Speaker Romualdez pinuri si PBBM sa $4.26B kasunduang nasungkit na lilikha ng 15,000 trabaho para sa mga Pilipino

Pinuri ni Speaker Ferdinand Martin Romualdez si Pangulong Ferdinand R. Marcos Jr. sa apat na kasunduang naselyohan sa pagitan ng mga kompanya sa Saudi at Pilipinas na umaabot sa US$4.26 bilyon ang halaga at inaasahang makalilikha ng 15,000 trabahong mapapasukan ng mga Pilipino.

Nasaksihan ni Pang. Marcos ang paglagda sa apat na kasunduan na tampok sa ginanap na roundtable meeting kasama ang mga negosyanteng nakabase sa Saudi noong Huwebes (oras sa Saudi) sa Regis Hotel sa Riyadh.

Nasa Saudi si Pang. Marcos para dumalo sa Association of Southeast Asian Nations (ASEAN)-Gulf Cooperation Council Summit.

Ang tinatayang P241 bilyon sa kasalukuyang palitan, ang halaga ng nilagdaang kasunduan ay mahigit kalahati ng P427 bilyong foreign investment na inaprubahan sa bansa mula Enero hanggang Setyembre 2023.

Ayon sa Bureau of Investments ang pamumuhunan na ito ay nakuha sa mga nakaraang biyahe ni Pang. Marcos.

“The signing of these agreements which promises a far-reaching impact on the Philippine economy and on the lives of our workers is a monumental achievement of Pres. Marcos,” ani Romualdez, lider ng mahigit 300 miyembro ng Kamara.

“This is the fruit of his tireless efforts in fostering economic ties with our partners in the international community and exemplifies his commitment to securing a brighter future for the Filipino people in line with his vision for a prosperous and globally competitive Philippines,” dagdag pa ni Romualdez.

Matatandaan na noong Nobyembre 2022 ay nagkaroon ng bilateral meeting sina Saudi Crown Prince at Prime Minister Mohammed bin Salman (MBS) at Pang. Marcos sa sidelines ng Asia Pacific Economic Cooperation (APEC) Summit na ginanap sa Thailand.

Matapos ang pagpupulong ay inanunsyo ni Pang. Marcos na mayroong naghihintay ng oportunidad na makapagtrabaho para sa mga Pilipino sa Saudi.

Ayon sa Saudi Crown Prince, sinabi ng Pangulo na plano ng Saudi na dagdagan ang mga foreign worker sa kanilang bansa sa mga susunod na taon upang matugunan ang pangangailangan ng Middle Eastern kingdom.

Nangunguna sa apat na kasunduang nilagdaan ang US$3.765 bilyon sa pagitan ng Al-Jeer Human Resources Company (ARCO) at Association of Philippine Licensed Agencies for the Kingdom of Saudi Arabia na makatutulong umano sa mga Pilipino na nais magtrabaho sa kingdom.

Nalagdaan din ang kasunduan ng Al Rushaid Petroleum Investment Company, Samsung Engineering NEC Co. Ltd., at EEI Corporation nagkakahalaga ng US$120 milyon para sa pagtatayo ng 500-person training facility sa Tanza, Cavite.

Layunin ng kasunduan na mapataas ang kakayanan ng mga Pilipino sa masonry, carpentry, electrical, welding, equipment management, warehousing, steel fabrication, at iba pang construction-related na kasanayan. 

Nasa 15,000 ang inaasahang makikinabang sa naturang programa sa loob ng limang taon.

Pinirmahan din ang kasunduan sa pagitan ng Maharah Human Resources Company ng Saudi at kompanyang Pilipino na Staffhouse International Resources Corporation at E-GMP International Corporation, na nagkakahalaga ng tig-US $191 milyon.

Layunin ng dalawang kasunduan na mabigyan ng trabaho sa Saudi ang libu-libong Pilipino.

“In a time when job creation and economic growth are paramount, this achievement will provide invaluable opportunities for our workforce, particularly for our overseas Filipino workers,” sabi ni Romualdez.

Kinilala rin ni Romualdez ang hindi matatawarang kontribusyon ng iba pang opisyal ng gobyerno at lider ng mga negosyo na nakikipagnegosasyon upang mabuo ang kasunduan.

“As these agreements come to fruition, the House of Representatives will remain steadfast in its support of the administration's initiatives to ensure that the benefits are felt by all Filipinos,” dagdag pa ni Romualdez. 

Inulit din ni Romualdez ang pangako nito na ipapasa ng Kamara ang mga kailangang batas para matupad ang mga kasunduan at dumami ang pamumuhunan sa bansa na lilikha ng mga trabaho at makalilikha ng mas maayos na buhay sa mga Pilipino. (END) wantta join us? sure, manure...

