PANIBAGONG PUBLIC CONSULTATION KAUGNAY SA CHA-CHA, ISINASAGAW SA PAMPANGA

Isa Umali / Feb. 17

Panibagong “public consultations” ang isasagawa ng Kamara kaugnay sa panukalang Charter Change o Cha-Cha.

Ngayong araw, mayroong konsultasyon na Kingsborough International Convention Cneter sa San Fernando, Pampanga, sa pangunguna ni House Deputy Speaker Aurelio Gonzales at dinaluhan ng iba pang mga kongresista.

Samantala, ayon kay CongW. Rida Robes, may isa pang public consultation sa City Convention Center, Barangay Sapang Palay Proper, sa San Jose del Monte City, sa Bulacan bukas (Feb. 18).

Umaasa ang mga mambabatas na maraming makikibahagi sa konsultasyon, upang marinig ang iba’t ibang posisyon sa isinusulong na pag-amyenda sa 1987 Constitution.

Nauna nang sinabi ni Pang. Ferdinand Marcos Jr. na para sa kanya ay hindi prayoridad ang Cha-Cha.

Nirerespeto naman ito ni House Committee on Constitutional Amendments chairperson Rufus Rodriguez, ngunit kanyang sinabi na tuloy-tuloy pa rin ang kanilang pagdinig at public consultations para sa mga House Bills at Resolutions ukol sa Cha-Cha.

wantta join us? sure, manure...

MILITARY-GRADE LASER INCIDENT NG TSINA, KINONDINA NG MAKABAYAN BLOC SA KAMARA

Milks/17feb23

Resolusyon na kumo-kondina sa “military-grade laser” incident ng China, inihain ng Makabayan bloc…

Mariing kinundina ng Makabayan bloc ang paggamit ng China ng “military grade laser” sa mga kagawad ng Philippine Coast Guard lulan ng BRP Malapascua sa Ayungin Shoal.

Inihain ni House Assistant Minority Leader Arlene Brosas ang resolusyon para kundinahin ang naturang hakbang sa harap ng isinampang diplomatic protest ng gobyerno.

Sa House Resolution 781, tinawag ni Brosas na “gaslighting” ang paliwanag ng China dahil iniiba ang tunay na nangyari.

Matatandaan, sa paliwanag ni WANG WENBIN, Spokesman ng Chinese Foreign Ministry, ang barko ng China Coast Guard ay gumamit ng hand-held laser speed detector at hand-held greenlight pointer para sukatin daw ang distansiya at bilis ng sasakyang pandagat ng Pilipinas at matiyak umano ang kaligtasan ng navigation.

Sabi ni Brosas, kahit ipinatawag ni Pangulong Bongbong Marcos si Chinese Ambassador to the Philippines HUANG XILIAN para magpaliwanag sa insidente, 

walang malinaw na kasunduan kung may aksiyon ba sa ginawa ng Chinese Coast Guard.

Umaapela rin si Brosas na dapat kumilos ang House Committee on Foreign Affairs at magrekuminda ng aksiyon sa ginawang aggression ng Chinese Coast Guard laban sa Philippine Coast Guard.

wantta join us? sure, manure...

PAGLALAGAY NG PRAYER ROOMS SA MGA GOVT BUILDING AT PRIVATE MALLS, ISINUSULONG SA KAMARA

Milks/17feb23

Paglalagay ng prayer rooms sa mga government buildings at private malls, inihain sa Kamara…

Inihain ni Congressman Mujiv Hataman ang bill para maglagay ng Muslim prayer rooms sa bawat gusali ng gobyerno, hospital, military camp at maging sa mga pribadong establishment gaya ng mall at factory.

Sa House Bill 7117 ni Hataman, sinabi nito na malaki ang populasyon ng mga Muslim sa bansa.

Ayon kay Hataman, limang beses kada araw nagdarasal ang mga Muslim at kadalasan anya, challenge ang paghahanap ng lugar para dito.

Sabi ni Hataman, ang itatayong prayer rooms ay depende sa pangangailangan depende sa magiging rekumindasyon ng National Commission on Muslim Filipinos.

Aminado si Hataman na mayroon nang designated prayer rooms sa ilang malls at establisimiento.

