PAGTATATAG NG NEGROS ISLAND REGION, SUPORTADO NG ISANG METRO MANILA SOLON

Suportado ni Rep. Rex Gachalian ng Valenzuela City, Metro Manila, ang panukalang magtatatag ng Negros Island Region (NIR) na may layuning magpapabilis sa economic and social growth and development ng Negros Occidental at Negros Oriental bilang single administrative region.

Sinabi ni Cong. Gatchalian na sang-ayon sya na maipasa ang panukalang lilikha sa NIR matapos itong dumaan sa napakaraming consultative meetings, pagsusuri at diskusyon.

Ginawa ng solon ang pahayag, makaraang aprubahan ng house panel ang substitute bill nito.

Sa ilalim ng proposed measure, bubuoin ang NIR ng mga lunsod, munisipalidad, at mga barangay sa Negros Oriental, Negros Occidental at sa island province ng Siquijor.

Giit ng mga kongresista mula Negros, napakahalaga ng panukala para mapag-isa ang dalawang lalawigan na magbibigay daan upang maramdaman ng mga Negrense ang mabilis at tuloy-tuloy na paglago ng kanilang ekonomiya.

Tinawag naman ng solon na logical at practical ang pagkakasama ng Siquijor Province sa proposed NIR dahil malapit sa Negros Island at halos magkahalintulad lamang sila ng kultura.

wantta join us? sure, manure...

PAGKAKALOOB NG KARAGDAGANG SOCIAL SAFETY BENEFITS SA MGA MAMAHAYAG, ITINUTULAK SA KAMARA

Isinusulong ngayon sa Kamara ang pagbibigay ng karagdagang social safety nets sa lahat ng mga

journalist o mamamahayag.

Sinabi ni ni House Deputy Speaker at Las Pinas Rep. Camille Villar na sa kanyang panukala, ang HB06543, nararapat lamang na mapagkalooban ng disability, health at hospitalization benefits ang bawat media practitioner upang mapangalagaan ang  kanilang kapakanan.

Ayon kay Villar, marami sa mga media practioner ang tumatanggap ng mga delikadong assignment bitbit ang kanilang passion sa napiling propesyon.

Nakasaad din dito na dapat ring mabigyan ng insurance benefits ang mga freelance journalist sa pamamagitan ng Social Security System at Government Service Insurance System o GSIS.

Dagdag ni Villar, dapat lamang na mabigyan ang lahat ng frontliner journalists o iyung mga nasa field assignments ng disability benefits na aabot sa P300,000 at P300,000 din para sa death benefit habang nasa 200k pesos naman ang medical reimbursement cost sakaling maospital dahil sa kanilang trabaho.

wantta join us? sure, manure...

PAUNANG PAGTALAKAY SA SUBSTITUTE BILL NA MAG-AAMYENDA SA BATAS NG 4Ps, ISINAGAWA NG KOMITE

Nagsagawa ng pagtalakay kahapon (ngayong Miyerkules) ang Committe on Poverty Alleviation sa Kamara na pinamumunuan ni 1-PACMAN Rep. Michael Romero hinggil sa draft substitute bill na naglalayong amyendahan ang Republic Act 11310 o ang "Pantawid Pamilyang Pilipino Program (4Ps) Act." 

Pagsasama-samahin ng draft substitute bill ang House Bills 2422 at 4366, na iniakda nina Agri Rep. Wilbert Lee at Parañaque City Rep. Gus Tambunting. 

Ang pagpupulong ay pinanutbayanan ni Committee Secretary Ma. Lourdes Mendoza, kung saan tinalakay ng Komite ang pagsasama ng pagtataguyod ng mga programa sa pagnenegosyo at pangkabuhayan upang masuportahan ang pagpapaunlad ng mga benepisyaryo ng 4Ps. 

Sa halip na mga subsidya sa kuryente lamang, isasama sa draft substitute bill ang mga karagdagang programa sa pagsasanay tulad ng pagnenegosyo, pangkabuhayan, at Alternative Learning System (ALS). 

Sumang-ayon ang Komite na ang mga kasanayan sa pagsasanay na ito ay dapat na maging isang kinakailangang programa at maaaring ialok sa ikalawang taon ng kanilang pagpapatala sa programa. Gayundin, kasama sa mga paunang talakayan ang pagkakataon ng mga benepisyaryo ng 4Ps na pumili ng kabuhayan na tumutugma sa kanilang mga interes at kakayahan.

wantta join us? sure, manure...

