DALAWA PANG PRAYORIDAD NA PANUKALA NG LEDAC, UMUSAD SA KAPULUNGAN

Upang matiyak ang pagpapatuloy ng kaunlaran at implementasyon ng mga administrasyon, inaprubahan ng Kapulungan ng mga Kinatawan, sa pamumuno ni Speaker Ferdinand Martin Romualdez ngayong Miyerkules, sa ikalawang pagbasa ang House Bill (HB) 8078, o ang panukalang “30-Year National Infrastructure Program.” Layon ng panukala, na kabilang sa mga prayoridad na panukala ng Legislative-Executive Development Advisory Council (LEDAC), na ipagpatuloy ang implementasyon ng mga pangunahing proyektong imprastraktura hanggang 2052. Sasaklawin ng panukala ang mga proyektong may kaugnayan sa 1) transportasyon, 2) enerhiya, 3) mapagkukunan ng tubig, 4) teknolohiya sa impormasyon at komunikayon, at 5) modernisasyon ng agri-fisheries at food logistics. Gagawing institusyon ng HB 8162 ang polisya sa national land use at maglalagay ng mga mekanismo sa implementasyon, ang pasado rin sa ikalawang pagbasa. Ang panukala, na isa rin sa prayoridad ng LEDAC, ay lilikha ng National Land Use Commission (NLUC) bilang pangunahing ahensya sa implementasyon. Pasado rin sa ikalawang pagbasa ang HB 7767, o ang panukalang “Integrated Coastal Management Act,” na naglalayong pagtibayin ang ang pambansang istratehiya para sa kabuuan at nagsusustining pamamahala ng mga baybayin, na may kaugnayan sa ecosystems, kabilang na ang mga resources na naririto. Ipapatupad ang Integrated Coastal Management (ICM) sa lahat ng lokal na pamahalaan (LGUs), upang tugunan ang inter-linkages sa pagitan ng mga ecosystems mula sa ridge-to-reef, at sa pakikipag-ugnayan sa mga nagsusulong sa pamamagitan ng magkakatuwang na pamamahala. Ipinasa rin ng mga mambabatas sa ikalawang pagbasa ang HB 7922, na magtatatag ng isang voucher system para sa mga mahihirap, subalit mga kwalipikadong mag-aaral sa mga private higher education institutions at private technical-vocational institutions. Pinagtibay rin ng Kapulungan ang 1) House Resolution (HR) 884, na bumabati kay Ms. Belinda "Belle" Angelito Mariano, sa kanyang pagwawagi ng Outstanding Asian Star Prize sa 2022 Seoul International Drama Awards, sa kanyang pagtatanghal sa television series, "He's Into Her," at 2) HR 974, na bumabati at pumupuri kay Filipino-American Ms. R'Bonney Nola Gabriel sa kanyang pagwawagi sa Miss Universe title, sa 71st Miss Universe pageant na idinaos sa New Orleans, Louisiana, USA noong ika-15 ng Enero 2023. Ang sesyon sa plenaryo ay pinangunahan nina Deputy Speakers Camille Villar, Kristine Singson-Meehan, at Raymond Democrito Mendoza.

