MGA HULING KAGANAPAN SA MGA SERBISYO NG GSIS, PAG-IBIG AT PHILHEALTH, IBINAHAGI

Bumisita sa Kamara ang mga opisyal mula sa Government Service Insurance System (GSIS), Pag-IBIG Fund, at Philippine Health Insurance Corp. (PhilHealth), upang ibahagi ang mga huling kaganapan sa mga benepisyo at serbisyo para sa kanilang mga miyembro. Iprinisinta ni William Roi Bagay, Team Leader ng GSIS Claims Unit Frontline Services Division, sa mga dumalo sa GSIS Touch app, na nagpa facilitate sa mga online purchases at binabawasan nito ang mga gastos sa pagbyahe ng mga retirado at mga pensioners. 

Ayon kay Bagay, ipinakikita sa app ang commitment ng GSIS sa pagbabahagi ng consumer convenience. 

Tinalakay niya rin ang mandato ng GSIS, financial stability, contribution rates, membership at coverage. 

Sa tinatayang 2.64 milyong miyembro at mga pensioners, sinabi niya na ibinabahagi ng GSIS ang ibat ibang uri ng mga benepisyo, kabilang ang life insurance, retirement, separation, employees' compensation (EC), funeral at survivorship benefits. 

Samantala, hinimok ni Pag-IBIG marketing specialist Agens Mamon ang mga kalahok na ipagpatuloy ang pag-iipon at pamumuhunan, at sinabing "life doesn't stop after retirement." 

Inisa-isa niya rin ang mga kapakinabangan bilang miyembro ng Pag-IBIG. 

Nilinaw ni PhilHealth Information Officer Laurence Kenneth Rosales na di-katulad ng GSIS at Pag-IBIG na nagbibigay ng serbisyong kaugnay na pensyon, pangunahing mandato ng PhilHealth ang seguro sa kalusugan, na ang pangunahing benepisyo ay umiikot sa hospital coverage. 

Idinagdag niya na ang kontribusyon sa PhilHealth ay nakalinya sa Universal Health Care, o ang 2019 Philippine UHC Act (Republic Act 11223). 

Sa kanyang welcome remarks, binigyang-diin ni Maritess Butalid-Zason, hepe ng House Personnel Development Welfare Group (PDWG), ang kahalagahan ng aktibidad sa mga kasalukuyan at mga magreretirong kawani ng Kamara. 

“For our new employees … understanding the benefits and services provided by these agencies is crucial for making informed decisions about your future. For our retiring employees, today’s session will equip you with the necessary information to better prepare for retirement ensuring a smooth transition and a secure future,” ani Zason. 

Nangako si House Deputy Secretary General for the Administrative Department Dr. Edgardo Pangilinan na ipagpapatuloy ng kanyang tanggapan ang pagpapaunlad ng mga programa at ibahagi ang mga oportunidad sa lahat ng mga kawani, upang kanilang ganap na mapakinabangan ang mga benepisyo. 

“Just let us know what we can do more for you, and we will also be here for you,” ani Pangilinan. 

Ang mga kawani ng pamahalaan ay mandatoryong maging miyembro ng Pag-IBIG, PhilHealth at GSIS. 

Ang kontribusyon ng kawani ay katumbas ng 9% ng kanilang aktwal na buwanang sahod sa GSIS. 

Samantala, ang kontribusyon sa Pag-IBIG ay katumbas naman ng kaakibat na porsyento sa buwanang sahod at ang kasalukuyang halaga ay 1% para sa parehong kawani at employer, o kabuuang 2% ng sahod ng kawani. 

Ang kontribusyon naman sa mga miyembro ng PhilHealth ay itinaas kamakailan sa 5% ng buwanang sahod ng kawani.

MULA SA KAMARA DE REPRESENTANTES, TERENCE MORDENO GRANA, NAG-UULAT PARA SA ARMED FORCE RADIO, BOSES NG KAWAK PILIPINO This is Terence Mordeno Grana, reporting for AFP Community News, One AFP for Stronger Philippines.