Mga miyembro ng Kamara tuloy sa trabaho kahit na recess

Gaya ng bilin ni Speaker Ferdinand Martin G. Romualdez, tuloy-tuloy sa pagtatrabaho ang mga kongresista kahit na naka-break ang Kongreso.

Ngayong Lunes ay pumunta sina Senior Deputy Speaker at Pampanga 3rd District Rep. Aurelio “Dong” Gonzales Jr., Laguna Rep. Dan Fernandez, Patrol Party-list Rep. Jorge Bustos, at Surigao del Norte Rep. Robert Ace Barbers, ang chairman ng House Committee on Dangerous Drugs sa Cavite upang saksihan ang ginawang pagsunog sa may P6 bilyong halaga ng iligal na droga na nasa kustodiya ng Philippine Drug Enforcement Agency (PDEA).

“Our presence there was part of our job as House members who are looking into recent drug confiscations and the trade in illegal drugs in general upon the instruction of Speaker Martin Romualdez,” ani Gonzales.

“Our inquiry is in consonance with the bloodless anti-drug campaign of President Ferdinand ‘Bongbong’ Marcos Jr., which has so far netted more than P30 billion worth of illegal substances,” dagdag pa ni Gonzales.

Iniimbestigahan ng komite ni Barbers ang nakumpiskang P3.6 bilyong halaga ng shabu sa isang warehouse sa Barangay San Jose Malino, Mexico, Pampanga, at ang shabu extender na nakuha sa isang abandonadong sasakyan sa parking lot ng isang supermarket sa Mabalacat City, Pampanga.

Ayon sa PDEA kasama sa sinunog ang 274 kilo ng shabu na nakumpiska sa Manila International Container Port noong Oktobre 6 at ang 208 kilo ng shabu extender na narekober sa Mabalacat City.

Sinunog umano ang mga ito dahil hindi na kailangan bilang mga ebidensya.

Hindi naman sinunog ang 530 kilo ng shabu na nakuha sa warehouse sa Barangay San Jose Malino dahil hindi pa umano tapos ang isinasagawang imbestigasyon dito.

Ipinatawag ng komite ni Barbers ang negosyanteng si Willy Ong na siyang may-ari ng warehouse sa Barangay San Jose Malino sa susunod na pagdinig nito.

Pinatitiyak naman ni Barbers sa PDEA na malakas ang kasong isinampa nito laban sa mga nagpasok ng ipinagbabawal na gamot sa bansa.

“All our efforts will be in vain if the cases filed in court will result in dismissals and the suspects set free due to some technicality or bungling. We have to make sure that our cases are air-tight so that the culprits are put behind bars for good thus ensuring a safer society and saving our youth and all citizens from this menace,” sabi ni Barbers.

Tiniyak naman ni Barbers na suportado ng Kongreso ang mga law enforcement agency sa kanilang kampanya laban sa iligal na droga. wantta join us? sure, manure...

COA na ang nagpatunay na mali paratang ni Duterte sa Kamara—Dalipe

Ang ulat na umano ng Commission on Audit (COA) ang patunay na walang iregularidad sa ginawang paggamit ng Kamara de Representantes sa pondo nito taliwas sa bintang ni dating Pangulong Rodrigo Duterte.

Ayon kay House Majority Leader at Zamboanga City 2nd District Rep. Manuel Jose “Mannix” M. Dalipe naglabas ng sertipikasyon ang COA na may petsang Oktobre 2, 2023 na nagsasabi na hanggang noong Setyembre 30, 2023 ay walang notice of suspension, disallowance, o charge ang Kamara.

Sinabi ni Dalipe na noong Hulyo 6, 2023 ay naglabas ng report ang COA kung saan nakasaad na ito ay mayroong budget surplus na P4.69 bilyon noong 2022.

“Lahat ng kailangan na i-submit ng House of Representatives, lahat ng kung anong kailangan i-liquidate, ginagawa po ‘yan, nirereport ng House of Representatives sa Commission on Audit,” ani Dalipe.

“In fact, meron pong statement, in fact, kumuha ako mismo ng kopya 'nung statement ng Commission on Audit wala pong notice of disallowance, wala pong notice of charge, wala pong notice of suspension ang ating House of Representatives. Ibig sabihin po clear po, walang problema ang House of Representatives tungkol sa anumang pondo na binibigay sa Kongreso para i-utilize at i-liquidate,” wika pa ni Dalipe.

Ginawa ni Dalipe ang pahayag matapos akusahan ni dating Pangulong Diterte ang Kongreso na hindi umano sinusuri ng COA.

