MGA PANUKALA NA MAY KINALAMAN SA KNOWLEDGE ECONOMY AT MAY KAUGNAYAN SA EDUKASYON, APRUBADO

Inaprubahan ngayong Miyerkules ng Komite ng Higher at Technical Education sa Kapulungan ng mga Kinatawan, na pinamumunuan ni Baguio City Rep. Mark Go, napapailalim sa istilo at mga pagbabago, ang House Bill 6286 na naglalayong dagdagan ang mga paglalaan para sa mga scholarship, siyentipikong pananaliksik, pagbabago at negosyo, edukasyon, at pagsasanay upang maihanda ang bansa para sa tinatawag na knowledge economy. 

Ayon sa naghain ng panukala at isponsor na si Cebu Rep. Pablo John Garcia, ang unang malaking hadlang sa pagbabago ng bansa tungo sa isang ekonomiyang kaalaman ay ang ratio ng mga mananaliksik sa bawat milyong tao. 

Wala pang 174 full-time na mananaliksik sa agham, teknolohiya, at pagbabago (STI) ang naroroon sa bawat milyong tao, ayon sa Philippine Development Plan. 

“In contrast… Singapore according to the latest World Bank figures has more than 7,000; South Korea has more than 8,000; Japan has more than 5,000; and Thailand has more than 1,000,” ani Garcia. 

Naniniwala si Rep. Garcia na ang pagbibigay sa mga tao ng mga tamang suporta at insentibo upang mag-udyok sa kanila na makamit sa pamamagitan ng mga scholarship ng estado, mga pagkakataon para sa propesyonal na paglago, at pisikal at digital na imprastraktura ay ang unang hakbang sa pagtiyak ng tagumpay ng knowledge economy sa Pilipinas. 

“I am thus proposing in this bill to increase the funding for science and technology scholarship fund under the Department of Science and Technology (DOST), for capital outlay in the Philippine Science High School System, higher education development program of the Commission on Higher Education (CHED), and for capacity-building, entrepreneurship innovation, and employment programs under the Department of Trade and Industry (DTI) and the Department of Labor and Employment (DOLE), and the National Broadband Plan under the Department of Information and Communications Technology (DICT)” dagag pa ng mambabatas. 

Tinutukoy ng HB 6286 ang knowledge economy bilang “an economic system in which production and services are based on knowledge-intensive activities that contribute to an accelerated pace of technical and scientific advance, as well as rapid obsolescence. 

The key component of a knowledge economy is a greater reliance on intellectual capabilities than on physical inputs or natural resources. It includes every endeavor concerning the productive generation and application of knowledge to areas such as scientific research, information and communications technology, engineering, innovative entrepreneurship, industrial activity, education and skills development, and the like.” 

Inaprubahan din ng Komite ang HB 1905 ni Ifugao Rep. Solomon Chungalao; HB 2357 ni Camarines Sur Rep. Miguel Luis Villafuerte; at HB 2370 ni North Cotabato Rep. Rudy Caoagdan. Ang mga hakbang na ito ay naglalayong gawing mga kolehiyo/unibersidad ng estado ang mga lokal na kolehiyo/kampus sa ilang bahagi ng bansa. Inaprubahan din ng komite ang HB 5989 ni Davao City Rep. Vincent Garcia; HB 6100 ni Makati City Rep. Romulo Pena Jr.; at HB 6322 ni Quezon City Rep. Patrick Michael Vargas, kung saan ang mga ito ay naglalayong magtatag ng Technical Education and Skills Development Authority (TESDA) training and assessment centers sa ilang lugar sa bansa. 

Inihain ni Albay Rep. Joey Sarte Salceda ang HB 1302, na naglalayong itatag ang Bicol Innovation, Research and Technology Hub (BIRTH) at inaprubahan din ang pagtatayo ng education-school facilities sa loob ng Bicol University-East Campus. 

Samantala, lumikha ang Komite ng technical working group (TWG) para pagsama-samahin at bumuo ng substitute bill para sa dalawang hakbang na naglalayong palakasin ang Legal Education Board sa pamamagitan ng pag-amyenda sa Republic Act 7662 o ang Legal Education Reform Act of 1993. Ito ay HB 4520 ni Cagayan de Oro City Rep. Rufus Rodriguez at HB 5400 ni Laguna Rep. Ma. Rene Ann Lourdes Matibag.

wantta join us? sure, manure...

PAGKAKAROON NG SPECIALTY HOSPITALS SA BUONG BANSA, ISINUSULONG SA KAMARA

Kapit-bisig na isinusulong nina Congressmen Paolo Duterte at Eric Yap na magkaroon ng special hospital sa iba’t ibang bahagi ng bansa upang tumugon sa pangangailangang medikal ng bawat mamamayang Pilipino.

Ito ay sa pamamagitan ng isinampang House Bill 6857 na layong makapagtayo ng regional branches ng mga specialty hospitals sa bansa tulad ng Philippine Heart Center, National Kidney and Transplant Institute, Lung Center of the Philippines, Philippine Children’s Medical Center at Philippine Cancer Center.