MODUS NG KARTEL SA INDUSTRIYA NG SIBUYAS, IBINUNYAG SA IMBESTIGASYON NG KOMITE

Ipinagpatuloy ngayong Miyerkules ng Komite ng Agrikultura at Pagkain sa Kapulungan ng mga Kinatawan, na pinamumunuan ni Quezon Rep. Wilfrido Mark Enverga ang kanilang motu proprio na imbestigasyon sa posibleng pag-iimbak at pagmamanipula ng presyo ng sibuyas at bawang ng mga walang konsiyensiyang mangangalakal. Ang imbestigasyon ay alinsunod sa House Resolutions 673 at 681 na inihain nina GABRIELA Party-list Rep. Arlene Brosas at Marikina City Rep. Stella Luz Quimbo, ayon sa pagkakasunod. Sa pagsisiyasat, naniniwala si Rep. Quimbo na mayroong kartel sa industriya ng sibuyas na nagbabalatkayo bilang Philippine Vieva Corporation, na kontrolado ni Leah Cruz na negosyante, habang nagrerehistro ng ibat-ibang pangalan para sa ilang negosyo ng grupo. Kinuwestiyon din niya ang may-ari ng Tian Long Corporation na si Eric Pabilona, sa pag-alis sa listahan ng Vegefru Producing Store at Rosal Fruit and Vegetable Trading, bilang kanilang pinakamalaking depositor sa bodega sa kanyang mga naisumiteng dokumento. Bukod dito, sinabi ni Rep. Enverga na sa ulat ng Criminal Investigation and Detection Group (CIDG), isang negosyanteng nagngangalang Ms. Rexy Bulaybulay at ang may-ari ng Vegefru na si "Mark Castro Ocampo" ay isang tao lamang na nagpoproseso ng mga permit sa Bureau of Plant Industry (BPI). Dito isiniwalat ni Rep. Quimbo na ang mga contact numbers ng Vegefru at Rosal Trading ay kapareho ng contact number ng Golden Shrine International Freight Forwarders Corporation na isinumite sa BPI at Department of Trade and Industry (DTI). Pagmamay-ari din ni Cruz ang logistics firm na Golden Shrine. "Kayang kaya ni Leah Cruz idikta ang magiging presyo ng sibuyas sa merkado. Kaya niyang hawakan ang mga Sanitary and Phytosanitary Import Clearance (SPSIC) at import permits. Kaya din niya diktahan ang farm gate prices dahil hawak din niya ang mga cold storage facilities," ani Quimbo. Ayon pa kay Quimbo, batay sa datos patuloy pa rin sa pag-aangkat hanggang ngayon ang PhilVieva, na siya naman salungat sa dating pahayag ni Cruz na ang kanilang huling pag-angkat ay nangyari noong 2017. Kinastigo rin ni Quezon Rep. David Suarez ang mga opisyal ng Department of Agriculture (DA) at BPI sa hindi pagsagot sa matagal nang problema sa industriya ng sibuyas at bawang. "It shows that there's a level of incompetence on the side of our government agencies to allow these type of business models to work, wherein the interest of the Filipino people are compromised, and also the interest of our Filipino farmers," aniya. Binigyan din ng show-cause order si Ms. Bulaybulay dahil sa hindi nito pagdalo sa pagdinig ngayong araw.

Pinalitan ng Kamara de Representantes si Pampanga Rep. Gloria Macapagal Arroyo bilang senior Deputy Speaker.

Sa sesyon ngayong Miyerkoles ng gabi, tumayo si Iloilo Rep. Lorenz Defensor, na nagsisilbing majority floor leader, upang palitan si Arroyo.

“Mr. Speaker, I move to elect the honorable Aurelio ‘Dong’ Gonzales Jr., representative of the third district of Pampanga as senior Deputy Speaker vice the honorable Gloria Macapagal Arroyo,” sabi ni Defensor.

Inaprubahan ni Deputy Speaker Democrito Mendoza, ang presiding officer ng sesyon, ang mosyon matapos na walang tumutol dito.

“I move to elect the honorable Gloria Macapagal Arroyo as representative of the second district of Pampanga as Deputy Speaker vice the position vacated by the newly-elected senior Deputy Speaker Aurelio ‘Dong’ Gonzales Jr.,” sunod namang mosyon ni Defensor.

Inaprubahan din ni Mendoza ang naturag mosyon.

Sa pahayag na inilabas ni House Majority Leader Manuel Jose Dalipe sinabi nito na ang paghalal kay Mendoza bilang ikalawang pinakamataas na lider ng Kamara ay upang bawasan ang trabaho ni Arroyo.

“The House of Representatives has elected Deputy Speaker Aurelio “Dong” Gonzales, Jr. as Senior Deputy Speaker to unburden his cabalen, former President Gloria Macapagal-Arroyo, of the heavy load required from the position,” sabi ni Dalipe. (Billy Begas)

Hindi napigilan ni Cavite Rep. Elpidio Barzaga na punahin ang Bureau of Plant Industry dahil sa kabagalan sa pag-tugon sa isyu ng suplay ng sibuyas.