Pero sa halip na limitahan, sinabi ni Hataman mas gawing accessible ang lugar para sila makapagdasal.

Paliwanag ni Hataman, bahagi rin ito ng kalayaan sa pagpapahayag ng pananampalataya ng mga kapatid nating Muslim.

wantta join us? sure, manure...

MGA MAMBABATAS, PINAGHIHINAY-HINAY NG NKTI NA PALAWIGIN ANG MGA SESYON SA HEMODIALYSIS

kath

Pinaghihinay-hinay ng National Kidney and Transplant Institute o NKTI ang mga mambabatas sa pagsusulong na palawigin ng hanggang 156 sessions ang hemodialysis package ng Philhealth.

Ayon kay Dr. Romina Danguilan, Head ng Hemodialysis Unit ng NKTI, naiintindihan nila na nais lamang pagaanin ng mga kongresista ang gastusin ng hemodialysis patients.

Ngunit kung sasagutin na ng buo ng gobyerno ang complete cycle dialysis, ay posibleng mas piliin ito kaysa kidney transplant.

Paliwanag ni Danguilan, hindi kasi sakop ng Philhealth package ang aftercare medicines matapos ang renal transplant.

Maliban dito mas maliit din ang sinasagot na halaga ng Philhealth sa peritoneal dialysis kumpara sa hemodialysis.

“Our fear is, and this is seen in other countries din po. If you give 156 sessions, nobody will get a kidney transplant. Why will you get a kidney transplant when the medicines after the transplant are not covered by Philhealth. I’d rather stay on hemodialysis because the government will pay for full treatment for the whole year. No one will go on peritoneal dialysis anymore because what we are giving for peritoneal dialysis is less than what we are giving for hemodialysis. So in the end po ang magiging epekto po nun is the patient will say, ‘I’ll do na lang hemo [dialysis] because the government naman will pay for everything for life.” saad ni Dr. Danguilan.

Bunsod nito, umapela ang opisyal sa mga mambabatas na imbes na ituon sa hemodialysis ay ipantay ang benepisyong makukuha ng kidney transplant at peritoneal dialysis sa Philhealth.

Bahagi nito ang pagsagot ng Philhealth sa mga gamot na kakailanganin pagkatapos ng renal transplant.

“That’s why in our Comprehensive RRT Bill, sana we give some more priority for kidney transplant by covering the medicines after the transplant, the immunosuppression and for PD [peritoneal dialysis] medyo pagandahin pa ho natin…because these two will give the highest quality of life and the better survival.” dagdag ni Danguilan.

##

wantta join us? sure, manure...

PAKIKIALAM NG ICC NA IMBESTIGAHAN SI DATING PANGULONG DUTERTE, TINUTULAN SA KAMARA

anne

Hindi pabor si Agusan Representative Dale Corvera na makialam ang International Criminal Court (ICC) lalo na ang pag iimbestiga nito sa dating Pangulo ng bansa.

Sinabi ni Rep Corvera, isang insulto para sa bansa ang gagawing imbestigasyon ng ICC.

Si Corvera ay kabilang 18 mambabatas na nagkaisa para ipagtanggol si dating Pangulong Rodrigo Duterte sa posibleng imbestigasyon ng International Criminal Court (ICC) kaugnay ng umano’y crime of humanities, madugong giyera kontra droga.

Si dating Pangulo at Pampanga Rep. Gloria Macapagal Arroyo ang nanguna sa paghain ng House Resolution No 780 na pinamagatang A Resolution In Defense of Former President Rodrigo Roa Duterte, the 16th President of the Republic of the Philippines.

Ipinunto din ni Congressman Corvera na ang intensiyon ng ICC para magsagawa ng imbestigasyon sa anti-drug campaign ni Digong ay hindi katanggap-tanggap.

Dagdag pa ni Corvera na naniniwala sila na hindi dapat makialam ang ICC lalo at ang kanilang iimbestigahan ay dating Pangulo ng bansa.

Nakaantabay din ang mambabatas sa magiging susunod na hakbang ng Kamara hinggil sa inihaing resolusyon.

wantta join us? sure, manure...