na taong anibersaryo ng bagyong Yolanda ang pinaka matinding trahedya at sakuna na naranasan ng mga taga Tacloban.

Ayon kay Speaker Romualdez ang mga aral o leksiyon na natutunan mula sa nasabing trahedya ay magsisilbing gabay ng gobyerno sa patuloy na pagresponde sa mga kalamidad.

Binigyang-diin din ni Speaker Romualdez ang kapasidad ng mga Pilipino na sa panahon ng sakuna ay nagkakaisa at nagtutulungan.

Ang paggunita sa Yolanda anniversary ay pagbibigay pugay at pag-alay ng dasal sa mga nasawi sa nasabing trahedya. 

Punto ni Speaker, ang katatagan na ipinakita ng lahat ay bahagi ng sakripisyo ng mga unang tumugon sa sakuna at ang ipinakitang pagkakaisa sa harap ng kahirapan.

Ang bagyong Yolanda ay nasa category 5 na typhoon at isa sa pinaka malakas na tropical cyclones na naitala sa ating bansa.

Sinabi ni Speaker mahirap kalimutan ang takot na kanilang kinaharap nuong hinahagupit ang kanilang lugar ng Bagyong Yolanda.

Pagtiyak naman ni Romualdez na sa ngayon masasabi niya na fully recovered na sila mula sa Yolanda at patunay dito ang resiliency na ipinapakita ng bawat Pilipino.

MUJIV HATAMAN

Kasunduang pangkapayapaan ng  AFP at MILF sa ilalim ng BARMM, kinwestyun ng isang mambabatas kasunod ng naganap na sagupaan ng dalawang panig sa lalawigan ng Basilan..

Ikinalungkot ng isang mambabatas ang nangyaring engkwentro sa pagitan ng militar at ng Moro Islamic Liberation Front o MILF sa Barangay Ulitan sa munisipalidad ng Ungkaya Pukan, Basilan na ikinasugat ng isang tropa ng pamahalaan.

Panawagan ni Basilan Rep. Mujiv Hataman, na magkaroon ng agarang ceasefire sa pagitan ng dalawang panig.

Giit ng mambabatas, layun nito na masiguro ang kaligtasan ng mga naninirahan sa lalawigan na maaring madamay sa palitan ng putok ng milf at tropa ng pamahalaan.

Mahalaga din aniyang matigil na ang sagupaan ng magkabilang panig nang sa  gayuy di na lumala ang sitwasyon.

Samantala, ipinagtataka naman ni Hataman kung bakit muling nagkaroon ng ganitong engkwentro ang AFP at MILF gayung mayroon na aniya silang kasunduan para sa kapayapaan sa ilalim ng Bangsamoro Autonomous Region in Muslim Mindanao o BARMM.

PAGLIPAT NG NDRRMC SA TANGGAPAN NG PANGULO, SUPORTADO NI SPEAKER ROMUALDEZ

TACLOBAN CITY – Suportado ni Speaker Martin G. Romualdez ngayong Martes ang pahayag ni Pangulong Ferdinand “Bongbong” Marcos Jr. sa paglilipat ng National Disaster Risk Reduction and Management Council (NDRRMC) mula sa Department of National Defense-Office of Civil Defense (OCD) tungo sa Office of the President (OP).

Ayon kay Romualdez, ang panukalang paglilipat ay magbibigay kapangyarihan sa Pangulo ng direktang pangangasiwa sa mga pagtugon ng pamahalaan sa mga natural na kalamidad, at pagpapagaan ng epekto ng mga usapin at suliraning may kinalaman sa pagbabago ng klima.

“It simplifies the flow of responsibility and directives to the more than 30 departments, agencies and organizations sitting in the council,” ani Romualdez.

Sinabi niya na ang pahayag ng Pangulo ay naging makabuluhan dahil ito ay kanyang inanunsyo sa araw kung kailan nanalasa ang Super Typhoon Yolanda (international name Haiyan) sa Silangang Bisaya, siyam na taon na nakakaraan, bilang isa sa pinakamalakas na tropical cyclone na naitala sa kasaysayan, na nag-iwan ng mahigit na 6,000 patay, daan-daan o maaaring libong katao ang nawawala at daan-libong katao ang nawalan ng tahanan at trabaho, at hindi mabilang na komunidad ang pinadapa.

