rpp Pagbati sa nanalong Taiwan president karapatan ni PBBM

Ipinagtanggol ng isang mataas na lider ng Kamara de Representantes si Pangulong Ferdinand "Bongbong" Marcos Jr. laban sa ginawang pagbatikos ng China matapos nitong batiin ang bagong halal na Pangulo ng Taiwan na si Lai Ching-te sa pagkapanalo nito.

Ayon kay Senior Deputy Speaker at Pampanga 3rd District Rep. Aurelio “Dong” Gonzales Jr. ang ipinakitang mabuting kalooban ni Pangulong Marcos sa pinuno ng Taiwan ay naaayon sa diplomatikong mga prinsipyo at pangako ng ating bansa na patatagin ang positibong relasyong panlabas.

"President Marcos, as the elected leader of our sovereign nation, holds the prerogative to extend congratulations and foster amicable relations with global leaders," sabi niya.

Dagdag pa nito, ang pagbati ng Pangulo sa pinuno ng Taiwan ay hindi paglihis sa patakarang panlabas ng Pilipinas.

Sagot naman ni Gonzales sa pagkabahala ng Chinese Foreign Ministry: "The Philippines values its diplomatic relationship with China and remains committed to mutual respect and understanding. However, it's imperative to clarify that fostering friendly ties with neighboring countries and acknowledging their leadership does not equate to 'playing with fire’, as the foreign ministry put it.”

Tinukoy din nito ang malalim na people-to-people relations sa pagitan ng Pilipinas at Taiwan, dahil sa malaking ambag ng malaking bilang ng mga Pilipino sa lipunan at ekonomiya ng Taiwan.

"Our connections go beyond diplomatic formalities. They are rooted in the shared aspirations and hard work of our people," punto pa ni Gonzales.

Sa mungkahi naman ng foreign ministry kay Pangulong Marcos na lawakan pa ang pag-unawa sa isyu sa Taiwan, sabi ni Gonzales: “While we appreciate constructive dialogue, it's crucial to approach international discourse with respect. Suggestions that undermine the competence of our nation's leader are neither productive nor reflective of the mutual respect that should anchor our bilateral relations.”

Muling binigyang-diin ni Gonzales ang pagtalima ng Pilipinas sa international diplomatic norms at ang pagpapanatili ng maayos na relasyon sa lahat ng bansa kasama ang China at Taiwan.

"The strength of our nation lies in our ability to engage with the world with dignity, respect, and a clear understanding of our national interests," diin pa ng lider ng Kamara. (END) wantta join us? sure, manure...

milks PBBM karapatan na batiin ang bagong halal na Pangulo ng Taiwan…

Karapatan ni Pangulong Bongbong Marcos na batiin ang bagong Pangulo ng Taiwan na si President Lai Ching-te.

Depensa ito ni House Senior Deputy Speaker at Pampanga 3rd district Representativre Aurelio Gonzalez Jr. matapos punahin ng China ang congratulatory message ng Pangulo.

Ayon kay Gonzales, ang gesture of goodwill ni Pangulong Marcos Jr. sa lider ng Taiwan ay base sa diplomatic principles ng kanyang administrasyon na ipatupad ang positive international relations.

Sabi ni Gonzales, dapat tandaan ng Chinese Foreign Ministry na pinapangalagaan ng Pilipinas ang diplomatic relations sa China.

Giit ni Gonzales, hindi maituturing na paglabag ang pagiging pagkakaroon ng mabuting relasyon ng Pilipinas sa iba pang mga kapitbahay na bansa sa Asya.

Pagkilala din anya ito sa malalim nang relasyon ng Pilipinas sa Taiwan kung saan malaking bilang ng mga Pilipino ang nagtatrabaho doon.

Una rito, ipinatawag ng Chinese Foreign Ministry si Philippine Ambassador to China Jaime FlorCruz para ipaliwanag ang ginawa ni Pangulong Marcos Jr. na umanoy paglabag sa One China Policy.