“This is to provide access to affordable and quality healthcare services to all Filipinos, through the provision of specialty hospitals in the different regions of the country,” pahayag ni Duterte.

Anya, mas makabubuting mayroon ding mga specialty hospital sa mga rehiyon sa bansa upang hindi na magpapagod at magsasayang ng oras ang mga taga-probinsiya para magpunta sa mga naturang specialty hospital na matatagpuan lamang sa Metro Manila.

Sa kanyang panig, sinabi ni Yap na ang Department of Health (DOH) ay nagsasagawa na ng development plan para sa specialty care bilang bahagi ng Philippine Health Facility Development Plan (PHFDP) 2020-2040 na kapapalooban ng paglikha ng 328 specialty centers sa lahat ng rehiyon sa bansa.

Ang panukalang batas oras na maisabatas ay magkakaroon ng kahit isang specialty hospital na itatayo sa Northern Luzon, Southern Luzon, Visayas, Northern Mindanao, at Southern Mindanao.

wantta join us? sure, manure...

PAGDEDEKLARA NG ARAW NG PAGKAKAIBIGAN NG PH-ISRAEL, APRUBADO NA

Inaprubahan ngayong Miyerkules ng Komite ng Foreign Affairs sa Kapulungan ng mga Kinatawan, na pinamumunuan ni Pangasinan Rep. Ma. Rachel Arenas ang House Bill (HB) 2216, na naglalayong gawing “Philippine-Israel Friendship Day” ang ika-9 ng Agosto bawat taon. 

Sinabi ng may akda ng panukala na si CIBAC Rep. Eduardo “Bro. Eddie” Villanueva na “it is just proper to formalize commemorating this extraordinary tie by designating a Philippines-Israel Friendship Day (considering) the deep, historical, and moral friendship between the two countries.” 

Pinunto niya ang parehong pagnanais ng dalawang bansa para sa higit na kooperasyon, at binanggit ang tulong ng Israel sa mga biktima ng Bagyong Yolanda at ang pagtanggap ng Pilipinas sa mga refugee na Hudyo noong panahon ng rehimeng Nazi, bilang ilan sa mga pagkakataong nagpakita ng suporta at pagkabukas-palad ang Israel at Pilipinas sa isa't isa. 

Sa ilalim ng panukalang batas, ang Department of Foreign Affairs, sa pakikipag-ugnayan sa National Historical Commission of the Philippines at iba pang kaugnay na ahensya, ay mangunguna sa pagsasagawa ng mga aktibidad bilang paggunita sa Philippine-Israel Friendship Day.  

Bukod dito, pinagtibay din ng Komite ang House Concurrent Resolution 7, na magbibigay ng pahintulot kay Delfin Lorenzana, Bases Conversion Development Authority Chairman at dating Kalihim ng Department of National Defense, at Gamaliel Asis Cordoba, Chairman ng Commission on Audit at dating Commissioner ng National Telecommunications Commission, upang tanggapin ang Order of the Rising Sun, Gold at Silver Star mula sa Pamahalaan ng Japan, bilang pagkilala sa kanilang mga kontribusyon sa relasyon ng Pilipinas-Hapon. 

Lumikha din ang Komite ng isang technical working group upang ayusin ang mga probisyon ng HB 6084, ang pagtatatag at pagpapanatili ng Office of Veterans Affairs sa Philippine Embassy sa United States of America. Ito ay pamumunuan ni Bukidnon Rep. Jose Manuel Alba.

wantta join us? sure, manure...

CERTIFIED EMERGENCY RESPONDERS, KIKAILANGAN SA BAWAT BFP

Kath

Sa pamamagitan ng viva voce voting ay pinagtibay ng Mababang Kapulungan sa ikalawang pagbasa ang  panukala na nilalayong gawing requirement ang pagiging certified medical first responders at emergency medical technicians ng mga tauhan ng Bureau of Fire Protection.

Batay sa House Bill 6512, lahat ng istasyon ng bumbero ay dapat mayroong nakatalagang BFP uniformed personnel na certified emergency medical technician kada shift at siyang mangunguna sa mga rerespondehang medical emergency.

Ang mga bagong Fire Officer (FO1) ay isasailalim ng Fire Basic Recruit Course, kasama ang advanced first aid at emergency first response.

Bibigyan ng limang taon para makakuha ng sertipikasyon ang mga tauhan ng BFP na nasa serbisyo na.

 

Exempted naman ang BFP personnel na nagseserbisyo ng higit 15 taon.

Pangungunahan ng BFP ang training program sa tulong ng Department of Health, Technical Education and Skills Development Authority at Local Disaster Risk Reduction and Management Office.

Binigyang diin ng sponsor ng panukala na si Laguna Rep. Dan Fernandez na ang sertipikasyon na ito ng BFP personnel ay mahalagang bahagi ng kanilang professional development.

Sa paraang ito ay makasisiguro aniya ang publiko na may sapat na kaalaman at kasanayan ang mga rumerespondeng bumbero para tumugon sa kanilang emergency.

Ang mga BFP emergency medical technician ay mga trained at certified pre-hospital emergency care provider na kayang magbigay ng pre-hospital care at gumamit iba't ibang complex emergency medical equipment.