Binanggit ni Speaker na ang mga usapin at suliraning may kaugnayan sa pagbabago ng klima tulad ng extreme weather condition ay labis na lumalala.

“Like many nations, we have no choice but to prepare for these eventualities. Our situation is even peculiar, because we are visited by an average of 20 tropical storms every year. We have to streamline our disaster responses and the management of risks to natural calamities,” ani Romualdez.

Sinabi niya na ang bansa, “has to become climate change resilient.”

Nilikha ng Kapulungan ang NDRRMC sa ilalim ng Republic Act (RA) No. 10121, o ang Philippine Disaster Risk Reduction and Management Act of 2010.

Ang lupon ay pinamumunuan ng Kalihim ng DND, kasama ang Kalihim ng Department of Interior and Local Government bilang vice chairperson para sa disaster preparedness, ang Kalihim ng Department of Social Worker and Development (DSWD) bilang vice chairperson para sa disaster response, at Kalihim ng Department of Science and Technology bilang vice chairperson para sa disaster prevention and mitigation, at ang director general ng National Economic and Development Authority (NEDA) bilang vice chairperson para sa disaster rehabilitation and recovery.

Ang mga miyembro ng lupon ay kabibilangan ng mga Kalihim ng Kalusugan, Environment and Natural Resources, Agriculture, Education, Energy, Finance, Trade and Industry, Transportation, Budget and Management, Public Works and Highways, Foreign Affairs, Justice, Labor and Employment, at Tourism.

Gayundin, mauupo sa NDRRMC ang presidential adviser on the peace process, chairman ng Commission on Higher Education, chief of staff ng Armed Forces of the Philippines, chief of the Philippine National Police, press secretary, commissioner ng National Anti-Poverty Commission, chairperson ng National Commission on the Role of Filipino Women, pinuno ng Housing and Urban Development  Coordinating Council, executive director ng Climate Change Commission, mga pangulo ng Government Service Insurance System, Social Security System, PhilHealth, League of Provinces of the Philippines, League of Municipalities of the Philippines, Liga ng mga Barangay, apat na kinatawan mula sa civil society groups, isang kinatawan mula sa pribadong sektor, at ang OCD administrator.

Ang OP ay kinakatawan sa lupon ng executive secretary. 

Lusot na sa ikalawang pagbasa sa Mababang Kapulungan ang panukalang patawan ng bente pesos (P20.00) na “excise tax” ang kada kilo ng single use plastic bags.

Sa “viva voce” o botohan sa pamamagitan ng boses --- aprubado sa Kamara ang House Bill 4102 o Single Use Plastic Bags Tax Bill.

Nauna nang sinabi ni House Ways and Means Committee Chairman Joey Salceda na kapag naging ganap na batas ang panukala, makakatulong ito para mabawasan ang paggamit ng plastic bags sa ating bansa.

Makakatulong din ito para mahimok ang publiko na gumamit ng environmental-friendly na alternatibo sa plastic bags, at maprotektahan sa kalikasan.

Ani Salceda, mas “reasonable” o makatwiran ang pagtataw ng excise tax sa mga plastic bag, kaysa sa tuluyang pag-ban o pagbabawal dito.

Inaasahan namang aabot sa P1 billion kada taon ang kikitain ng pamahalan mula sa plastic bags excise tax, na magagamit naman sa mga solid waste management programs ng mga lokal na pamahalaan.

Kabilang sa papatawan ng excise tax ay mga plastic bag mula sa “place of production” o inilalabas mula sa Bureau of Customs o BOC. Ang plastic bags na ito ay mga “secondary level plastics” na gawa mula sa synthetic o semisynthetic organic polymer, o mas kilalang labo o sando bags may handle man o wala at ginagamit sa packing ng goods o mga produkto.

Suportado ni House Speaker Ferdinand Martin Romualdez ang pinalutan ni Pang. Ferdinand Marcos Jr. na ilipat ang National Disaster Risk Reduction and Management Council o NDRRMC, mula sa Department of National Defense-Office of Civil Defense o OCD tungo sa Office of the President o OP.