Sa pagpapatuloy ng imbestigasyon ng House Committee on Agriculture and Food hinggil sa hoarding ng sibuyas, sinabi ni Barzaga na ginagawa lamang shock absorber ng BPI si Pang. Ferdinand R. Marcos Jr., sa kanilang mga pagkukulang.

Ang BPI ay nasa ilalim ng Department of Agriculture na kasalukuyang pinamumunuan din ni PBBM.

Pangunahing pinupukol ng mambabatas ang kawalan ng aksyon ni BPI Director General Glenn Panganiban na agad mag-labas ng certificate of necessity to import (CNI) para sa yellow granex o puting sibuyas noong August 2022.

Sa naging August 10 interagency meeting kasi ay lumalabas na huling araw na pala ito ng suplay ng yellow granex.

Ang idinadahilan kasi ni Panganiban kaya hindi na-aprubahan ang CNI para sana makapag-import ng puting sibuyas ay dahil sa pagpapalit ng liderato.

"You are using the President as shock-absorber of your errors… Hindi magkakaroon ng problema riyan kahit na mayroon tayong transition because we have responsible officials in the BPI and the DA. Hindi naman bago to eh. Tapos hindi kayo nag-issue ng CNI, and you are blaming the President, impliedly, because you are in the process of transition?" diin ni Barzaga.

##

17may//mVr

7AM

Revised   Metropolitan Waterworks and Sewerage System (MWSS) concession agreement welcome sa department of Finance.

---

Welcome sa Department of Finance ang paglagda ng Metropolitan Waterworks and Sewerage System (MWSS) concession agreement.

Ito  ay amienda sa  concession agreement na naglalayong tiyakin na nakaayon ito sa current market condition at patas sa lahat ng partido kasama ang private investors, government and consumers.

Ang kasunduan ay nilagdaan kasama ang   Manila Water Company at  Maynilad Water Services. 

Layon din nito na magpapatuloy ang pagseserbisyo ng MWSS sa mga consumers nito.

Ang amendments ay resulta ng pagpapursige ng Water Concessions Review Committee  matapos pulungin ni Pangulong Ferdinand Marcos Jr.

Ayon kay Finance secretary Benjamin Diokno, ang revised agreement ay testamentoo ng hangarin ng administrasyong Marcos Jr. na mabalanse ang interest ng gobierno, private concessionaires, and Filipino consumers.

MWSS tiniyak ang kanilang kahandaan sa worst case scenario ng nakaambang El Nino phenomenon.

09358893368

---

Tiniyak ng Metropolitan Waterworks and Sewerage System  na handa sila sa worst case scenario sa nakaambang El Nino Phenomenon.

Ito ang pagtiyak ng MWSS Administrator Leonor Cleotas sa pagdinig ng House Committee on Metro Manila Development kung saan tinatalakay ang sitwasyon ng tubig sa NCR.

Anya.. napaghandaan ng MWSS ang malalang sitwasyon kung kasabay ng El Nino phenomenon ay walang ulan o bagyong darating hanggang sa pangatlong bahagi ng taon.

Samantala.. nilinaw rin ni administrator Cleotas na hindi supply driven ang nagaganap ngayong water interruptions sa ibat ibang bahagi ng National Capital Region.

Paliwanag ni Cleotas.. sapat ang tubig na sinusupply ng Angat Dam sa MWSS hanggang sa dalawang water concessionaires.

Anya hinihinaan lang ang supply dahil sa kalidad ng tubig mula sa Putatan treatment plant. 

Pinayuhan naman ni Valezuela Rep. eric Martinez na magtalaga ng “Easy hotline number” para sa MWSS na maaring kontakin ng publiko sakaling may water leakages upang agad itong maagapan ay hindi masayang ang tubig.

Pinapurihan ni House SPEAKER Ferdinand Martin Romualdez ang buong Gilas Pilipinas men’s basketball team matapos na mabawi ang gintong medalya sa 32nd Southeast Asian Games sa isang kapana-panabik na laban kontra sa bigating koponan ng Cambodia.

Ayon kay Speaker Romualdez, tunay na nakapagbibigay ng inspirasyon ang ginawang pagbawi ng Pilipinas sa SEA Games basketball crown.

