Nakarating na kay House Speaker Martin Romualdez ang suhestyon ni Presidential Adviser for Poverty Alleviation Larry Gadon na isabay na rin ang political provisions sa pag-amiyenda sa 1987 Constitution.

Sa panayam sa Kamara, sinabi ni House Deputy Majority Leader Erwin Tulfo na pupulungin muna ni Romualdez ang House leadership at party leaders upang talakayin ang mga rekomendasyon ni Gadon.

Nananatili aniya sa ngayon ang inaprubahan ng Kamara na Resolution of Both Houses Number 7 kung saan tanging economic provisions ang gagalawin sa Saligang Batas.

Aminado rin si Tulfo na marami pang problemang kailangang ayusin sa halip na pagtuunan ng pansin ang political amendments tulad ng term extension.

Nagagalit umano ang taumbayan sa mga mambabatas kapag inuuna ang mga personal na interes kaya mas makabubuting tutukan na muna ang suliranin sa pagsugpo sa kahirapan at gutom.

Mababatid na sa liham ni Gadon kina Speaker Romualdez at Senate President Juan Miguel Zubiri ay nais nitong ipasabay na ang amiyenda sa political provisions partikular sa pagpapalawig ng termino ng mga lokal na opisyal kabilang ang mga gobernador at alkalde.

Ipinunto ni Gadon sa sulat na masyadong magastos ang halalan kada tatlong taon kaya mas mainam na ilaan na lamang ang pondo sa iba pang pangangailangan ng mamamayan.

wantta join us? sure, manure...

Target ng pamunuan ng Toll Regulatory Board na na ipatupad ang barrierless o Multi-Lane Fast Flow (MLFF) toll sa huling bahagi ng taon.

Ayon kay TRB Exectuive Director Alvin Carullo ang unang phase ng kanilang solusyon ay gawing contacless ang pagbabayad sa lahat ng toll sa Hunyo at susundan naman ito ng interoperability phase 3 kung saan iisa na lang ang kakailanganing RFID account at wallet na gagamitin sa lahat ng expressways.

Panghuli naman dito ang pagaalis sa mga barrier sa mga toll upang tuloy-tuloy na lang ang pasok ng mga sasakyan.

Ayon kay Metro Pacific Tollways Corporation (MPTC) president and chief executive officer Rogelio Singson, operator ng NLEX, NLEX Connector at SCTEX, inaasahang maipapatupad ang unang phase ng MLFF sa Nobyembre.

Uumpisahan ito sa mga entry points kung saan aalisin na ang lahat ng toll booth at matapos ang isang taon ay saka naman aalisin ang sa exits.

Mayroon lamang mga camera na siyang tutukoy sa RFID at plate number ng sasakyang mga dadaan.

Katunayan ganito na aniya ang ginagawa sa NLEX Connector.

Aminado si Singson na dating nagsilbing DPWH secretary na hindi na kaya ng NLEX ang volume ng mga sasakyang dumadaan.

Kaya isa rin sa kanilang plano ay ang pagpapatayo ng elevated expressway mula Balintawak hanggang Bocaue.

Paliwanag ni Singson ang nangyaring traffic jam noong Miyerkules Santo ay dahil sa pumalo ng hanggang 87,000 ang volume ng mga sasakyang dumaan sa NLEX kahit pa nasa 30,000 hanggang 40,000 lang ang kanilang kapasidad.

Maliban dito mayroon ding mga sasakyan na kung hindi kulang o walang load ang RFID at hindi na gumagana ang RFID sticker,

Sa kanilang pagtaya, nag resulta ito ng dalawa hanggang apat na oras na delay sa pagdaloy ng mga sasakyan.

Kaya umapela rin si Singson sa mga motorista na may depektibo nang RFID na papalitan na ito.

##

wantta join us? sure, manure...

Walang plano si Senador Raffy Tulfo na tumakbong pangulo sa halalan sa taong 2028.

Ito ang kinumpirma ni House Deputy Majority Leader at ACT-CIS Party-list Representative Erwin Tulfo matapos lumabas ang survey ng Pulse Asia kung saan "statistically tied" sa pagka-pangulo sina Senador Tulfo at Vice President Sara Duterte.