Inanunsyo ni Pres. Marcos ang planong ito sa pagbisita niya sa Tacloban City para sa paggunita ng ika-9 na anibersaryo ng pananalasa ng Supertyphoon Yolanda.

Ayon sa lider ng Kamara, kapag natuloy ang naturang paglipat ay magkakaroon ng “direct hand” ang presidente sa pamamahala sa pagtugon ng gobyerno sa mga kalamidad at mga epekto o problemang dulot ng climate change.

Ani pa Romualdez, sakaling ilipat ang NDRRMC sa OP ay magiging simple ang daloy ng responsibilidad at mga direktiba sa higit 30 departamento, ahensya at organisasyon na parte ng ng konseho.

Punto rin ng Speaker, gaya ng maraming bansa ay kailangang maging handa tayo sa anumang posibleng bagyo at iba pang kalamidad, kaya mabuting ma-streamline ang disaster response at ang pamamahala sa mga ito.

Matatandaang ang Kongreso ang bumuo ng NDRRMC sa ilalim ng Republic Act No. 10121 o Philippine Disaster Risk Reduction and Management Act of 2010.

Ikinalugod ni House Committee on Ways and Means chairman Joey Salceda ang bahagyang pagbaba ng mga “unemployed”o walang trabahong Pilipino noong Seytembre.

Batay sa ulat ng Philippine Statistics Authority o PSA, bumaba sa 2.50 million ang mga “jobless” na Pinoy, pero ang mga “employed” na mga indibidwal ay bumaba rin.

Sa isang pahayag, sinabi ni Salceda na isa ring ekonomista --- na maituturing na “good” o mabuti ang anumang pagbaba sa unemployment, lalo na kung ang sitwasyon sa paggawa ay nananatiling “fluid.”

Kabilang sa mga nakikita ni Salceda na rason ng pagbaba sa unemployment ay ang “usual surge” sa demand na karaniwang nag-uumpisa tuwing Setyembre hanggang sa katapusan ng taon, ang mas malawak na pagbabalik ng face-to-face classes, mas maraming back-to-office o balik-opisina, at transition ng pandemic tungo sa endemic lalo na sa sektor ng turismo.

Pero, nagbabala si Salceda na sa gitna ng nararanasang recovery ay nananatiling kalaban ang “inflation” o mabilis na pagtaas sa presyo ng mga bilihin at serbisyo.

Giit ni Salceda, nakakaapekto ang inflation sa paglago, maging sa “purchasing power” ng mga mangaggawa partikular ang mga bago sa trabaho.

Kaya naman kailangan aniyang labanan ang patuloy na mataas na presyo ng mga produkto at serbisyo.

Dagdag ni Salceda, ang laban kontra sa inflation ay kailangang tumutok sa ilang pangunahing bagay --- gaya ng food supply, fuel efficiency at feed prices, at ang pagtugon ay makakatulong sa pagbaba ng inflation at pagpaparami pa ng mga trabaho.

Health insurance para sa mga public school teacher, isinusulong sa Kamara matapos ang Bataan bus accident…

Isinusulong sa Kamara na bigyan ng health insurance ang mga public school teachers matapos ang aksidente ng bus sa Orani, Bataan na ikinamatay ng isang guro at ikinasugat ng dalawampu’t isa katao.

 

Ayon kay Congressman Patrick Michael Vargas, sa House bill 4074 o Health Care for Public School Teachers bill, bibigyan ng health maintenance organization o HMO insurance ang mga pampublikong guro sa ilalim ng DepEd.

 

Sa panukala, sinabi ni Vargas, oobligahin ang DepEd na magpatibay ng kontrata sa mga accredited HMO na kinikilala ng mga ospital sa ibat-ibang bahagi ng bansa.

 

Paliwanag ni Vargas, kapag nagkasakit o naaksidente ang mga guro, problema ang gagastusin sa ospital kaya malaking tulong ang health insurance.

 

Matatandaan, 141 public elementary and high school teachers ng DepEd-Quezon City ay dadalo sa gender and development activity sa Sinagtala Resort sa Bataan nang maaksidente ang isa sa mga bus na kanilang sinasakyan.