Hamon ni Romualdez sa gov’t agencies, pribadong sektor: Tulungan si PBBM na agad mapababa presyo ng bigas 

Nanawagan si Speaker Ferdinand Martin G. Romualdez sa mga ahensya ng gobyerno at pribadong sektor na makiisa sa whole-of-nation approach upang agad na mapababa ang presyo ng bigas.

Ginawa ni Speaker Romualdez ang apela sa isinagawang pagpupulong kasama ang Department of Agriculture (DA), Department of Trade and Industry (DTI), at Bureau of Customs (BOC) na ginanap sa Makati Golf and Country Club sa Makati City nitong Huwebes.

Dumalo rin sa pagpupulong ang mga kinatawan ng SM Supermarkets at Puregold Stores, na kabilang sa mga pangunahing retailer ng bigas at iba pang pangunahing bilihin sa bansa.

“The President is doing everything in his power to bring down the price of rice and make them available to millions of Filipinos in all parts of the country. It is now our obligation to work together and adopt a whole-of-nation approach to make this possible,” sabi ni Speaker Romualdez.

“Our general direction: Quality, affordable rice, always,” dagdag pa ng lider ng Kamara na mayroong mahigit 300 kinatawan.

Ipinunto ni Speaker Romualdez na bagamat mayroon ng mabibiling bigas sa halagang P29 kada kilo sa mga Kadiwa store, ito ay limitado lamang.

“What we envision is not only to make affordable rice available in Kadiwa Centers, but make quality affordable rice to the general public. In all markets, in all parts of the country, all the time,” sabi pa ng lider ng Kamara.

Ipinaliwanag ni Speaker Romualdez na ang administrasyon ni Pangulong Marcos, katuwang ang Kongreso ay gumagawa ng mga hakbang upang mapababa ang presyo ng bigas at iba pang pangunahing bilihin.

“The reduction in tariff for rice is just one of the approaches. The expansion of Kadiwa stores is another. We are hopeful that the Senate will approve their version of the amendments to the Rice Tariffication Law which was passed by the House of Representatives last month,” sabi pa nito.

Pinawi rin ni Speaker Romualdez na malulugi ang mga lokal na magsasaka kapag dumami ang suplay ng imported na bigas sa bansa dahil sa pagbaba ng taripang ipinapataw dito.

“There is nothing to fear about massive importation. Our priority is still locally-produced rice. We only resort to importation only to offset our shortfall in rice production,” sabi pa nito.

“We are only reducing tariffs to absorb price shocks in the world market and free-fall in foreign exchange. This is just stop-gap measure and our goal is still rice sufficiency and affordability,” dagdag pa ng opisyal.

Tiniyak din ni Speaker Romualdez na magpapatuloy ang pagbibigay ng ayuda sa mga lokal na magsasaka sa kabila ng pagbaba ng taripa sa imported na bigas.

“Just from January to May this year alone, the Bureau of Customs had already collected  21.6 billion earmarked for subsidy to rice farmers. Government has enough resources to continue the subsidies, and Congress is ready to provide more funds if still needed,” wika pa nito.

Dumalo sa pagpupulong na ipinatawag ni Speaker Romualdez sina DA Undersecretary Christopher Morales, DTI Assistant Secretart Agaton Uvero, at BOC Deputy Commissioners Vener Baquiran at Clarence Dizon.

Kasama naman ni Speaker Romualdez sa pagpupulong sina House Appropriations Committee Chairman Zaldy Co ng Ako Bicol Partylist, Agriculture Committee Chairman Mark Enverga ng Quezon, at Deputy Majority Leader Erwin Tulfo ng ACT-CIS Partylist.