REKOMENDASYONG PAGSASAILALIM SA COVID-19 TESTING NG MGA PASAHERO GALING SA CHINA, WALANG BASEHAN

Nanawagan si House Deputy Majority Leader & Iloilo First District Representative Janette Garin sa Pamahalaan na huwag magpadalus dalos sa pagpapasya kaugnay sa napaulat na pagtaas ng kaso ng COVID 19 sa China.

Pahayag ito ni Garin kasunod ng rekomendasyon ng Department of Transportation na isailalim sa COVID 19 testing ang mga byahero galing sa China.

Sa tingin ni Garin, walang scientific basis ang naturang rekomendasyon. 

Payo ni Garin, konsultahin muna ang World Health Organization at Chinese Embassy kaugnay sa tunay na sitwasyon sa China bago magpatupad ng bagong patakaran.

Ayon kay Garin, huwag sana tayong umabot sa punto na masyado na nating iniisip ang sitwasyon sa China pero nakakalimutan na sa Pilipinas marami pa rin tayong kaso. 

Binigyang-diin ni Garin ang pananatili ng COVID kaya ang mas dapat na pagtuunan ng gobyerno ay kung paano natin mapapataas ang bilang ng mga Pilipinong nagpabakuna laban para mapanatili o mapag-ibayo pa ang resulta ng ating paglaban sa pandemya.

wantta join us? sure, manure...

POSIBLENG KARTEL NG MGA SIBUYAS, PINA-IIMBESTIGAHAN SA KAMARA

Pinaiimbestigahan ni House Committee on Appropriations Senior Vice Chairperson at Marikina City Rep. Stella Quimbo sa Mababang Kapulungan ng Kongreso ang posibleng “kartel” ng mga sibuyas sa ating bansa.

Kanyang inihain ang House Resolution 681, kung saan inaatasan ang House Committees on Economic Affairs at ang Trade and Industry na magdaos ng pagsisiyasat “in aid of legislation” ukol sa umano’y “anti-competitiveness practices” at isyu ng kartel sa onion industry.

Ipinunto ni Quimbo, na isa ring ekonomista, marapat na silipin ng Kamara ang mga alegasyon ng kartel ng sibuyas, lalo’t isa ito sa mga maaaring sanhi kung bakit mataas na presyo ng mga ito.

Batay aniya sa Department of Agriculture o DA --- ang presyo ng pulang sibuyas ay nasa P280 hanggang P600 kada kilo; habang ang puting sibuyas ay nasa P400 hanggang P600 kada kilo, sa iba’t ibang mga pamilihin sa Kalakhang Maynila.

Paalala ni Quimbo, ang posibilidad ng “hoarding” ng mga sibuyas, at onion cartel ay pinalutang na ng publiko at policymakers noon pang August 2022.

Kasabay nito, hinihimok ni Quimbo ang Philippine Competition Commission o PCC na paigtingin ang mga aksyon upang matigil na at papanagutin ang dawit o nagsasabwatan sa hoarding, smuggling, at cartels sa bansa.

Giit ng kongresista, ito ay isang “proactive at long-term solution” upang maibsan ang patuloy na pagtaas ng presyo ng mga pangunahing bilihin na lubos na nakakaapekto sa mga Pilipino.

wantta join us? sure, manure...

KUNG ANG KASELASYON O DELAY SA FLIGHT AY BUNSOD NG FORCE MAJEURE, TANGING REFUND LAMANG ANG MAIPAGAKALOOB SA APEKTADONG PASAHERO

Aminado si Civil Aeronautics Board Executive Dir. Carmelo Arcilla, na tali ang kanilang kamay sa pagbibigay ng compensation o danyos sa mga naapektuhang pasahero ng aberya sa air traffic system. 

Paliwanag nito, salig sa Air Passenger Bikll of Rights, kung ang kanselasyon o delay sa flight ay bunsod ng force majeure, tanging refund lang ang maaaring ibigay sa mga apektadong pasahero.

Kasama na rin aniya dito ang pagbibigay ng pagkain at pagsagot sa hotel accommodation kung kinakailangan.

Bunsod nito hindi aniya nila mapipilit ang mga airline company na bayaran ang mga pasahero.

Para kay Arcilla, mabuti na hintayin muna ang resulta ng imbestigasyon upang malaman naman akung ano ang maaaring pananagutan ng gobyerno sa insidente.

Batay sa kanilang pagtaya nasa higit P100 million ang nawalang kita ng airlines bunsod ngnaturang aberya.

wantta join us? sure, manure...

