Hinimok ni House Speaker Martin Romualdez ang mga Pilipino na magkaisa sa pagtatanggol sa bansa laban sa mga nagtatangkang manghimasok sa bansa.

Sa kanyang mensahe ngayong Araw ng Kagitingan, sinabi ni Romualdez na ito ang tamang pagkakataon upang pagnilayan ang naging katapangan ng mga ninuno na ipinaglaban ang kalayaan mula sa pinakamadilim na yugto ng kasaysayan.

Binigyang-diin nito na ang pagprotekta sa soberanya at teritoryo ay hindi lamang isang "historical obligation" kundi nagpapatuloy na responsibilidad na nangangailangan ng pagmamatyag at di matatawarang commitment.

Punto ng House leader, sa panahon na humaharap ang mundo sa geopolitical complexities at territorial disputes ay marapat na manindigan sa pagprotekta sa borders at igiit ang lehitimong pag-aari alinsunod sa international law.

Ang ipinamalas na sakripisyo ng mga sinaunang bayani na nakaranas ng mabibigat na hamon ay patunay aniya ng lakas ng Pilipino.

Dagdag pa ni Romualdez, dapat pagtibayin ang ating soberanya sa kalupaan, karagatan at maging sa himpapawid at huwag hayaang manaig ang pang-aapi ng sinuman.

Samantala, bukod sa territorial integrity ay naniniwala rin si Romualdez na napapanahong kilalanin ang paglaban sa di pagkakapantay-pantay, gutom at kahirapan.

wantta join us? sure, manure...

Tiniyak ng liderato ng Kamara sa pakikipagtulungan ng House Committee on Agriculture at iba pang mga ahensya ng pamahalaan na patuloy na susubaybayan ang kalagayan ng mga magsasaka, partikular na ang mga nagtatanim ng sibuyas.

Ito ayon kay ACT CIS partylist Representative Erwin Tulfo ay kaugnay na rin sa mga ulat nang patuloy na pagsasamantala ng ilang negosyate sa mga local producer ng sibuyas na binibili lamang sa murang halaga.

Ayon pa sa mambabatas, kinakailangan ang masigasig na pagabantay upang hindi mapagsamantalahan ang mga nagtatanim at maibenta sa tamang presyo ang kanilang mga ani.

Una na ring nagsagawa ng pagbisita sina Tulfo kasama si Speaker Martin Romualdez sa mga palengke at mga bodega sa Metro Manila at karatig lalawigan dahil sa pag-iimbak ng mga agricultural products tulad ng sibuyas na dahilan upang tumaas ang presyo sa mga pamilihan.

Enero ng nakalipas na taon nang umabot sa 600 piso ang presyo ng kada kilo ng sibuyas sa mga palengke.

wantta join us? sure, manure...

Tututukan ng liderato ng Kamara ang sitwasyon ng mga lokal na magsasaka lalo na ang mga producer ng sibuyas sa bansa.

Ayon kay House Deputy Majority Leader Erwin Tulfo, nakikipag-ugnayan sila sa House Committee on Agriculture and Food at iba pang ahensya ng pamahalaan upang mapag-aralan ang kalagayan ng onion farmers na pinagsasamantalahan umano ng traders.

Hinahakot kasi aniya ang kanilang mga pananim sa di makatarungang halaga.

Punto ni Tulfo, tila kakailanganin ng aktibong paghabol at pagpapanagot sa mga trader na inaabuso ang mga magsasaka na nakakaapekto naman sa presyuhan ng sibuyas sa palengke.

Ang diskarte umano ng mga mapagsamantala ay pinahuhupa lamang ang isyu at kapag tahimik na ay saka muling mamamakyaw ng mga sibuyas sa presyong bagsak at maaaring itinatago at ibinebenta sa mas mataas na halaga sa merkado.

Iginiit pa ng kongresista na bukod sa mga lokal na magsasaka ay kawawa rin ang mga mamimili dahil sa taas ng presyo ng bilihin gaya ng sibuyas.

Dahil dito, isa sa mga pinag-aaralan ng grupo ni Tulfo ay ang pag-aangkat ng sibuyas kung kinakailangan upang maibaba ang presyo nito.

wantta join us? sure, manure...

Iginiit ni House Committee on Labor and Employment Chairman at Rizal 4th District Rep. Fidel Nograles sa mga employers na sundin ng mahigpit ang inilabas na advisory ng Department of Labor and Employment o DOLE na protektahan ang mga manggagawa laban sa heat stress na dulot ng matinding El Niño phenomenon. 

ayon kay Nograles, mahalagang sundin ng mga kompanya ang mga hakbang na inilatag ng DOLE para sa kapakanan ng mga emplyado ngayong matindi ang init na nararanasans sa bansa.

Kabilang sa tinukoy ni Nograles ang pagbabawas sa pagkabilad sa araw ng mga manggagawa, pagkakaroon ng sapat na ventilation at heat insulation sa mga workplaces, adjustments sa pahinga at lugar ng trabaho, pagkakaroon ng sapat na personal protective equipment laban sa init at access sa hydration tulad ng inuming tubig.

sang-ayon din si Nograles sa rekomendasyon ng DOLE na magsagawa ang mga kompanya ng information campaigns para matulungan ang mga empleyado na agad matugunan ang mararanasan nilang sintomas ng heat stress. 

Binigyang diin ni Nograles, na “prevention is better than cure” kaya mas praktikal na tutukan ang occupational safety kaysa tumugon sa epekto ng kapabayaan, na maaaring magdulot ng productivity loss, aksidente, at posibleng kaso dahil sa paglabag sa batas.

#######

wantta join us? sure, manure...