Sinabi ni Dalipe na walang basehan ang sinabi ng dating Pangulo dahil dumaraan din ang Kamara sa masusing pagsusuri ng COA katulad ng ibang ahensya ng gobyerno.

Ang sertipikasyon umano ng COA ay indikasyon na nagagamit ng tama ng Kamara ang pondong inilaan dito.

“Malinis po ‘yung reporting, ang auditing na hinihingi po ng Commission on Audit. Hindi po exempted ang House of Representatives. Nagsa-submit po kami sa mga hinihingi ng Commission on Audit, sina-submit po namin lahat,” ayon pa kay Dalipe.

Sinabi ni Dalipe na maging ang mahigit 300 miyembro ng Kamara ay sinusuri ng COA.

Nauna rito ay hinamon ni Duterte ang COA na ilabas kung papaano ginagamit ng Kongreso ang pondo nito.

Ikinalungkot naman ng mga miyembro ng Kamara ang pahayag ni Duterte.

“Marami kaming congressman na incumbent ngayon sa 19th Congress, nagsilbi rin noong 18th Congress at hindi namin malimutan ‘yung mga hiningi ng dating pangulong Duterte na suporta mula sa Kamara de Representantes, sa Kongreso,” giit ni Dalipe.

“Lahat sinuportahan namin siya—from legislative agenda niya maski sa panahon ng COVID pandemic kung anong kailangan niya na batas o pondo, sinusuportahan siya ng Kongreso,” dagdag pa nito.

Sinabi ni Dalipe na ang mga pahayag ni Duterte ay maaaring may kaugnayan sa naging desisyon ng Kamara na ilipat ang confidential funds ng Office of the Vice President (OVP) at Department of Education (DepEd) na kapwa pinamumunuan ng kanyang anak na si Vice President Sara Duterte.

Ipinunto ni Dalipe na bukod sa OVP at DepEd ay mayroon ding iba pang ahensya na inalisan ng confidential funds gaya ng Department of Agriculture na mismong si Pangulong Ferdinand R. Marcos Jr. ang namumuno.

Nauna rito, sinabi ni Vice President Duterte na kaya nitong mabuhay ng walang confidential funds.

Sinabi ni Dalipe na ang paglilipat ng confidential funds patungo sa mga ahensya na may kinalaman sa pagbibigay ng seguridad sa bansa ay bahagi ng pagbibigay ng solusyon sa problema sa West Philippine Sea (WPS).

Kasama sa nakinabang sa paglilipat ng pondo ng Kamara ay ang National Intelligence Coordinating Agency (NICA), National Security Council, at Philippine Coast Guard na tumutulong sa mga mangingisda sa WPS. wantta join us? sure, manure...

Speaker Romualdez: $4.26B investment deal mula sa Saudi madaragdagan pa

Inaasahan ni Speaker Ferdinand Martin G. Romualdez na madaragdagan pa US$4.26 bilyong halaga ng pamumuhunan na makukuha ni Pangulong Ferdinand R. Marcos Jr. sa pagbisita ito sa Saudi Arabia.

Ayon kay Speaker Romualdez ang madaragdag na papasok na pamumuhunan sa bansa ay mangangahulugan na mas darami rin ang mapapasukang trabaho ng mga Pilipino.

“Our distinguished friends from Saudi Arabia expressed a strong interest in exploring various investment opportunities in our country. Their willingness to consider the Philippines as a destination for their investments speaks volumes about the potential and attractiveness of our nation as an investment hub,” sabi ni Speaker Romualdez.

“I believe that the strategic partnership that is emerging from this meeting will open doors to new ventures, create job opportunities for our people, and further enhance our economic growth,” dagdag pa nito.

Ang nasungkit na $4.26 bilyong halaga ng investment mula sa mga kasunduang pinasok ng mga kompanya na nakabase sa Saudi at Pilipinas ay inaasahan na makalilikha ng mahigit 15,000 trabaho para sa mga Pilipino.

Nasaksihan ni Pang. Marcos at Speaker Romualdez ang paglagda sa apat na kasunduan sa St. Regis Hotel sa Riyadh.

Ayon sa Minister of Investments ng Saudi Arabia na si Khalid A. Al-Falih maraming negosyante sa kanilang bansa ang interesado na mamuhunan sa Pilipinas.

Isa umano sa pinag-aaralan ng mga ito ang Maharlika Investment Fund gayundin ang pagpasok sa sektor ng enerhiya at kemikal, logistics, turismo, real estate, at agrikultura.