MGA MAMBABATAS NAGDAOS NG PAGDINIG HINGGIL SA NANGYARING PAGKAWALA NG KURYENTE AT TEKNIKAL NA PROBLEMA SA NAIA NOONG IKA-1 NG ENERO

Nagdaos ngayong Martes ng pagdinig ang Komite ng Transportasyon sa Kapulungan ng mga Kinatawan, na pinamumunuan ni Antipolo City Rep. Romeo Acop, hinggil sa pagkawala ng kuryente at teknikal na problema na nakaapekto sa mga dumarating at umaalis na eroplano sa bansa noong ika-1 ng Enero 2023 sa Ninoy Aquino International Airport (NAIA). 

Sa kanyang pambungad na pahayag, sinabi ni Acop na ang unang pagdinig ay isinagawa upang malaman ang tunay na dahilan ng pagkabigo ng sistema, na nakaapekto sa mga eroplano at mga pasahero. 

Binanggit niya na ilang resolusyon sa Kapulungan ang inihain na nananawagan ng imbestigasyon sa nangyaring insidente. 

"This incident affected around 78,000 passengers and a combined 637 domestic and international flights. Not to mention the repercussions it had and continues to have on our country from a tourism destination option, an economic investment option and a compromised national security," ayon kay Acop. 

Sa naturang pagdinig, humingi ng taos-pusong paumanhin si Department of Transportation (DOTr) Secretary Jaime Bautista sa lahat ng naapektuhan at naabala ng teknikal na problema. 

Binigyang-diin ni Bautista ang lubos na pangangailangan na maayendahan ang umiiral na mga batas sa procurement, gayundin ang teknikal at pinansyal na ayuda, upang mapabilis ang pagbili ng mga teknikal na kagamitan para sa NAIA, Civil Aviation Authority of the Philippines (CAAP) at iba pang mga paliparan sa mga rehiyon. Nagbigay ng briefing sina CAAP Director General Captain Manuel Tamayo at CAAP Air Traffic Service Officer-in-Charge Chief Engr. Arnold Balucating sa lupon, sa mga naganap sa problemang dulot ng kanilang Communications, Navigation, Surveillance / Air Traffic Management (CNS/ATM). 

Sinabi rin ni Tamayo na sa payo ng kanilang suplayer, ay bumili sila ng emergency UPS dahil luma na ang kanilang umiiral na UPS. 

Subalit kinuwestyon ni 1-RIDER Party-list Rep. Ramon Rodrigo Gutierrrez ang mga opisyal ng CAAP sa madaliang pagbili nila ng UPS, at sinabing dapat na masusing pag-aralan ang ganitong uri ng pagbili. 

Iminungkahi ni Gutierrez ang wastong paggamit ng pondo, upang maayos na mabayaran ang mga air traffic controllers at mga maintenance personnel, imbes na mamuhunan sa mga paulit-ulit na sistema. 

Samantala, nanawagan din si Zamboanga Sibugay Rep. Wilter Palma sa CAAP na tugunan ang kapakanan ng mga nai-stranded na mga Overseas Filipino Workers (OFWs) kapag nagkakaroon ng mga pagkaantala o pagkansela ng kanilang eroplano. 

Muling magpupulong ang lupon upang mas higit pang matalakay ang usapin.

wantta join us? sure, manure...

AYUDA PARA SA MGA BIKTIMA NG MATINDING PAGBAHA SA DAVAO DEL NORTE, PINAGKA-LOOB NG ILANG MGA MAMBABATAS

Namahagi ng ayuda kahapon sina house Speaker Martin Romualdez at Tingog Party-list Representatives Yedda Marie Romualdez at Jude Acidre sa naging biktima ng matinding pagbaha sa Davao del Norte.

Naglunsad ang tanggapan ng House Speaker ng joint relief operations sa ibat-ibang munisipalidad sa lalawigan at nagbigay ng humigit kumulang P1M cash aid kasama na ang 1,600 food packs na aabot sa halagang P500,000.

Naglalaman ang bawat food packs ng tatlong kilong bigas, tatlong pakete ng instant noodles, tatlong pirasong canned goods, at anim na sachet ng 3-in-1 coffee.

Ilang team din sa Kamara ang nagpaabot ng tulong sa mga apektadong barangay sa Tagum City at sa mga munisipalidad ng New Corella, Asuncion, Kapalong, Carmen, at Braulio Dujali.

Ayon sa tanggapan ni Speaker Romualdez, nagdagdag din ng tatlong libong family food packs ang Dept of Social Welfare and Development o DSWD.

Siniguro naman ng House Leader na agad na magpapaabot ng tulong ang kanyang tanggapan at ang Tingog Partylist sa mga lugar na apektado ng kalamidad.

wantta join us? sure, manure...