NALALABING LEDAC PRIORITY MEASURES, TINIYAK NA MAIPAPASA SA PAGBALIK-SESYON NG KONGRESO SA ENERO

Pinahayag ni House Speaker Martin Romualdez na aaksiyunan ng Kamara ang mga nalalabing priority measures na isinusulong sa LEDAC o Legislative-Executive Development Advisory Council.

Sinabi ni Speaker Romualdez na may nalalabing labing-dalawang Common Legislative Agenda na kailangang aksiyunan ng Kongreso.

Ilan sa mga ito ay ang amyenda sa EPIRA law, E-Governance Act, paglikha ng Department of Water Resources at iba pa.

Muling iginiit ni Romualdez na committed ang Kamara na suportahan ang legislative agenda ng Marcos administration.

Sa katunayan anya, napagtibay na ng Kamara ang 19 na legislative measures at ang iba ay nasa “advance stages of consideration.”

Nauna rito, bago mag-Christmas break ang sesyon ng Kongreso, napagtibay ng Kamara ang 2023 General Appropriations Bill at ang Maharlika Investment Fund.

wantta join us? sure, manure...

POSITIBONG RESULTA NG SURVEY HINGGIL SA MAHARLIKA INVESTMENT FUND, MALUGOD NA TINANGGAP NG HOUSE SPEAKER

Sinabi ni House Speaker Martin Romualdez na nasa tamang direksiyon ang Kamara sa pagsusulong ng isang sovereign wealth fund na layunin na mabigyan ng benepisyo ang mga darating na henerasyon.

Ito ang naging reaksiyon ni Speaker Romualdez sa resulta ng data research firm na TANGERE na isinagawa noong December 8 to 10 ilang araw bago napagtibay ng Kamara ang HH06608.

Ang survey ay nilahukan ng 2,400 respondents.

12-percent mula sa Metro Manila… 23-percent mula sa North at Central Luzon… 22-percent mula sa South Luzon… 20-percent mula sa Visayas at 23-percent. Ila sa Mindanao.

Ayon kay Martin Penaflor, Chief Executive Officer at founder ng data research firm na TANGERE, 2,010 o katumbas ng 83.75-percent ng 2,400 respondents ay “aware” sa MIF bill.

Muli namang tiniyak ni Romualdez na may sapat na safeguards at pinagtibay ang mga amyenda sa MIF bill para maseguro na mabibigyan ng proteksiyon ang 

pondo ng bayan.

Samantala, ang Philippine Stock Exchange ang pinakahuling business group na naghayag ng suporta sa MIF.

Sabi ni PSE President and CEO Ramon Monzon, ang proposed sovereign fund ay makatutulong para ma-mobilize ang capital for development.

wantta join us? sure, manure...

PAGPIGIL SA PAGTAAS NG INSURANCE PREMIUM RATES SA MGA LUGAR NA NASALANTA NG KALAMIDAD, ISINUSULONG SA KAMARA

Muling umapela si Congressman Wilbert Lee ng AGRI Partylist sa Insurance Commission na suspindihin ang implementasyon ng pagtataas ng insurance premium rates sa mga lugar na nasalanta ng mga nagdaang kalamidad.

Sinabi ni Lee na kapag naipatupad ang increase, tataas ng halos 400-percent ang insurance premium simula January 1, 2023 at apektado dito ang mga micro small ang medium enterprises.

Daing ni Lee, walang isinagawang kunsultasyon bago sana inaprubahan ang premium rates at tiyak ang domino effect nito sa presyo ng mga bilihin.

Sa HR00632, pinai-imbestigahan ni Lee sa Kamara ang biglaan at hindi makatuwirang pagtaas ng insurance premium rate ng mga insurance companies.

Giit ni Lee, pwedeng makaapekto ito sa mga negosyo sa bansa at magdulot ng pagtaas ng presyong mga bilihin lalo na ng agricultural products.

Wrong timing anya ang pinagtibay na circular lalo na’t hindi napapanahon ang pagtaas ng singil dahil unti-unti pa lang nakababangon ang ekonomiya dahil sa pandemya.

Sabi pa ni Lee, sumulat na siya kay Insurance Commissioner Dennis Funa tungkol sa naturang apela pero hanggang ngayon ay wala pang tugon ang naturang opisyal.

wantta join us? sure, manure...

YEAR-END BONUS PARA SA INDIGENT SENIOR CITIZENS, ISINUSULONG SA KAMARA

Isinumite sa Kamara ang panukala na bigyan ng additional year end bonus ang mga indigent o mahihirap na senior citizens.

Nakapaloob ito sa HB06693 o “Paskong Maligaya para kay Lola at Lolo” ni Congressman Patrick Michael Vargas, Vice Chairman ng House Committee on Social Services.

Sa panukala, pagkakalooban ng dagdag na year end bonus ang mga mahihirap na senior citizens na qualified sa Expanded Senio Citizens Act.

Sinabi ng mambabatas na sa ilalim ng bill, ang mga indigent senior citizens ay makatatanggap ng dagdag na one thousand pesos bukod sa buwanan nilang allowance na one thousand pesos sa ilalim ng Social Pension for Indigent Seniors Program na ibinibigay bago mag-December 25.

Ayon sa kanya, malaking tulong ito dahil maraming mahihirap na senior citizens ang naghahanap-buhay pa rin para sa kanilang pamilya.

Dagdag pa nito, dapat maisabatas ang panukala para mabigyan ng mas maayos na social safety nets and protection ang mga indigent senior citizens at kanilang pamilya.

wantta join us? sure, manure...

BOTONG NO NI HATAMAN SA MIF BILL, IPINALIWANAG

Si Basilan Representative Mujiv Hataman ay isa sa anim na bomoto ng “NO” sa pagpasa ng House Bill 6608 o Maharlika Investment Fund Bill (MIF Bill). 

Sinabi ni Hataman na minadali ang pagpasa ng MIF Bill na sana ay pinadaan sa butas ng karayom at pinag-aralan o tinalakay munang mabuti.

Ayon pa kay Hataman, ang panukala ay kinontra mismo ng mga opisyal ng administrasyon at mga ekonomista.

Halimbawa aniya si Bangko Sentral ng Pilipinas Gov. Felipe Medalla, na nagsabing baka matulad ang MIF sa sovereign wealth fund ng Malaysia na nasangkot sa isa sa pinakamalaking iskandalo ng katiwalian sa buong mundo. 

Binanggit din ni Hataman ang pangamba ni Socio-Economic Planning Secretary Arsenio Balisacan sa pag-invest ng pondo ng Land Bank of the Philippines o LBP at Development Bank of the philipippines o DBP sa MIF dahil hindi magandang idea na ma-overexpose ang pondo ng dalawang bangko.

Giit pa ni Hataman, hindi pa nasasagot ng maayos ang napakaraming tanong ukol sa MIF na hindi rin suportado ng feasibility study.

Kabilang dito ang tanong kung kailangan nga ba talaga natin ng isang MIF gayong kumikita naman ang mga indibidwal na ahensiyang bubuo sa pondo nito.

Nais ding malaman ni Hataman, kung ano ang magagawa ng MIF na hindi kayang gawin individually ng Bangko Sentral ng Pilipinas o BSP at mga government financial institutions na mag-aambag sa pondo nito.

wantta join us? sure, manure...