isa Pinatataasan ng House Joint Committee on Special Privileges sa kaukukang ahensya ng pamahalaan ang diskwento ng mga senior citizen sa “basic goods” sa limang daang piso (P500.00) kada buwan. 

Sa pagdinig ng Committees on Ways and Means, Senior Citizens at PWDS --- sinabi ni Albay Rep. Joey Salceda na mayroong direktang utos si House Speaker Ferdinand Martin Romualdez na taasan ang diswento, mayroon mang booklet o wala. 

Ayon kay Salceda, inatasan ng joint committee ng Kamara ang Department of Trade and Industry o DTI at Department of Agriculture na taasan ang senior citizen’s discount sa basic goods, mula P65.00 kada linggo tungo sa P125.00 kada linggo, o P500.00 kada buwan. 

Batay kasi sa food inflation rates, sinabi ni Salceda na nakita nila na ang “total value” ng diskwento ay dapat mai-adjust sa P126.31. Kaya bilang chairman ng Ways and Means Panel, ang kanyang suhestyon ay P125.00. 

Ayon kay Salceda, dapat na agad na i-adjust ng DTI at DA ang rates, upang maramdaman din kaagad ng mga lolo at lola ang naturang benepisyo.

wantta join us? sure, manure...

hajji Itutulak pa rin ni dating House Speaker at ngayo'y Davao del Norte First District Representative Pantaleon Alvarez ang "Mindanao Independence Movement" sa kabila ng pagtutol ng ilang kongresista mula sa Mindanao.

Ayon kay Alvarez, iginagalang nito ang kanilang pananaw ngunit batid umano nila na napag-iwanan ang Mindanao pagdating sa resources at pinagkakakitaan.

Kitang-kita aniya sa budget appropriations na katiting lang ang ibinibigay para sa Mindanao at pakana ito ng national government taliwas sa sinasabing may "representation" ang lugar sa Kongreso.

Giit ng dating Speaker, bagama't tinutukan nila ang paglalaan ng pondo ay nawawala naman ang pinaghirapan ng Mindanao lawmakers dahil binubura umano ng Bicameral Conference Committee.

Isinisi rin ni Alvarez ang mga nangyaring pagbaha sa Mindanao sa umano'y practice ng national government na isinasantabi ang National Expenditure Plan na isinusumite ng DBM at pinapalitan ng insertions na hindi inirekomenda ng regional offices.

Maging ang landslide sa Davao de Oro ay kasalanan umano ng national government dahil hindi pinagbibigyan ang wishlist ng mga mambabatas tulad ng flood protection projects at ang kita mula sa resources sa Mindanao na kinuha ng mining companies ay pinakikinabangan ng National Capital Region.

Dagdag pa nito, ang Mindanao Independence Movement ay isang mapayapang kampanya na magsusulong ng mga adhikain ng mamamayan at tuluyan nang hihiwalay sa gobyerno.

wantta join us? sure, manure...

rye Speaker Romualdez pinarerepaso PhilHealth charter para pagandahin benepisyo ng miyembro

Pinarerepaso ni Speaker Ferdinand Martin G. Romualdez sa House Committee on Health ang charter ng Philippine Health Insurance Corporation (PhilHealth) upang mapaganda ang benepisyong kaloob nito sa mga miyembro.

Nais ni Speaker Romualdez na itaas sa 50 porsyento ang babayaran ng PhilHealth sa bill ng pasyente sa ospital at gawing libre ang pagpapasuri para agad na matukoy ang mga nakamamatay na sakit gaya ng kanser.

Kasama sa nais ni Speaker Romualdez na sagutin ng PhilHealth ang mga critical diagnostic exams gaya ng x-ray para sa lung cancer, mammography para sa breast cancer, at pagbabakuna ng human papillomavirus (HPV) vaccine upang maiwasan ang cervical cancer, at iba pa.

Sinabi ni Speaker Romualdez na ang PhilHealth ay dapat na magtrabaho gaya ng isang Health Maintenance Organization (HMO) na nakatuon sa pangangalaga sa kalusugan ng mga Pilipino sa halip na ang inaatupag ay ang paglalagak ng kapital sa mga bangko at bonds.