Pinuri at binati din ng Speakser, hindi lamang ang mga manlalaro kundi maging ang buong coaching staff at lahat ng nagbigay ng kontribusyon sa panalong ito ng Gilas Pilipinas.

Pahayag ng House Speaker hindi naging hadlang sa ating koponan ang mga sirkumstansyang kanilang hinarap sa mga unang yugto ng torneyo bagkus naging pundasyon ito upang maibalik ang pagiging hari ng Pilipinas sa basketbol sa buong Southeast Asia.

Umaasa si Romualdez, na muling magtatagal ang paghaharing ito ng bansa sa Seagames mens basketball sa mahabang panahon. wantta join us? sure, manure...

Isa Umali / May 17

Hindi pinagbigyan ng House Committee on Ethics and Privileges ang petisyon ng biyuda ng pinasalang na si Negros Oriental Gov. Roel Degamo na humihiling ng “explusion” o pagpapatalsik bilang miyembro ng Kamara kay suspended Negros Oriental 3rd district Rep. Arnolfo Teves Jr.

Matatandaan na noong Marso ay naghain ng petisyon si Pamplona Mayor Janice Degamo laban kay Teves, na itinuturong “mastermind” sa pagpatay kay Gov. Degamo.

Sa isang pulong balitaan, ipinaliwanag ni Ethics Panel chairman Felimon Espares na ang petisyon o sulat ni Mayor Degamo ay hindi “sworn complaint” o napanumpaan.

Aniya, kung hindi ito napanumpaan ay hindi ito “qualified” sa Ethics Committee.

Dagdag ni Espares, marami pang ibang requirement batay sa Committee Rules na dapat na ma-comply o masunod.

Ayon naman kay Ako Bicol PL Rep. Raul Angelo Bongalon, miyembro ng Ethics Committee ng Kamara --- dahil sa hindi napanumaan ang petisyon/sulat ni Mayor Degamo ay trinato ito ng komite bilang “not filed.”

Samantala, sinabi ni Espares na sumulat naman sila kay Mayor Degamo noong Abril, para sabihing hindi napanumaan ang petisyon/sulat at iba pa, na hindi nakasunod sa panuntunan ng komite.

Isa Umali / May 17

Sumulong na sa Mababang Kapulungan ang panukalang batas na bubuo ng Philippine Atomic Energy Regulatory Authority o PhilATOM.

Inaprubahan na ng House Committee on Ways and Means ang “tax at revenue provisions” ng substitute bill ng “Philippine National Nuclear Energy Safety Act.”

Kabilang sa mga pangunahing may-akda nito ay sina dating Pang. at ngayo’y House Senior Deputy Speaker Gloria Macapagal-Arroyo, Albay Rep. Joey Salceda at Pangasinan Rep. Mark Cojuangco.

Bukod sa pagbuo ng PhilATOM, maglalatag ng isang komprehensibong “legal framework” para sa “radiation safety,” at standards para sa maayos at ligtas na paggamit ng nuclear energy.

Itatakda rin ang mga kailangan para sa authorization and regulation ng nuclear energy applications. 

Ayon kay Salceda, chairman ng Ways and Means Panel ng Kamara --- napapanahon nang magkaroon ng “guiding framework” para magamit ang nuclear energy sa ating bansa.

Giit ni Salceda, dapat nang itigil ang pananakot sa sarili at hayaang maging gabay ang agham at kasaysayan para sa isinusulong paggamit ng nuclear energy.

Sa huli, sinabi ni Salceda na nauunawaan niya ang mga kritisismo sa nuclear energy, pero sana ay maging bukas dito ang mga tao.

Isa Umali / May 16, 2023

Isinusulong ng Department of Energy o DOE sa Kongreso na magawaran ng “presidential powers” o kapangyarihan ang Pangulo ng bansa na magdeklara ng “energy crisis.”

Ito ay kasama sa mga nais ng DOE na amyenda sa Republic Act 9136 or the Electric Power Industry Reform Act of 2001 o EPIRA.

Sa pagdinig ng House Committee on Energy --- inilatag ng DOE ng “features” ng kanilang panukala.