Dumalo rin sina SM Prime President Jeffrey Lim at Puregold President Vincent Co. (END)

MULA SA KAMARA DE REPRESENTANTES, TERENCE MORDENO GRANA, NAG-UULAT PARA SA ARMED FORCE RADIO, BOSES NG KAWAK PILIPINO This is Terence Mordeno Grana, reporting for AFP Community News, One AFP for Stronger Philippines.

JUN 6

-Hajji-

Hinimok ni House Speaker Martin Romualdez ang mga kabataang mag-aaral na gamitin ang edukasyon at kaalaman para sa ikauunlad ng bansa.

Sa kanyang mensahe sa 48th Commencement Exercises ng Romblon State University, pinayuhan ni Romualdez ang mga nagsipagtapos na maging aktibo sa paghubog sa kinabukasan ng Pilipinas.

Bukod sa pagiging guest of honor, pinasinayaan ng Speaker ang University Information System ng RSU na bahagi ng ICT Modernization Program.

Sinabi ni Romualdez na ang UIS ay isang "Smart Campus Program" na inaasahang magpapalakas sa information management at pabibilisin ang university processes.

Sa pamamagitan ng Campus Portal ay maipo-promote aniya ang engagement at kolaborasyon sa RSU community members upang magkaroon ng conducive na learning environment.

Itinataguyod nito ang automation ng tasks at paiigtingin ang data security measures upang masiguro ang epektibong operasyon at proteksyon ng sensitibong impormasyon.

Binigyang-diin pa ng House leader na ang paggamit ng teknolohiya at innovation ay may layunin na gawing "future-ready" ang mga mag-aaral lalo na ang mga umaangat sa digital world.

MULA SA KAMARA DE REPRESENTANTES, TERENCE MORDENO GRANA, NAG-UULAT PARA SA ARMED FORCE RADIO, BOSES NG KAWAK PILIPINO This is Terence Mordeno Grana, reporting for AFP Community News, One AFP for Stronger Philippines.

hiniling ni AGRI Party-list Rep. Wilbert Lee sa pamahalaan na tiyaking maibibigay ang tulong na kakailanganin ng mga mangingisdang apektado sa pagiging agresibo ng China sa West Philippine Sea.

mensahe ito ni Lee sa harap ng fishing ban na ipinapatupad ng china sa west philippine sea kung saan lalong madedehado ang ating mga mangingisda na kaunti na nga lang ang kinikita ay napagkakaitan pa lalo ng kabuhayan.

giit ni Lee, karapatan natin na malayang makapangisda sa West Philippine Sea, lalo na sa mga tubig na nasa loob ng ating Exclusive Economic Zone na bahagi ng ating teritoryo.

gayunpaman, ipinunto ni Lee na dahil matagal nang may pattern ng pambubully at harassment ang China sa ating mga mangingisda kaya kailangang ihanda at siguruhin ang mabilis na paghahatid ng tulong at ayuda sa mga hindi makapangingisda dulot ng fishing ban.

Diin ni Lee, kung agresibo ang Tsina ay kailangang maging agresibo din tayo sa pagsuporta at pagprotekta sa karapatan ng ating mga mangingisda na makapaghanapbuhay nang ligtas at matiwasay.

######

MULA SA KAMARA DE REPRESENTANTES, TERENCE MORDENO GRANA, NAG-UULAT PARA SA ARMED FORCE RADIO, BOSES NG KAWAK PILIPINO This is Terence Mordeno Grana, reporting for AFP Community News, One AFP for Stronger Philippines.

JUN 6

-Hajji-

Naniniwala ang human rights lawyer na si Atty. Chel Diokno na "hinog" na para makasuhan si dating Pangulong Rodrigo Duterte kaugnay sa madugong war on drugs campaign na nagresulta umano sa pagkamatay ng libu-libong indibidwal.