Sa ginawang pagbati ni Pangulong Marcos Jr. kay President Lai, ipinarating ng China ang mensahe - and to quote “ not to play with fire “  at pakikialam umano sa kanilang internal affairs. wantta join us? sure, manure...

rpp Speaker Romualdez nakipagpulong sa mga manager ng nangungunang sovereign wealth fund

Nagbukas ng pintuan para sa ugnayan at kolaborasyon ang pakikipagpulong ni Speaker Ferdinand Martin G. Romualdez nitong Martes, (oras sa Switzerland) sa mga manager ng mga nangungunang sovereign fund at pangunahing lider ng ibang bansa sa ikalawang araw ng 2024 Annual Meeting ng World Economic Fund sa Davos.

Pinangunahan ni Romualdez ang delegasyon ng Pilipinas sa taunang pulong ng WEF ngayong 2024 na ang pangunahing layunin na makahikayat ng dagdag na foreign investments sa pamamagitan ng Maharlika Investment Fund upang magpatuloy ang pag-angat ng ekonomiya at makalikha ng mapapasukang trabaho para sa mga Pilipino.

“These high-level engagements with international business leaders and policymakers in this years’ WEF annual meeting are invaluable as they provide us with opportunities to explore avenues for partnerships, collaborations, and investment opportunities to unleash the potential of the Maharlika Investment Fund for the benefit of the nation and our people,” ani Romualdez. 

Kasama sa prominenteng opisyal na nakaharap ni Romualdez sa sidelines ng WEF si Israfil Mamadov, Chief Executive Officer ng State Oil Fund ng Republic of Azerbaijan (SOFAZ). Hanggang nitong Marso 31, 2023 tinatayang nasa 53, 437.6 milyong dolyar ang asset ng SOFAZ.

Natanggap ng SOFAZ ang United Nations Public Service Award para sa Improving Transparency, Accountability, at Responsiveness in Public Service noong 2007.

Nakipagpulong din si Speaker Romualdez sa chairman ng Singapore state investment firm Temasek Holdings Limited na si Lim Boon Heng.

Naitatag ang Temasek Holdings at mayroong 11 opisina sa buong mundo. Nakatuon ang corporate arm nito sa investment portfolios.

Nitong 2023, ang net portfolio ng Temasek ay nagkakahalaga ng 287 bilyong dolyar, kung saan 27 bilyong dolyar ay divested at 31 bilyong dolyar naman ang ipinuhunan nang taong iyon.

“The exchange of ideas, best practices and insights on the management, investment policies and insights on sovereign wealth fund could prove invaluable in helping realize the vision of President Ferdinand R. Marcos, Jr. for the MIF as a catalyst for our nation’s growth and development,” saad ni Romualdez.

Ipinakilala ni Pangulong Marcos Jr., sa international community ang MIF sa soft launch nito noong siya ay dumalo sa WEF annual meeting noong nakaraang taon.

Nakaharap din ni Speaker Romualdez ang kanyang Swiss counterpart, na si Eric Nussbaumer, pangulo ng National Council (Parliament) of Switzerland at kanilang pinag-usapan ang pagpapalakas ng ugnayan ng Pilipinas at Switzerland.

Tinukoy ni Romualdez na ang Pilipinas, sa ilalim ng administrasyong Marcos Jr. ay isinusulong ang pagpapalakas ng paggamit ng renewable energy.

Nagkaroon din ng pulong si Romualdez kasama si Vietnam Prime Minister Pham Minh Chinh, na una na niyang nakaharap sa bilateral meeting ni Pangulong Marcos Jr. sa sidelines ng 43rd ASEAN Summit sa Indonesia Setyembre ng nakaraang taon.

Nakatakdang bumisita si Pangulong Marcos sa Vietnam sa katapusan ng Enero para sa isang state visit kung saan inaasahang lalagdaan ang kasunduan para sa pagsusuplay ng bigas sa bansa.