Dito, ang Presidente, sa determinasyon at rekumendasyon ng DOE --- ay maaaring magdeklara ng “electric power crisis” sa panahong “critically low” o mababa ang supply ng kuryente o kaya’y masyadong mataas ang presyo ng kuryente.

Sa panahon ng krisis, ang DOE ang mag-iisyu naman ng mga pansamantalang hakbang para mapahupa ang epekto nito sa mga consumer, at iba pang inisyatibo para sa episyenteng alokasyon at pagtitipid ng kuryente.

Ayon sa DOE, ang “effectivity” o pagiging epektibo ng deklarasyon ay ili-lift o aalisin sa pag-apruba ng Presidente.

Sinabi ng DOE na napapanahon nang amyendahan ang EPIRA Law upang mapunan o maayos ang mga “gap” sa power energy requirement ng ekonomiya at ng mga consumer.

Bukod dito, sinabi ng kagawaran na panahon nang palawakin ang “sources” ng enerhiya, hikayatin pa ang mga investors sa power industry, i-modernize ang distribution sector, at mapababa ang presyo ng kuryente sa ating bansa.

Isa Umali / May 16, 2023

Lusot na sa ikalawang pagbasa sa Kamara ang panukalang palakasin ang kapangyarihan at tungkulin ng Intellectual Property Office of the Philippines o IPOPHIL.

Sa House Bill Bill 7600 --- pinaaamyendahan ang Intellectual Property Code of the Philippines.

Ito ay para mapahintulitan ang mga awtoridad ng gobyerno na mag-utos sa “internet service providers” na i-block ang websites na naglalaman ng “pirated contents.”

Nakasaad pa rito na ang IPOPHIL ay aatasan na tumanggap ng mga reklamo at petisyon para alisin ang mga “infringed content” na ipinost “online” o magsagawa ng “site blocking.”

Ang mga reklamo naman ay sasailalim sa evaluation nang mayroong “due process” at pwede ring tumanggap ng apela. 

Ang IPOPHIL ay mayroong 5-araw para magpasya ukol sa reklamo, at matapos nito ay mayroong 48-oras para i-compel ang internet service provider para i-block ang site.

Ayon kay Albay Rep. Joey Salceda, na isa sa may akda ng panukala, tuwing ang isang pirated content ay nagiging “viral,” mahirap nang mapigilan ang access dito ng publiko.

Kaya naman mahalaga aniya sa “digital age” ang tamang implementasyon ng intellectual property, at mapigilan ang infringement o paglabag bago pa man ito maging viral.

Isa Umali / May 16, 2023

Gusto ng Department of Energy o DOE na marepaso at maamyendahan ng Kongreso ang prangkisa ng National Grid Corporation of the Philippines o NGCP.

Sa pagdinig ng House Committee on Energy, sinabi ni DOE Usec. Sharon Garin na masyadong “generous” ang prangkisa para sa NGCP ngunit kulang sa “performance” at mayroon ding mga “delayed” na proyekto para sa transmission lines.

Ayon pa kay Garin, naniniwala ang DOE na ang 80% ng problema sa kuryente sa ating bansa ay dahil sa prangkisa na naibigay sa NGCP.

Ani pa Garin, ang concession agreement kasi aniya ang pabor na pabor sa franchisee, kaya naman nasa kamay at kapangyarihan na ng Kongreso para i-review ang prangkisa ng NGCP, bago pa ang expiration nito.

Lumutang naman sa pagdinig ng Energy Panel ng Kamara na ang tanging binabayaran ng NGCP ay ang “franchise tax” nasa 3% ng gross receipts ng kanilang operasyon.

Sabi tuloy ni APEC PL Rep. Sergio Dagooc, “sobra pa sa tubong-lugaw” ito, kaya mabuti aniyang ibalik sa gobyerno ang pamamahala ng NGCP.

Sinubukan nating kunin ang panig ng NGCP, ngunit wala pang tugon.

Isa Umali / May 16, 2023

Nadagdagan pa ang mga resolusyon na inihain sa Kamara na nagpapaimbestiga sa iba’t ibang reklamo ng mga user o gumagamit ng Gcash. 