"With substantial annual allocations from Congress and regular contributions from private employees, there is no excuse for PhilHealth to scrimp on coverage. The effectiveness of the Universal Health Care system depends on our ability to provide for our citizens, ensuring they receive the medical attention and preventive care they deserve," ani Speaker Romualdez.

Sinabi ni Speaker Romualdez na layunin ng pagrepaso na matugunan ang mga balakid sa pagkamit ng mga Pilipino ng dekalidad na pangangalagang pangkalusugan at matiyak na ang operasyon ng PhilHealth ay nakabatay sa interes ng publiko.

Bukod sa paghahanap ng paraan upang maitaas ang benepisyong nakukuha ng mga miyembro, sinabi ni Speaker Romualdez na sisilipin din ang investment strategy ng PhilHealth upang matiyak na napakikinabangan ito ng husto.

Iginiit ni Speaker Romualdez ang pangangailangan na matugunan ang pangangailangang pangkalusugan ng mga Pilipino.

Sa Miyerkoles, Pebrero 14, ay nakatakdang magsagawa ng pagdinig ang House Committee on Health kaugnay ng direktiba ni Speaker Romualdez. (END)

wantta join us? sure, manure...

tina Pormal nang naghain ng resolusyon sina ACT-CIS Partylist Rep. Erwin Tulfo , Davao De Oro Rep. Ruwel Peter Gonzaga at apat pang mga mambabatas sa kamara upang paimbestigahan ang  nangyaring landslide sa Davao De Oro na kumitil ng higit 50 buhay nitong ika-6 ng Pebrero.

Sa House Resolution 1586 na inihain ng mga mambabatas iginiit ni Cong. Tulfo na naiwasan sana ang insidente kung mahigpit na ipinatupad ang ‘No build zone’ o hindi hinayang tayuan ng tirahan ang  lugar.

Aniya dapat may mapanagot sa trahedya at repasuhin ang umiiral na batas na Mines and Geosciences Bureau o MGB  ng  Department of Environment and Natural Resources (DENR).

Gayundin ang iba pang mga umiiral na batas, regulasyon at polisiya sa pamamahala ng lupa , pagprotekta sa kapaligiran  at disaster risk reduction na pinangangasiwaan ng MGB.

Giit pa ng mga mambabatas sa nasabing resolusyon mahalaga ang papel  na ginagampanan  ng MGB sa pangangasiwa mga aktibidad sa pagmimina, geological hazard, at pagpaplano sa paggamit ng lupa upang matiyak ang kaligtasan at kapakanan ng komunidad.

Matatandaang noong 2012 at 2015 nagkaroon din ng pagguho ng lupa sa probinsya ng Davao De Oro kasama ang gold-rush village ng Napnapan at noong 2005 hanggang 2007 naman sa nayon ng Diwalwal.

wantta join us? sure, manure...

isa Gusto ng Makabayan Bloc sa Kamara na maitaas sa P50,000 ang “minimum salary” ng mga guro sa mga pampublikong paaralan sa bansa. 

Kaya naman kanilang inihain ang House Bill 9920, kung saan target na gawing Salary Grade 15 (sa ilalim ng Salary Standardization Law) ang sahod ng mga guro o katumbas ng P50,000 kada buwan. 

Paliwanag ni ACT Teachers PL Rep. France Castro --- hangad ng kanilang panukala na makasabay ang sweldo ng mga guro sa kasalukuyang “cost of living,” at taas ng presyo ng mga bilihin at serbisyo. 

Giit ni Castro, ang mga guro ay silang “frontliners” sa sektor ng edukasyon, na nararapat para sa disenteng buhay, kompensasyon, at iba pang benepisyo. 

Gayunman, sinabi ni Castro na kahit itinuturing ang mga guro bilang propesyunal, ang kanilang sweldo ang “busabos.” 

Ayon naman kay Ruby Bernardo, na isang guro at chairperson ng ACT-National Capital Region --- suportado nila ang panukala ng Makabayan dahil 92% o 9 sa 10 guro ay hindi talaga nakakatuntong sa nakabubuhay na sahod. 