Sa panayam sa Kamara, sinabi ni Congressman Tulfo na nagkausap sila ng kanyang kapatid at iginiit na malaking sakit sa ulo lamang umano ang pagtakbo bilang presidente sa 2028.

Maging siya ay tila tututok na lamang umano sa Kamara de Representantes dahil pareho lang ang trabaho nito at ng Senado at masaya siya sa kasalukuyang posisyon.

Tungkol naman sa paglutang ng pangalan ng isa pang kapatid na si Ben Tulfo, ikinagulat aniya nito na isinama siya sa survey ngunit ang tingin ng kongresista ay eksperimento ito ng Pulse Asia tulad ng nangyari kina Senador JV Ejercito at Jinggoy Estrada.

Gayunman, nagpasalamat pa rin si Tulfo sa mga bumoto sa kanyang pangalan sa nabanggit na survey at nilinaw na ang dapat pagtuunan ng pansin sa ngayon ay ang mabibigat na problema ng bansa gaya ng inflation.

wantta join us? sure, manure...

Nakapulong na ng Kamara ng pinuno ng North at South Luzon Expressway pati ang Toll Regulatory Board upang mabigyang linaw ang nangyaring traffic fiasco noong Holy Wednesday sa NLEX.

Ayon kay House Deputy Majority Leader Erwin Tulfo, inamin ng NLEX na hindi kinaya ng kanilang toll booth ang bugso ng mga motoristang dumaan.

Bumuhos kasi ang mga sasakyang dumaan noong araw na iyong sa NLEX ng hanggang 87,000 gayong nasa 30,000 hanggang 40,000 lang ang kanilang kapasidad.

Maliban dito, mayroon tig-limang libong sasakyan na kulang o walang load ang RFID o kaya naman ay palyado na ang RFID sticker na nakadagdag sa bigat ng daloy ng trapiko.

Kaya naman magandang oportunidad ang ipinatawag na pulong dahil mayroon naman na palang mga ikinakasang plano at solusyon ang NLEX, SLEX at TRB para dito.

Kabilang sa mga solusyon ang barrierless toll o yung Multi-Lane Fast Flow (MLFF) at pagkakaroon ng elevated road sa Balinatawak hanggang Bocaue.

Kasama rin sa solusyon ang pagbibigay kapangyarihan sa NLEX at SLEX an mag-issue ng ticket violation sa mga motorista na dadaan ng expressway na walang load ang RFID.

Pangako naman ni Tulfo na ilalapit din ng Kamara ang naturang mga solusyon sa DPWH at sa Department of Transportation upang agad maaksyunan at maipatupad.

##

wantta join us? sure, manure...

Buo ang suporta ni Bicol Saro Partylist Representative Brian Raymund Yamsuan sa plano ni bagong Philippine National Police (PNP) chief General Rommel Francisco Marbil na gamitin ang tekonolohiya at social media para mapahusay ang pagtupad ng pulisya sa tungkulin nito.

tiwala si Yamsuan na makakatulong ang social media para mapag-ibayo ang pakikipag-ugnayan ng Pambansang Kapulisan sa publiko.

Para kay Yamsuan, isa itong malaking hakbang para maibalik ang tiwala at kumpyansa ng mamamayan sa PNP.

naniniwala naman si Yamsuan na ang pamumuhunan sa teknolohiya ay makakatulong para mapalakas ang kakayahan ng PNP na mabigyan ng proteksyon ang taumbayan at matugunan ang mga hamon sa pagpapatupad ng batas sa bansa.

ayon kay Yamsan, ang paggamit ng digital tools at modern crime investigation techniques ay daan din para mapa-igting ang transparency ng mga police operations at upang makamit din ng PNP ang suporta ng publiko sa pagsawata ng mga krimen.

pinayuhan naman ni Yamsuan si General Marbil na isailalim ang mga tauhan at opisyal ng PNP sa regular na training at patuloy na edukasyon upang maging mulat sila sa mga bagong batas patungkol sa pagsasagawa ng criminal investigations at maiwasan ang mga ilegal na pag-aresto.

#######

wantta join us? sure, manure...