22 PAGTALAKAY SA MEDICAL MARIJUANA, PINASIMULAN NA NG KOMITE

jopel

Kamara, sinimulan na ang pagtalakay sa isinusulong na pagsasabatas ng medical marijuana sa bansa...

Dininig sa ginanap na hearing ng House Committee on Dangerous Drugs na pinamumunuan ni Rep. Robert Ace Barbers ang panukalang gawing ligal ang cannabis.

Layun ng panukalang inakda ni former Speaker Pantaleon Alvarez na alisin sa listahan ng illegal drugs and substances, ang cannabis o marijuana, na sakaling maisakatuparan tiyak na magiging ligal na ang paggamit nito bilang medisina.

Pero nilinaw ni Barbers, na syang chairman ng komite,  na di pinahihintulutan ng panukala ang recreational use ng cannabis, at tanging medicinal use lamang.

Sa katunayan, parami na ng parami aniya ang mga bansang nagpapatupad ng pagluluwag sa kanilang regulasyon upang magamit nang gamot ilang sakit gaya ng kanser ang cannabis.

Pahayag ng solon, pinapayagan na sa ibang mga bansa ang recreational use nito, ngunit pagdating sa Pilipinas, lilimitahan lamang ito bilang medisina.

Giit ng solon, dumarami na ang mga pag-aaral na epektibong gamot ang cannabis oil sa mga matatanda at mga bata na may malubhang karamdaman.

Dagdag ni Barbers, marahil ito na ang tamang panahon upang tingnan ang positive side ng paggamit ng medicinal marijuana sa ating bansa. wantta join us? sure, manure...

21 KOMITE SA KAMARA, WALANG MASYADONG NAPIGANG IMPORMASYON KAY SIBUYAS QUEEN

anne

Wala masyadong napiga ang House Committee on Agriculture sa Onion trader na tinaguriang Sibuyas Queen na si Lea Cruz sa isinagawang executive session ng komite nuong nakaraang pagdinig.

Ayon kay Nueva Ecija Reprsentative Ria Vergara nakakadismaya dahil walang nakuhang impormasyon ang komite lalo na kung sino ang nasa likod sa pagmanipula sa presyo ng sibuyas.

Naniniwala si Vergara na mayruong kartel kaya dapat matukoy kung sino ang nasa likod kay Sibuyas queen na nasangkot na rin sa kontrobersiya sa bawang o garlic.

Tila kasi walang takot na humarap sa house panel ang negosyante.

Sinabi ng mambabatas na kailangan pa nila ng mga dagdag na resource speakers na may alam sa hoarding at price manipulation sa sibuyas.

Hinihintay na rin ng komite ang report ng National Bureau of Investigation hinggil sa nasabing kontrobersiya.

Sumobra kasi ang pagtaas ng presyo ng sibuyas na umabot sa P800 per kilo kaya hindi ito makatarungan.

Inihayag din ng mambabatas na gumugulong na ang imbestigasyon ngayin sa Ombudsman hinggil sa kontrobersiya sa bawang nuon na kinasangkutan ni Lea Cruz at nabatid na ang opisyal na nasa likod niya ay ang dating kalihim ng Department of Agriculture.

Nakatakdang ipagpatuloy ng House Committee on Agriculture ang kanilang moto propio investigation. wantta join us? sure, manure...

20 IMPORMANTENG HUMIHINGI NG BAHAGI NG DROGA NA NASASABAT SA OPERASYON KAPALIT NG KANILANG TIP, ISINIWALAT

kath

Paiimbestigahan ng Kamara ang isiniwalat ni PDEA Director General Moro Virgilio Lazo na mayroong mga asset o impormante na humihingi ng bahagi ng droga na masasabat sa operasyon kapalit ng kanilang ‘tip’

Sa pagtalakay ng House Committee on Dangerous Drugs sa House Bill 7094 o panukala para sa agarang pagsira ng mga makukumpiskang droga, sinabi ng opisyal na may mga impormante na hinihinging kabayaran sa kanilang ‘trabaho’ ay 30% ng kabuuang masasabat na droga sa opersyon.

“There were agents offering to give us, ang term nila sir ‘trabaho’. So I personally sat with some of them. Ang sistema sir, I do not have to spend anything. They will do all the work but they are asking 30% of the actual seizures as their payment. So I outrightly told them that as far as my administration is concerned, we are only to give them the monetary value through our reward system.” Ani Lazo.

Dahil dito, nagdesisyon si Surigao del Norte Rep. Robert Ace Barbers na magkasa ng motu proprio inquiry patungkol sa ibinunyag ni Lazo.