 

Sinabi ni Vargas, nagparating na rin ng tulong ang kanyang tanggapan dahil siyam sa mga nasugatan na mga guro ay mula sa District 5 na kanyang nasasakupan.

Nagpahayag ng lubos na pasasalamat si House Martin Romualdez sa lahat ng nagbigay ng tulong sa pinangunahan niyang relief operations ng Kamara para sa mga nasalanta ng Bayong Paeng na umabot na sa 75-million pesos.

mahigit 26-million pesos dito ay in-kind donations tulad ng mga pagkain, tubig, kumot, toiletries, vitamins at iba pang relief goods habang halos 50-million pesos naman ang donasyong salapi at pangakong tulong mula sa mga kongresista at pribadong sektor.

Tiniyak ni Romualdez, na kahit nagbalik na ang session ngayong araw ay magpapatuloy ang pangangalap at paghahatid ng tulong ng Mababang Kapulungan para sa mga nasalanta ng kalamidad.

Gayunpaman, sabi ni Romualdez, kailangan nilang lumipat ng ibang lugar o warehouse para sa sorting, repacking at pag-iingat ng mga relief goods dahil simula nayong araw ay babalik na sa Batasan Complex ang mga kongresista para dumalo sa session.

Bukod sa mga nagbigay ng donasyon ay lubos ding pinapasalamatan ni Speaker Romualdez ang mga tumutulong sa pagrepack at pagbyane ng mga relief items, kabilang ang mga staff ng kanyang tanggapan, mga empleyado ng Kamara, pati mga kasapi ng Philippine National Police at Philippine Air Force.

Nagpasalamat din si Romualdez kay Department of Social Welfare and Development Secretary Erwin Tulfo sa pagtulong sa constituents ng kanyang mga kasamahang mamababatas sa pamamagitan ng Assistance to Individuals in Crisis Situation program nito.

MGA PANUKALA SA BUWIS, KOMPREHENSIBONG PAG-AARAL SA KASAYSAYAN NG PILIPINAS SA PANAHON NG IKALAWANG DIGMAANG PANDAIGDIG AT PAGDARAGDAG NG INSENTIBO SA LEAVE, PASADO SA IKALAWANG PAGBASA

Inaprubahan ngayong Martes sa Kapulungan ng mga Kinatawan, sa pamumuno ni Speaker Ferdinand Martin Romualdez ang House Bill 4102, o ang "Plastic Bags Tax Act," na inamyendahan. 

Layon ng panukala na magpatupad ng excise tax sa mga plastic bags, upang makahikayat ng paggamit ng mga alternatibo na makabubuti sa kalikasan. 

Magdaragdag ng bagong seksyon sa National Internal Revenue Code of 1997, na inamyendahan sa ilalim ng panukala. Ito ay pangunahing iniakda nina Albay Rep. Joey Salceda, Nueva Ecija Rep. Mikaela Angela Suansing at Sultan Kudarat Rep. Horacio Suansing Jr. Aprubado rin sa Kapulungan ang HB 4122, na magpapatupad ng Value-Added Tax (VAT) sa mga transaksyong digital sa bansa, na inamyendahan. 

Layon ng panukala na linawin ang pagpapatupad ng VAT sa Digital Service Providers (DSPs), at aamyendahan rin nito ang ilang seksyon ng NIRC of 1997. 

Ang panukala ay inihain nina Salceda at AAMBIS-OWA Party-list Rep. Lex Anthony Cris Colada. 

Ang HB 4339, na naglalayong gawing simple ang pagbubuwis ng sektor ng pinansya, at gawing mas magaan ang pagpapatupad ng buwis, ay inaprubahan rin sa ikalawang pagbasa, na inamyendahan. Ang panukala ay pangunahing iniakda nina Salceda at ng nakababatang Suansing. 

Gayundin, ang HB 5719, na naglalayong pagsamahin ang komprehensibong pag-aaral ng kasaysayan ng Pilipinas sa panahon ng Ikalawang Digmaang Pandaigdig sa kurikula ng higher education, ay inaprubahan sa ikalawang pagbasa, na inamyendahan. 