Marami aniya sa teachers ay “overworked” o patong-pantong ang trabaho, pero nangangamba na walang maaasahang dagdag-sweldo ngayong 2024. 

Kinumpirma naman ni Teacher Ruby na mayroon silang “Valentine’s day protest” bukas, para ipakita na dapat ang gobyerno ay may puso para sa mga guro.

wantta join us? sure, manure...

hajji Nanawagan si Lanao del Sur First District Representative Zia Alonto Adiong sa mga nagsusulong ng secession o paghiwalay ng Mindanao sa Pilipinas na huwag itong gamitin bilang “political slogan”.

Sa pulong balitaan sa Kamara, sinabi ni Adiong na hindi dapat ipilit ang secession dahil lang sa pagpapahayag ng pagkadismaya sa mga usaping may kinalaman sa pulitika.

Matagal na aniyang ibinaon sa limot ang paghiwalay ng Mindanao at tiyak na walang susuporta sa nais isakatuparan nina dating Pangulong Rodrigo Duterte at dating House Speaker Pantaleon Alvarez.

Punto ni Adiong, maituturing na insulto sa mga nagbuwis ng buhay at nagsakripisyo pati na sa pagprotekta ng militar sa seguridad at integridad ng bansa ang pinalulutang na secession at independence ng Mindanao.

Dagdag pa nito, mas nakatuon ang kanilang pansin sa pagkakaisa at pagsuporta sa administrasyong Marcos lalo’t nagbubunga na umano ang ninanais na kaunlaran.

Iginiit ng kongresista na kung tutuusin ay may mga mauunlad na lungsod sa Mindanao tulad ng Davao at Cagayan De Oro kaya walang rason para sila ay humiwalay at masasayang din ang napagtagumpayang peace process na bahagi ng kasaysayan.

wantta join us? sure, manure...

medAff SEN. VILLANUEVA, TINULIGSA NG MGA MIYEMBRO NG KAPULUNGAN SA PAGMAMALIIT NIYA SA MGA KINATAWAN NG PARTY-LIST

Umalma ang mga miyembro ng Kapulungan ngayong Lunes, sa pagmamaliit ni Sen. Joel Villanueva sa mga kinatawan ng party-list representatives, at ang matinding maling representasyon sa mga tungkulin ng dalawang kapulungan na bumubuo sa buong Kongreso. 

Sa kanyang privilege speech, ay sinabi ito ni Lanao del Sur Rep. Zia Alonto Adiong. “Siya po ay nagkakamali sa pangmamaliit sa mga party-list representatives. Mr. Speaker, the 1987 Constitution vests legislative power in one Congress. Iisang kongreso, shared between the House of Representatives and the Senate," paliwanag niya. 

Idinagdag ni Adiong na ang Kapulungan ng mga Kinatawan ay maingat sa inaalam ang mga lokal na pag-aalala ng mga distrito, habang ang Senado naman ay nakatuon sa mga mas malawak na usapin. 

“Ang mga terminong mataas at mababang kapulungan ay di nahahanap sa Konstitusyon. These are terms adopted as a matter of convening, considering that there was a time the Philippine Congress shared one building in which the Senate occupied the upper floors, (the) House of Representative occupied the lower floors,” ayon kay Adiong. 

Nilinaw ni Adiong na sa kasalukuyang sistema ng party-list, na minamaliit ni Villanueva, ay ganap na nilikha upang gawaran ng tinig ang mga walang boses. Ito ay isang pagbabago na nilinaw ng Supreme Court sa kaso ng Atong Paglaum vs. Comelec. 

“The innovation is a party-list system that would expand opportunities for electoral participation to allow those who could not win the legislative district elections a fair chance to enter the House of Representatives other than through the district election system,” aniya. 

Sinabi niya na dapat na alam ito ni Villanueva, dahil misan ay naging kinatawan rin siya ng party-list. 

“I cannot accept that a statesman such as himself would hold such a myopic and tyrannic view of the legislative branch. We are all equal public servants and only the people are superior to us. Tayong mga kongresista at mga senador ay parehong miyembro ng isang 19th Congress,” ani Adiong. 