Sa pagdinig ng House Committee on Human Rights, inusisa ng chairperson na si Manila 6th District Representative Bienvenido Abante Jr. si Diokno kung bakit hindi nagawang sampahan ng kaso si Duterte ngayong hindi na siya presidente at wala nang immunity sa kabila ng mga nababanggit na datos ng namatay sa drug war.

Pag-amin ni Diokno, maraming biktima o kaanak ng mga nasawi sa madugong kampanya ang natatakot na maghain ng reklamo laban sa dating pangulo.

Kaya ang rekomendasyon ng abogado ay manguna ang Department of Justice sa pagsasampa ng kaso dahil ito ang may kapasidad na panagutin si Duterte.

Hindi naman naitago ni Abante ang "frustration" na natatakot pa rin ang mga biktima na humarap sa imbestigasyon gayong poprotektahan sila ng Kamara.

Punto ng kongresista, paano makakamit ang hustisya kung iilan lang ang magsasalita.

Dagdag pa ni Abante, hindi niya lubos-maisip na kailangan pang hintayin na kumilos ang DOJ kaya umaasa ito na pagkatapos ng isinasagawang pagdinig ng komite ay mababago na ang pangamba ng mga naagrabyadong biktima.

MULA SA KAMARA DE REPRESENTANTES, TERENCE MORDENO GRANA, NAG-UULAT PARA SA ARMED FORCE RADIO, BOSES NG KAWAK PILIPINO This is Terence Mordeno Grana, reporting for AFP Community News, One AFP for Stronger Philippines.

Milks/06june24

Rice tariff cut indikasyon ng pagtatag ng presyo ng bilihin lalo na ng bigas…

…

Magandang indikasyon ng price stability ang desisyon ni Pangulong Bongbong Marcos na bawasan ang taripa sa imported rice sa 15 percent mula sa kasalukuyang 30 percent.

Ayon kay Albay Representative Joey Salceda, Chairman ng House Committee on Ways and Means, tama ang ginawa ni Pangulong Marcos dahil factor ng pagtaas ng inflation ang presyuhan ng bigas.

Sabi ni Salceda, dapat palakasin ng gobyerno ang suporta sa domestic sector na kinabibilangan ng mga magsasaka sa pamamagitan ng RCEF o Rice Competitiveness Enhancement Fund.

Batay sa datos, ayon kay Salceda, lumobo na ang pondo ng RCEF sa P30 billion pesos kada taon kaya may sapat na pangtulong sa agricultural sector.

Bukod dito, sinabi ni Salceda, ipinag-utos ni House Speaker Martin Romualdez ang amyenda sa Rice Tariffication Law para mas makatugon ang RCEF sa pangangailangan ng ating mga magsasaka.

Bibigyan din muli ng kapangyarihan ang National Food Authority na tiyakin na makapagbebenta ng abot-kayang presyo ng bigas sa pamilihan

MULA SA KAMARA DE REPRESENTANTES, TERENCE MORDENO GRANA, NAG-UULAT PARA SA ARMED FORCE RADIO, BOSES NG KAWAK PILIPINO This is Terence Mordeno Grana, reporting for AFP Community News, One AFP for Stronger Philippines.

Abante: Ebidensya ang “magkukuwento” sa imbestigasyon ng Kamara sa EJK

Sa muling pagsasagawa ng imbestigasyon ng House Committee on Human Rights sa umano’y extrajudicial killings (EJK) sa pagpapatupad ng war on drugs ng administrasyong Duterte, sinabi ng chairperson ng komite na dahil hindi na makakapagkuwento ang mga nasawi ang ebidensya ang hahayaan na magsalita upang malaman ang totoong nangyari.

“It is alleged that the rights of thousands of Filipinos were violated when they lost their lives in the anti-illegal drug campaign; they can no longer speak, so we must let the evidence speak for them," ani Abante.

Binuksan ng legislator-pastor ang pagdinig sa pagbasa sa bahagi ng Book of Proverbs na nagsasabing "to speak up for those who cannot speak for themselves," at Proverbs 31:9: "open thy mouth, judge righteously, and plead the cause of the poor and needy.” 