Layon ng panukala na ituro sa mga kabataan ang pagiging makabayan at diwang makabansa, kabilang na ang pagpapahalaga sa mga ginampanan ng mga bayaning Pilipino sa digmaan. 

At panghuli, ang HB 988, na naglalayong itaas ang service incentive leave ng mga kawani ay pasado sa ikalawang pagbasa. 

Pahihintulutan nito ang mga kawani na makapagbakasyon ng karagdagang 10 araw na may sweldo, at iba pa. 

Aamyendahan nito ang Presidential Decree (PD) 442, na inamyendahan, na mas kilala bilang Labor Code of the Philippines. 

Ang hybrid na sesyon ngayong Martes ay pinangunahan nina Deputy Speakers Kristine Singson-Meehan, Isidro Ungab at Aurelio Gonzales Jr.

PANUKALANG BATAS NA GREEN PUBLIC PROCUREMENT, INAPRUBAHAN; PROGRESO NG 17 SDGs, TINALAKAY NG KOMITE

Nagsagawa ng kanilang unang pagpupulong ngayong Martes ang Komite ng Sustainable Development Goals sa Kapulungan ng mga Kinatawan, na pinamumunuan ni CIBAC Rep. Eduardo "Bro. Eddie" Villanueva, at inaprubahan ang House Bill 1272, o ang "Green Public Procurement Act," batay sa istilo at mga susog. 

Ang panukala ay iniakda nina Camarines Sur Reps. Luis Raymund "LRay" Villlafuerte Jr., Miguel Luis Villafuerte at Tsuyoshi Anthony Horibata, gayundin ni BICOL SARO Rep. Nicolas Enciso VIII. Sa kanyang pag-isponsor ng panukala, ipinahayag ni Horibata na ang layunin ng panukalang batas ay atasan ang lahat ng departamento, tanggapan at ahensya ng pamahalaan na magtatag ng kani-kanilang Sustainable Procurement Program, na isasaalang-alang ang pinakamababang halaga ng mga produkto at serbisyo. 

Layunin din aniya ng panukalang batas na isama ang sistema ng pagkokodigo para sa mga materyales ng pagpapakete at mga produkto, upang mapadali ang pag-recycle ng basura at muling paggamit nito. Ang HB 1272 ay isang panukalang batas na muling inihain na naaprubahan sa ikatlo at huling pagbasa noong nakaraang Kongreso. 

Samantala, ipinaalam ng National Economic and Development Authority (NEDA) at United Nations Development Programme (UNDP) sa Komite ang kasalukuyang progreso, at mga susunod na hakbang ng bansa sa pagkamit ng 17 Sustainable Development Goals (SDGs), gayundin ang pangako ng bansa sa 2030 SDG Agenda. 

Sinabi ni NEDA Assistant Secretary for Policy Planning Sarah Lynne Daway-Ducanes na nahuhuli ang bansa sa SDGs 4 o ang Quality Education; 7 o ang Affordable and Clean Energy; 8 o ang Decent Work and Economic Growth; 9 o ang Industry Innovation and Infrastructure; at 12 o ang Responsible Consumption and Production. 

Ipinaliwanag niya na ang bansa ay nahuhuli sa adyenda na ito na ang pangunahing dahilan ay ang kasalukuyang pandemya na dulot ng COVID-19. 

Ipinahayag naman ni Assistant Secretary Daway-Ducanes na sa mga susunod na hakbang ng bansa tungo sa pagkamit ng SDGs ay dapat isama ang mga mekanismo tulad ng: 1) isang plano sa pagpopondo at epektibong mobilisasyon ng kapital, 2) mahigpit na pagsubaybay sa mga palatandaan ng SDG, 3) higpitan ang SDGs, at 4) pagtatatag ng pakikipag-ugnayan sa mga nagsusulong. 

Samantala, tinalakay ni UNDP Deputy Resident Representative Edwine Carrié ang mga pinakamahusay na pandaigdigang kasanayan, gayundin ang mga oportunidad para sa bansa na makamit ang SDGs. 

Pinangunahan ni Committee Vice-Chairperson at Bukidnon Rep. Jose Manuel Alba ang pagpupulong ngayong araw.