Nanindigan si Adiong na ang mataas at mababang kapulungan ay nagsisilbing nagkakaisang safeguards sa bawat isa, at hindi mabubuhay ang isa kung wala ang isa. 

"Magkaakibat ang dalawang parte ng Kongreso sa pagpasa ng mga batas na ikakabuti ng ating bansa," aniya. 

Binanggit rin niya na ang hindi pagkakasundo sa pagitan ng dalawang kapulungan ay dapat na pangasiwaan ng maayos, at ang hindi magkasundong kapulungan ay nagpapahina sa kakayahan ng epektibong pagtugon sa mga hamon, magsulong ng kaunlaran at pagkamit ng magkatuwang pangarap para sa isang masaganang bansa. 

Pinasalamatn ni Deputy Speaker Vincent Franco "Duke" Frasco, na nanguna sa plenaryo, si Adiong sa kanyang paninindigan para sa Kapulungan ng mga Kinatawan at mga miyembro nito.

wantta join us? sure, manure...

milks (Wrap chacha, Salceda, Quimbo, Co )

Kamara susunod sa utos ni PBBM na limitado lamang sa economic chacha ang dapat maamyendahan…

…

Susunod ang mga lider ng Kamara sa posisyon ni Pangulong Bongbong Marcos na suportado niya ang pag-amyenda sa ating saligang batas pero limitado lamang sa mga economic provisions.

Ayon kay Albay Representative Joey Salceda, Chairman ng House Committee on Ways and Means, ang pagsuporta ni Pangulong Marcos sa chacha ay pagpapakita na may pangangailangan na maamyendahan na ang ating saligang batas.

Sabi ni Salceda, itinigil na ang pagsusulong ng People’s Initiative dahil mariing tinututulan ng mga Senador, inaasahan niya na sana daan ito para lumamig ang bangayan ng dalawang kapulungan ng Kongreso.

Sa panig ni Marikina Representative Stella Quimbo, ang posisyon ng Pangulo na inihahayag ang pagsang-ayon sa amyenda ng economic provisions ng chacha ay hudyat sa Senado na simulan na ang kanilang trabaho… at sa dalawang Kapulungan na itigil na ang bangayan.

RHTV insert presscon…video only, silent…

Samantala, hanggang ngayon ay walang pang pahayag si Ako Bicol Partylist Representative Elizaldy Co kung papatulan ang pinakahuling alegasyon sa kanya ni Senator Joel Villanueva.

Ito ay nang akusahan ni Villanueva si Co sa plenaryo na sangkot ang umano ang korporasyon ng Kongresista sa Pharmally scandal.

wantta join us? sure, manure...

med Aff RESEARCH-BASED GOV'T RIGHTSIZING AT TUGON NG BANSA SA USAPIN NG WPS, TINALAKAY

Ipinagpatuloy ngayong Lunes sa isang roundtable discussion (RTD) ng evidence-based research, ng mga miyembro ng Kapulungan at Congressional Research Fellows ang pagtalakay sa mga pag-aaral sa rightsizing ng public sector at ang pagtugon sa paggigiit ng mga karapatan ng bansa sa West Philippine Sea (WPS). 

Sinabi ni Marikina City Rep. Stella Luz Quimbo, na namuno sa talakayan, na ang komprehensibong pag-uuri sa rightsizing ay dapat munang ilikha, at ang ganap na interbensyon ay kinakailangan sa pagbalangkas ng batas, upang mapagtanto kung talagang may magkakapatong na tungkulin sa pagitan ng mga ahensya ng pamahalaan. 

Idinagdag niya na ang mga tungkulin sa devolution ay dapat na matukoy, upang malaman kung anong mga serbisyo ang nakaatang sa lokal o pambansang pamahalaan. 

Ayon kay House of Representatives Congressional Policy and Budget Research Department (CPBRD) Deputy Secretary General (DSG) Dr. Romulo Miral Jr., ang pagsasaliksik ay nakatuon sa pagtukoy ng mga kundisyon para sa epektibong rightsizing ng pamahalaan, at pagpapaunlad ng strategic policy framework, mga rekomendasyon sa polisiya, at ang rightsizing diagnostic tool na magagamit ng mga gumagawa ng polisiya mula sa hanay ng ehekutibo at lehislatura, sa pagpapatupad ng rightsizing sa pamahalaan. 