Para kay Romualdez, ang mga ugnayang ito kasama ang mga policymakers ay patotoo na isang magandang plataporma ng WEF para sa kolaborasyon at pagtutulungan para tugunan ang mga isyung pandaigdig at makapaglatag ng mga polisiya para harapin ang mga hamong kapwa kinakaharap ng mga bansa. (END) wantta join us? sure, manure...

medAff NON-IMPLEMENTATION’ NG MGA BENEPISYO PARA SA MGA SENIORS, PWDs AT SOLO PARENTS, INIMBESTIGAHAN NG KAPULUNGAN

Alinsunod sa gabay ni Speaker Ferdinand Martin Romualdez, nagdaos ng isang motu propio na imbestigasyon ang Kapulungan ng mga Kinatawan ngayong Miyerkules, sa umano’y pagtanggi ng ilang mga establisimyento na maggawad ng diskwento at mga insentibo sa mga senior citizens, na isang malinaw na paglabag sa umiiral na batas. 

Ito ay ayon sa Republic Act (RA) 7277, o ang Magna Carta for Disabled Persons, na inamyendahan, at RA 9994 o ang Expanded Senior Citizens Act of 2010, na nagbibigay ng diskwento sa mga persons with disabilities (PWDs), senior citizens, at solo parents at tax exemptions at iba pang mga insentibo. 

Ang imbestigasyon ay magkasanib na isinagawa ng Komite ng Ways and Means na pinamumunuan ni Albay Rep. Joey Sarte Salceda, at Komite ng Senior Citizens na pinamumunuan ni Senior Citizens Party-list Rep. Rodolfo Ordanes, kabilang na ang Espesyal na Komite ng Persons with Disabilities na pinamumunuan ni Agusan del Sur Rep. Alfelito Bascug. 

Nanawagan si Speaker Ferdinand Martin G. Romualdez ng imbestigasyon sa usapin matapos na makatanggap ng mga ulat mula sa mga senior citizens at PWDs na tinatanggihang gawaran ng diskwento sa ilalim ng mga umiiral na batas. Iminungkahi ni Salceda ang mga sumusunod upang tugunan ang usapin: 1) linawin ang mga pagkalito hinggil sa paggagawad ng diskwento kung saan ay naka ‘promo’ na umano ang mga produktong kanilang ibinebenta; 2) lumikha ng isang tanggapan katumbas ng National Council for Disability Affairs (NCDA) at ng National Commission of Senior Citizens (NCSC) para sa mga solo parents; at 3) lumikha ng sapat na revenue streams para pondohan ang mga komprehensibong pag-iingat sa lipunan na tutugon sa mga pangangailangan ng mga natukoy na sektor. 

Iginiit ni Ordanes ang pangangailangan na matugunan ang mga puwang sa pagpapatupad ng batas para sa “a more compassionate society that genuinely honors and cares for these valued members of our community.” 

Hinimok ni Salceda na ang umiiral na batas na naggagawad ng diskwento bukod sa mga naka ‘promo’ ay maayendahan, “Discounts should still apply to the promo. 

The general public gets 30% and this special sector also gets 30%? So, where is the preference there?” Sa isinagawang imbestigasyon, nilinaw rin na ang mga gamot at mga kagamitang pang medikal ay dapat na sakop ng mga espesyal na pribilehiyo at ang mga dietary supplements ay hindi. 

Binanggit ni Ordanes na ilang panukala na ang naihain, na nagpapalawig sa sakop na mga produkto kung saan ay may diskwento. 

Iniulat ni Salceda na tatalakayin ng Komite ang mga naturang panukala upang makapaglabas ng komprehensibo at pinalawig na programang benepisyo para sa mga senior citizens, PWDs, at mga solo parents. 

Samantala, ipinahayag ni Lawyer Rhealeth Krizelle Ramos, National Council on Disability Affairs (NCDA) Programs Management Division chief, na tinitingnan ng ahensya ang mas direktang serbisyo para sa mga PWDs sa kanayunan. 

Ipagpapatuloy ng lupon ang talakayan hinggil sa usapin sa ika-23 ng Enero. wantta join us? sure, manure...

kath Malaking bagay na rin ang pagiging bukas ng Senado sa pag-amiyenda ng Saligang Batas. 

Ito ang tugon ni Ways and Means Committee Chair Joey Salceda ng mahingan ng reaksyon kaugnay sa itinutulak na Resolution of Both Houses No. 6 ng Senado sa pangunguna ni Senate President Juan Miguel Zubiri.