“Yung 30% na scheme, na commission ng mga assets no, I guess it would require an inquiry, motu proprio, by this committee. To investigate and to validate all these information shared with the chair and with the members of the committee…napaka serious na allegation kasi nga di matapos-tapso siguro yung recycling it’s because the assets who give information to arrest druglords and sellers are being rewarded not of monetary value but of items that are seized or apprehended…so now assets will sell it back to the streets.” diin ni Barbers.

Kasama rin sa iimbestigahan ang nangyayaring “recycling” ng droga kung saan nagtatabi ng bahagi nakumpiskang droga na siyang ibebenta muli.

Aminado ang mga opisyal ng PDEA at ng PNP na posibleng nangyayari ang ‘recycling’ ngunit bago pa ma-turnover sa kanilang kustodiya ang nahuling droga.

## wantta join us? sure, manure...

19 MAIL VOTING CONVENIENCE ACT, ISINULONG SA KAMARA

Isa Umali / Feb. 21

Inihain ni Paranaque Rep. Edwin Olivarez ang House Bill 6854 o panukalang tinatawag na “Mall Voting Convenience Act of 2023.”

Paliwanag ng mambabatas, ayon ng panukala na matiyak na matutupad ang “right to suffrage” o karapatang bumoto ng mga Pilipino maliban sa mga hindi kwalipikado.

Sinabi ni Olivarez na mainam na magkaroon na ng “voting precints/sites” sa mga shopping mall, upang mas marami ang mahikayat na bumoto, at maginhawa sa mga botante lalo na sa senior citizens na makakaiwas sa siksikan sa mga eskwelahan na lugar ng botohan.

Aniya, ang mga shopping mall kasi ay kumportable, may aircon, may parking spaces, sapat na security measures o presensya na mga pulis, at ligtas.

Dagdag ni Olivarez, nasubukan na ng Commission on Elections o Comelec ang program kung saan uubrang magpa-rehistro sa mga mall (Register Anywhere Project o RAP).

Kapag naging ganap na batas, ang Comelec ay aatasang bumuo ng mga istruktura at gagawa ng iba pang mekanismo upang mapayagan ang botohan sa mga shopping mall, tuwing national at local elections sa ating bansa.

Kasama rin sa kailangang gawin ng Comelec ay magkaroon ng listahan ng mga partikular na shopping malls na gagawing presinto; “transfer” ng listahan ng mga botante o kung sino-sino ang uubrang makaboto sa shopping malls; paglalagay ng voting machines at iba pang kailangang gamit; at marami pang iba. wantta join us? sure, manure...

18 PAGPAPATUPAD NG IC CATASTHOPE INSURANCE HIKE, MAARING MAGRESULTA SA PAGTAAS NG BASIC COMMODITIES

jopel

Tuluyang pagbasura sa IC Catastrophe Insurance Hike na magreresulta sa pagsirit ng presyo ng basic commodities, Iginiit... 

Ipinababasura ni AGRI Party-list Rep. Wilbert Lee sa Insurance Commission ang IC Circular Letter No. 2022-34 na layung taasan ang insurance premium rates para sa minimum catastrophe gaya ng mga insidente ng pagbaha, lindol, at bagyo.

Kailangan aniyang ibasura ang insurance hike contributions lalo na ngayong pumalo ang inflation rate ng bansa sa 14-year high na 8.7% nitong nakalipas buwan.

Nakatakda sanang ipatupad ang noong Jan.1, 2023 ang IC circular ngunit sinuspende makaraang madiskubre at  kwestyunin ni Lee ang nakaambang pagtataas.

Giit ng mambabatas, hindi kinonsulta ng  insurance commission na pinamumunuan ni Commissioner atty. Dennis Funa ang mga stakeholders at consumers sa planong adjustments.

Giit ni Lee, nakahanda syang busisiin ang hakbang ng komisyon sa isasagawang unang pagdinig ngayong araw ng House Committee on Banks and Financial Intermediaries hinggil sa kanyang inihaing House Resolution No. 632 na layung siyasatin ang suspended na IC policy.

Nababahala ang Sorsogon lawmaker sa ulat na nakipagdayalogo umano noong feb.7 ang IC sa mga stakeholders hinggil sa panukalang contribution hike.

Sinabi ni Lee na ang nakatakdang pagdinig ng komite ang tamang venue upang talakayin ang isyu.

marapat lamang aniyang ipaliwanag ng IC kung bakit hindi sila nagsagawa ng public consultation noon, na tila nais biglain ang taumbayan sa kanilang nabalam na pagtataas na maaring magresulta sa pagsirit ng presyo ng mga bilihin.

Dagdag ng kongresista, Kung talagang nalulugi ang mga insurance industry, dapat lamang na suriin ang kanilang mga datos upang maipakita sa publiko ang kanilang financial statements. wantta join us? sure, manure...