Sinabi ni Al-Falih na maraming oportunidad para mapalalim ang ugnayan ng Saudi at Pilipinas at sinabi na mayroong plano ang KSA na mamuhunan ng mahigit US$122 bilyon hanggang sa pagtatapos ng dekada sa sektor ng aviation, railway, port, maritime services, logistics hub, at iba pa.

Interesado rin umano ang Saudi na mamuhunan sa sektor ng agrikultura sa Pilipinas upang dumami ang suplay ng pagkain, food processing, at manufacturing.

Bukod sa mabilis na pag-unlad ng ekonomiya, kinilala ng Saudi Minister ang husay ang mga manggagawang Pilipino.

Sinabi naman ni Speaker Romualdez, lider ng mahigit 300 kongresista, na nais ng administrasyong Marcos na magkaroon ang Pilipinas ng business-friendly environment, at pabilisin ang proseso ng pagnenegosyo sa bansa.

“As Speaker of the House of Representatives, I am confident that our legislative body will work closely with the Executive branch to implement policies and enact laws that will support and facilitate these investments,” sabi ni Speaker Romualdez.

Sa kanyang keynote address, binanggit ni Pang. Marcos ang malakas na ekonomiya ng Pilipinas na nakapagtala ng 7.6% gross domestic product noong 2022, ang pinakamabilis mula noong 1976.

Dahil sa magandang katayuang pinansyal at banking sector ng Pilipinas, sinabi ng Pangulo na patuloy itong nakatatanggap ng positibong credit rating.

Ipinunto ni Speaker Romualdez na nasimulan na ang pag-amyenda sa mga batas upang mas mabuksan ang ekonomiya sa pamumuhunan ng mga dayuhan.

Kasama dito ang Foreign Investments Act, Retail Trade Liberalization Act, Public Services Act, at Renewable Energy (RE) Act.

Sinabi ni Speaker Romualdez sa mga mamumuhunan sa Saudi na mabibigyan ng tax incentive ang mga ito sa ilalim ng Corporate Recovery and Tax Incentives for Enterprises (CREATE) Act.

Kasama sa roundtable meeting ang Public Investment Fund (PIF) ng KSA. Ito ang ika-anim na pinakamalaking sovereign wealth fund (SWF) na mundo na mayroong US$607.42 bilyong halaga ng asset.

Sa kasalukuyan, ang PIF ay mayroong 71 kompanya sa iba’t ibang sektor na lumikha ng mahigit 500,000 trabaho.

Naroon din ang kinatawan ng Saudi Arabian Oil Group (ARAMCO), isa sa pinakamalaking integrated energy and chemicals company; National Shipping Company of Saudi Arabia (Bahri); Saudi Agricultural and Livestock Investment Co. (SALIC), at Alrajhi Bank and Saudi National Bank (Al Ahli). (END) wantta join us? sure, manure...

May ambag rin sa ekonomiya ng bansa ang pag-ikot ng Bagong Pilipinas Serbisyo Fair.

Sa interview ng local media kay Ilocos Norte Rep. Sandro Marcos, sinabi nito na noong nakaraang quarter, isa sa lumabas na hamon sa economic growth ng bansa ay ang underspending o mababang paggastos ng pamahalaan.

Kaya naman kung madadala ang Bagong Pilipinas Serbisyo Fair sa iba pang mga probinsya ay isa itong ‘avenue’ para maglabas ng pera ang gobyerno at gumastos.

Sa paraang ito, umaasa ang House Senior Deputy Majority leader na mas gaganda ang numero ng ating ekonomiya sa susunod na quarter.

“And actually, maganda din yun kasi if you will look at the one of the ‘problematic’ indicators sa economic growth for the last quarter is hindi daw gumagastos yung gobyerno, underspending. So if you look at the Bagong Pilipinas Fair, it’s actually another avenue para gumastos and gobyerno. So it means ginagamit na nial yung pondo which is a good sign and hopefully it will lead to more healthy economic growth numbers in the coming quarter.” paliwanag Marcos

Muli nitong iginiit ang hangarin ng Pang. Ferdinand R. Marcos Jr. na madala sa iba pang panig ng bansa ng BPSF matapos ang matagumpay nitong paglulunsad nitong Setyembre.

Katunayan, sa mga susunod na weekend aniya ay iikot ito sa kada dalawang probinsya.

“As the President said, natutuwa siya na nangyari sa mga iba’t ibang probinsya. Ang gusto niya dapat sa buong Pilipinas mangyayari. So if you look every weekend this month, I think may dalawang probinsya na pupuntahan yung fair. So we’re gonna do that until lahat ng probinsya mapupuntahan nila.” saad ng kongresista.

## wantta join us? sure, manure...