Sa House Resolution 975 ng mga kongresista ng Makabayan --- inaatasan ang House Committee on Banks and Financial Intermediaries na magdaos ng pagsisiyasat “in aid of legislation” ang naganap na aberya sa Gcash noong May 9, 2023 na lubos nakaabala sa maraming users at mga negosyante. 

Kabilang sa mga ipinasisilip ng Makabayan ay ang umano’y mga hindi otorisadong kaltas at transaksyon na aabot sa halagang P37 million. 

Dagdag ng Makabayan, bukod sa nangyari noong May 9 --- marami na ring report laban sa Gcash na libo-libo ang halaga. 

Giit ng Makabayan, kailangang maimbestigahan ito ng Kongreso upang makatukoy at makapaglatag ng mas malakas na “regulatory framework” at “data privacy mechanisms” para sa mga financial tech services. 

Sa naunang pahayag ng Gcash, kanilang sinabi na naayos na nila ang problema at walang nawalang pera ng kanilang mga kliyente dahil naibalik din sa kanila ang lahat.

Isa Umali / May 16

Humihirit si House Committee on Ways and Means Chairman Joey Salceda sa Senado na agad na aksyunan at ipasa ang panukalang batas para sa pagpapalawig ng panahon ng “Estate Tax Amnesty.”

Sa Kamara, pasado na sa ikatlo at huling pagbasa ang House Bill 7909 kung saan isinusulong na i-extend ang pag-avail ng amnestiya ng hanggang June 14, 2025, mula sa kasalukuyang deadline na June 14, 2023.

Ayon kay Salceda, dapat ay maaprubahan ng Mataas na Kapulungan ang panukala bago ang sine die adjournment ng Kongreso sa June 3, 2023, upang agad ding mai-akyat at mapirmahan ni Pang. Ferdinand Marcos Jr. para sa pagsasabatas. 

Payo ni Salceda sa Senado, subukang tapatan ang bilis ng Kamara lalo na sa pagtalakay at pagpasa sa mga “urgent” at mahahalagang panukalang batas.

Binigyang-diin pa ng kongresista na isa ring ekonomista, mahalaga ang extension ng Estate Tax Amnesty lalo’t inaasahang makikinabang dito ang nasa isang milyong pamilyang Pilipino na pawang naapektuhan ng COVID-19 pandemic.

Kaya kung tutuusin ay wala na masyadong dapat na pagdebatehan ukol dito.

Babala naman ni Salceda, kapag hindi naging mabilis ang kilos ng Senado ay baka kakapusin na talaga sa panahon, lalo’t ang balik-sesyon ng Kongreso ay sa July 23, 2023 pa o sa ikalawang State of the Nation Address o SONA ni Pang. Ferdinand Marcos Jr.

Samantala, sinabi ni Salceda na maaaring sertipikahan ni Pres. Marcos ang panukala, para maging mabilis ang deliberasyon at pagpasa ng Mataas na Kapulungan sa panukala.

Isa Umali / May 16

Binubuhay sa Kamara ang panukalang batas na layong payagan ang mga senior citizen, may kapansanan o karamdaman, at locally stranded individuals o LSIs na makaboto sa pamamagitan ng koreo (mail) sa panahon ng public health emergency o state of calamity.

Ito ang House Bill 8037 ni Presidential Son at Ilocos Norte 1st district Rep. Ferdinand Alexander Marcos.

Kapag naging ganap na batas, magkakaroon ng “postal o mail-in voting system” na pagtitibayin at ipatutupad ng Commission on Elections o Comelec sa local, national at overseas balloting, at pati sa national referenda at mga plebesito.

Nakasaad sa panukala ng batang Marcos na ito ay para sa benepisyo ng mga lolo at lola, mga person with disabilities o PWDs, at LSIs na rehistradong botante naman, ngunit hindi makaboto dahil sa mataas na panganib ng impeksyon; o kaya’y “physical impossibility.”

Kapag sinabing postal o mail-in voting, ito ay uri ng “absentee voting” kung saan ang mga balota ay ipapadala sa bahay ng mga botante. Sasagutan ang balota bago maipadala sa pamamagitan ng postal mail o ihulog sa “drop box” sa voting center.