"This passage serves as a powerful reminder of our duty today: to protect the vulnerable and uphold justice," sabi ni Abante.

Muli ring iginiit ni Abante na ang layunin ng komite ay tukuyin kung mayroong naganap na paglabag sa karapatang pantao sa pagpapatupad ng war on drugs.

"Our goal is to uncover the truth, to ensure accountability, and to uphold the principles of justice and human dignity. These hearings are not intended to persecute and to judge; they are a testament to the commitment of the House of Representatives to the Rule of Law and the protection of human rights," paliwanag ng solon.

Sinabi ni Abante na ang imbestigasyon ay isa ring paalala na hindi dapat isantabi ang karapatang pantao sa paghanap ng kaligtasan at seguridad.

"We want to impress upon the country that human rights are vital and are the cornerstone of any true democracy, a democracy where every citizen can feel safe because peace and order is maintained through respect for the Rule of Law––not imposed through unjustifiable violence," sabi pa nito.

"Let us work together to ensure that justice is served, and that the principles of human rights and the Rule of Law are upheld for all," saad pa ni Abante. (END)

MULA SA KAMARA DE REPRESENTANTES, TERENCE MORDENO GRANA, NAG-UULAT PARA SA ARMED FORCE RADIO, BOSES NG KAWAK PILIPINO This is Terence Mordeno Grana, reporting for AFP Community News, One AFP for Stronger Philippines.

'Young Guns' ng Kamara suportado utos ni PBBM na bawasan taripa sa imported na bigas

Nagpahayag ng suporta ang mga miyembro ng "Young Guns' ng Kamara de Representantes sa desisyon ni Pangulong Ferdinand R. Marcos Jr. na ibaba sa 15% ang kasalukuyang 35% taripa na ipinapataw sa imported na bigas upang bumaba ang presyo ng bigas sa mga pamilihan.

Ayon kay House Assistant Majority Leader at Zambales 1st District Rep. Jay Khonghun ang pasya na ito ng Pangulo ay magdadala ng malaking kaginhawaan sa ating mga kababayan. 

“It is a clear indication of his administration's focus on making essential commodities affordable and accessible to all Filipinos. This move will help stabilize rice prices and prevent any potential supply issues,” ani Khonghun. 

Sinegundahan naman ito ni Deputy Majority Leader at PBA Party-list Rep. Margarita “Atty. Migs” Nograles at sinabi na milyong pamilya ang makikinabang sa hakbang na ito na pagpapababa ng taripa.

“This policy will provide immediate financial relief to families struggling with high food costs and contribute to overall economic stability,” saad ni Nograles  na isang abogado.

“President Marcos has shown his commitment to addressing the needs of our people,” dagdag pa niya. 

Kapwa naman makikinabang ang mga mamimili at ang sektor ng agrikultura sa tapyas sa tariff rates ayon kay Assistant Majority Leader at Union 1st District Rep. Francisco Paolo Ortega V 

“By lowering the cost of rice, we are ensuring that every Filipino has access to this staple food at a reasonable price. This is a step in the right direction towards achieving food security,” paglalahad ni Ortega. 

Suportado rin ito ni Davao Oriental 2nd District Rep. Cheeno Miguel Almario dahil sa napapanahon at kinakailangan ang pamamagitan na ito ng Pangulo. 

“It reflects his administration's dedication to improving the lives of ordinary Filipinos. This policy will help mitigate the effects of inflation and ensure that rice remains affordable for everyone,” sabi ni Almario. (END)

MULA SA KAMARA DE REPRESENTANTES, TERENCE MORDENO GRANA, NAG-UULAT PARA SA ARMED FORCE RADIO, BOSES NG KAWAK PILIPINO This is Terence Mordeno Grana, reporting for AFP Community News, One AFP for Stronger Philippines.