##

wantta join us? sure, manure...

PAGTATATAG NG MGA SPECIALTY HOSPITALS SA BANSA, ISINUSULONG SA KAMARA

Joepel

Pagtatatag ng specialty hospitals sa mga rehiyon sa bansa, isinulong sa Kamara...

Itinutulak sa Kamara ang paglikha ng regional specialty centers sa lahat ng mga pagamutan sa bansa.

Layun ng hakbang na ito na mabigyan ang mga Pilipino ng abot kaga at de kalidad na serbisyong medikal.

Sakaling maisabatas ang House Bill 6857, sinabi nina Cong. Paulo "Pulong" Duterte at Cong. Eric Yap, na maari nang magkaroon ng branches sa bawat rehiyon ang mga itinuturing na specialty hospital na matatagpuan lamang sa NCR, gaya ng Philippine Heart Center, National Kidney and Transplant Institute, Lung Center of the Philippines, Philippine Children’s Medical Center at ang Philippine Cancer Center.

Paliwanag ni Duterte, tanging ang mga pagamutan lamang na ito ang may kakayahang gumamot sa ilang partikular na sakit, subalit wala aniyang access dito ang mga hikahos nating kababayan na nasa mga lalawigan.

Sinabi naman ni Yap, na ito ang dahilan kayat isinulong nila ang panukala nang sa gayuy, maisakatuparan ang binuong development plan ng Department of Health (DOH) na bahagi ng 2020-2040 Philippine Health Facility Development Plan na target na makapagpatayo ng 328 specialty centers sa ibat ibang rehiyon sa buong bansa.

Nakasaad din sa proposed measure na sa loob ng tatlong taon matapos itong maisabatas, dapat na makapagpatayo ng kahit na tig-isang specialty hospital sa mga area ng Northern Luzon, Southern Luzon, Visayas, Northern Mindanao, at Southern Mindanao.

wantta join us? sure, manure...

MOTO PROPRIO INQUIRY TUNGKOL SA SUPLAY NG SIBUYAS AT AGRI PTODUCTS, MAPAPAAGANG GANAPIN

Kath

Kinumpirma ni House Committee on Agriculture and Food Chairperson Mark Enverga na mapapaaga ang motu proprio inquiry tungkol sa isyu ng hoarding at manipulasyon sa suplay ng agricultural products. 

Sa naunang panayam sa kinatawan, sinabi nito na sa susunod na linggo, February 14 ang unang pagdinig ng komite hinggil sa usapin. 

Ngunit nagpasya sila na isagawa na ito ngayong araw dahil na rin sa pinabibigyang prayoridad ito ni House Speaker Martin Romualdez. 

Ala una trenta ng hapon itinakda ang pagdinig ng komite. 

"As a priority of the speaker and the committee we will start our inquiry today Wednesday at 1:30PM. After our 9:30AM initial hearing on livestock bills." saad ng mensahe ni Enverga. 

##

wantta join us? sure, manure...

20 PORSYENTONG DISKWENTO PARA SA MGA MAHIHIRAP NA JOB APPLICANTS, BABALANGKASIN NG TWG

Inaprubahan ngayong Martes ng Komite ng Poverty Alleviation sa Kapulungan ng mga Kinatawan, sa pamumuno ni Rep. Michael Romero, Ph.D. (Party-list, 1-PACMAN) ang paglikha ng technical working group (TWG) na babalangkas sa substitute bill para sa ilang panukala na naglalayong gawaran ang mga mahihirap na job applicants ng 20 porsyentong diskwento sa pagbabayad ng mga fees at charges sa ilang sertipiko at clearances ng pamahalaan. Ang TWG ay pamumunuan ni Committee Vice Chairperson Rep. Ana York Bondoc (4th District, Pampanga). 

Ang mga panukalang pag-iisahin ay ang mga House Bills 367, 2533, 3048,  3533, 3604, 4762, 4828, 5553 at 5792 na iniakda nina Reps. Marissa 'Del Mar' Magsino, Lani Mercado-Revilla, Paolo Duterte, Oscar Malapitan, Ralph Wendel Tulfo, Ernesto Dionisio Jr., Samuel Verzosa Jr., Deputy Speaker Raymond Democrito Mendoza, at Rep. Gus Tambunting, ayon sa pagkakasunod. 

Hinimok ni Romero ang lahat ng mga ahensya ng pamahalaan na isumite sa Komite ang halaga ng kanilang mga sinisingil para sa mga sertipiko at kita na dapat nilang kikitain sa pagpapatupad ng panukalang 20 porsyentong diskwento, kapag naisabatas ang panukala. 

Nagpahayag naman ng suporta ang mga kinatawan mula sa Department of Social Welfare and Development, Department of Justice, Department of Migrant Workers, at iba pa, para sa pagsasabatas ng panukala na tutulong sa pagbabawas ng kahirapan ng mga mahihirap na mamamayan na naghahanap ng trabaho, upang maging mga produktibong miyembro ng lipunan.

wantta join us? sure, manure...