Ayon kay Marcos, ang pagboto “via mail” ay hindi na bago, at sa katunayan ay ginagawa sa Colorado, Hawaii, Oregon, Utah at Washington sa Amerika noong kasagsagan ng COVID-19 pandemic.

Punto pa ng mambabatas, ang iba pang “advantage” ng postal o mail-in voting ay mababawasan ang kinakailangang staff sa mga polling center tuwing eleksyon, at makakatipid din umano sa pera at oras ang mga botante.

Mayroon din umano pag-aaral na nagpapataas ng “voters turnout” ang mail-in voting.

PANUKALA NA MULING TUMUTUKOY SA ILLEGAL RECRUITMENT NG ISANG SINDIKATO, PASADO SA KAPULUNGAN

Inaprubahan ng Kapulungan ng mga Kinatawan ngayong Lunes, ang panukala na muling tumutukoy sa krimen ng illegal recruitment ng isang sindikato, sa pamamagitan ng pagpapababa ng bilang ng mga gumagawa nito mula sa tatlo o mas higit pa, sa dalawa o mas higit pa, ng mga taong hindi lisensyado, o walang pinanghahawakang kapangyarihan, na mas madaling isakdal sa krimen at magawaran ng katarungan ang mga nabibiktimang overseas Filipino workers (OFWs).

“We see this proposed law as an added protection for our hardworking OFWs and an effort to strengthen further our efforts in deterring illegal recruitment and giving justice to OFWs who fall prey to illegal recruitment,” ayon kay Speaker Ferdinand Martin G. Romualdez.

Layon ng House Bill (HB) No. 7718, na inaprubahan ng Kapulungan sa pabor na botong 260, na amyendahan ang Article 38 ng Labor Code at Migrant Workers and Overseas Filipinos Act, sa pagdaragdag ng bagong pamamaraan upang matukoy ang illegal recruitment ng isang sindikato na, “if the offenders are non-licensees or non-holders of authority and the act was carried out by two (2) or more persons.”

“Under the current Labor Code, illegal recruitment by a syndicate is deemed committed only if carried out by a group of three (3) or more persons conspiring and/or confederating with one another in carrying out any unlawful or illegal transaction, enterprise or scheme defined under the law. The minimum number of persons provided in the law makes it hard to prosecute illegal recruitment cases by a syndicate,” ani Speaker Romualdez.

“With House Bill 7718, we hope to fight the crime of illegal recruitment further and make it easier for government prosecutors to file and prosecute the crime of illegal recruitment committed by a syndicate in the case of non-licensees or non-holders of authorities, as two or more persons conspiring or confederating with one another would be sufficient,” ayon pa kay Speaker Romualdez.

Kasama sa mga pangunahing may-akda ng panukalang HB 7718 sina Reps. Ralph Tulfo, Jocelyn Tulfo, Gus Tambunting, at Kabayan Rep. Ron Salo.

Isinasaad sa Migrant Workers Act ang maraming pamamaraan ng pagsasagawa ng illegal recruitment, subalit ang pangunahing tinutukoy rito ay, “any act of canvassing, enlisting, contracting, transporting, utilizing, hiring, or procuring workers and includes referring, contract services, promising or advertising for employment abroad, whether for profit or not when undertaken by non-licensee or non-holder of authority.”

Sa ilalim ng batas, ang parusa sa illegal recruitment ay pagkabilanggo nang hindi bababa sa 12 taon at isang araw, subalit hindi lalagpas ng mahigit sa 20 taon, at multang nagkakahalaga ng P1-milyon hanggang P2-milyon.

Kapag ang illegal recruitment ay may kaugnayan sa pagsabotahe sa ekonomiya, ang kaparusahan ay habambuhay na pagkabilanggo, at multang nagkakahalaga ng P2-milyon hanggang P5-milyon ang ipapataw.

Ang Illegal recruitment ng isang sindikato, o malawakan (na isinagawa ng tatlo o mas higit pang katao) ay itinuturing na pagsabotahe sa ekonomiya. # wantta join us? sure, manure...