Ayon kay Dr. Ronald Mendoza ng Ateneo Center for Economic Research and Development, nagsisimula ang rightsizing sa pag-eeksamin at pagtalaga ng naangkop na mga responsibilidad, mandato, istraktura, aktibidad, at mga pamamaraan sa mga ahensya ng pamahalaan – na magsulong ng epektibo, tumutugon at maayos na paghahatid ng serbisyo. 

"Ang starting point natin ay i-proseso ang ating rightsizing. Kailangan po na meron tayong mga guiding frameworks at principles para maayos po itong prosesong ito, at para maatim po natin ang ating objective sa ating rightsizing, ang better public services for our people," ani Mendoza. 

Dumalo rin sa RTD sina Reps. Roman Romulo, Francisco Benitez, France Castro at Jernie Jett Nisay. Ang RTDs aisisagawa ng CPBRD, sa pakikipag-ugnayan sa Ateneo De Manila University, De La Salle University, University of the Philippines at iba pang pangunahing ahensya ng pamahalaan, na magprisinta ng evidence-based research, bilang suporta sa eight-point socioeconomic agenda ng administrasyong Marcos.

wantta join us? sure, manure...

isa Ang Pilipinas ang isa sa mga bansa na pinaka-masikip na pasukin ng mga dayuhang mamumuhunan dahil sa mga restriksyon sa Konstitusyon. 

Ito ang pananaw ni House Committee on Ways and Means chairperson at Albay Rep. Joey Salceda. 

Ayon sa kongresista na isa ring ekonomista, sa mga bansa sa buong mundo --- ang Pilipinas ang ikatlo sa “most restrictive economy” at ito ay dahil sa umiiral na 1987 Constitution. 

Ang problema kasi aniya, hindi pinapapasok ang mga posibleng magpalago ng ekonomiya, para magkaroon sana ng espasyo sa mas mataas na sweldo lalo na kung mataas ang productivity. 

Dagdag ni Salceda, dahil patuloy ang restriksyon sa pagpasok ng foreign investors, parang lumalabas na may takot tayo sa kanila. 

Sa kabila nito, sinabi ni Salceda na masya siya dahil gumagalaw na sa Senado ang Resolution of Both Houses no. 6 na nagsusulong ng pag-amyenda sa ilang economic provisions ng Konstitusyon. 

At pagdating sa Kamara, sinabi ni Salceda na inaasahang magkakaroon ng isang masiglang talakayan, lalo na sa usapin ng “land ownership.”

wantta join us? sure, manure...

isa Nais ni House Committee on Labor and Employment chairman Fidel Nograles na tuluyang nang maging batas ang Tulong Panghanapbuhay sa Ating Disadvantaged/Displaced Workers o TUPAD pogram. 

Ayon kay Nograles, kahit na muling umaarangkada ang Pilipinas matapos ang ilang taong pandemya ng COVID-19, mabuting maging permanente na ang TUPAD program. 

Matatandaan na inilunsad ang naturang cash-for-work program noong kasagsagan ng COVID-19 pandemic upang matulungan ang mga manggagawa na nawalan ng trabaho. 

Dito, ang mga benepisyaryo ay kinukuha para sa mga proyekto ng gobyerno gaya ng clean-ups, construction, tree planting at iba pa sa loob ng 15 hanggang 90-araw. 

Pero punto ni Nograles, ang reyalidad ay laging mayroong susulpot na krisis na maaaring magresulta ng pagkawala ng trabaho sa iba’t ibang sektor. 

Kaya naman kailangan ang TUPAD program para matiyak na makakatulong ang gobyerno sa mga empleyado sa panahon ng kagipitan o kalamidad. 

Kaugnay nito, kinumpirma ni Nograles na nagkasundo ang House Labor Committee na iko-consolidate ang iba’t ibang panukala na nagsusulong na maisabatas ang TUPAD program. 

Ngayong 2024, ang programa ay mayroong alokasyon na aabot sa P30 billion.

wantta join us? sure, manure...