Ayon Salceda, kung titignan ang records, umabot na ng 358 na panukala ang inihain sa Kamara mula pa 8th Congress para amiyendahan ang konstitusyon, ngunit lahat ng ito, “namamatay” pagdating sa senado

Katunayan 54 dito ay inihain pagkatapos mismo ng unang constitutional convention.

Aminado naman si Salceda, na isa ring ekonomista na ang bersyon ng Senado ng charter change ay may maliit lamang na impact sa ekonomiya.

Sa ilalim kasi ng RBH 6, tatlong probisyon lamang ang babaguhin na mayroon lamang aniyang impact na 2% growth.

Habang ang 7 point RBH2, na naunang pinagtibay ng Kamara noong 18th Congress ay makapagdadala ng dagdag na 14% sa ekonomiya..

Kaya maigi aniya na mag-usap ang liderato ng Senado at Kamara wantta join us? sure, manure...

edGalv Napilitang alisin ng popular coffee chain Starbucks ang cap na nakapataw sa 20-percent discount para sa mga senior citizens at persons with disability (PWDs) na legal na may karapatan.

Sa hearing ng House committee on ways and means chaired by Albay Rep. Joey Salceda sa direktiba ni Speaker Martin Romualdez, kinilala ni Angela Cole, nagpakilala bilang operations director ng Starbucks Coffee ang kanilang pagkakamali sa iniutos nila ang   “immediate removal of the erroneous signages.”

Ayon kay Cole, ang signages, kung saan pinahihigpitan ng  Starbucks ang legally-mandated discount sa “one food item” at “one beverage,” ay hindi wasto ang bigkas.”

Ginawa ni Cole ang pahayag kaugnay ng agwat sa implementasyon ng batas sa diskwento, pribilehiyo at iba pang benepisyo para sa mga senior citizens, PWDs at solo parents.

Si Speaker Romualdez, principal author ng batas sa pagpapalawig ng mga benepisyo para sa mga senior citizens at PWDs ang nag-order ng imbestigasyon makaraang makatanggap ng mga reklamo sa pagkabigo ng ilang establishmento sa pagsunod nito sa kaugnay na batas. 

Isa na nga ang reklamo sa limitasyon ng Starbucks sa application ng  20-percent discount.

Hiniling ni Salceda sa Rustan’s Coffee Corp., ang local Starbucks licensee, na tugunan ang pagkakamali, sa kabuuan gawin ang buy-one-take-one offer sa mga senior citizens at PWDs, gaya ng buy one croissant, take one beverage. wantta join us? sure, manure...

rpp Matapos paimbestigahan sa Kamara, Starbucks atras sa bawas-discount sa seniors

Matapos ipag-utos ni Speaker Ferdinand Martin G. Romualdez ang pagsasagawa ng imbestigasyon, iniatras ng sikat na coffee chain Starbucks ang paglimita sa nakukuhang 20 porsyentong diskwento ng mga senior citizens at persons with disabilities (PWD).

Sa pagdinig ng House committee on ways and means, inamin ni Angela Cole, ang operations director ng Starbucks Philippines, ang naging pagkakamali sa paglimita sa ibinibigay na diskwento at sinabi na agad umanong ipinatanggal ang maling signage na naipaskil sa mga outlet nito.

Nakasaad sa kontrobersyal na signage ng Starbucks na ang discount ay ibibigay lamang sa isang food item at isang inumin.

Ipinag-utos ni Speaker Romualdez ang pagsasagawa ng imbestigasyon matapos na makatanggap ng ulat na hindi nasusunod ang pagbibigay ng discount sa mga PWD at senior citizen. Si Speaker Romualdez ang pangunahing may-akda ng batas na nagbibigay ng diskwento sa mga senior at PWD.

Isa sa mga reklamong natanggap nito ang paglimita ng Starbucks sa maaaring bigyan ng 20 porsyentong discount.

Sinabi ni ACT Teachers Partylist Rep. France Castro na kung hindi pa nagpatawag ng imbestigasyon si Speaker Romualdez ay hindi babawiin ng Starbucks ang pagkakamali nito.

Nagpasalamat naman si Parañaque City Rep. Gus Tambunting kay Speaker Romualdez. “Salamat sa ating Speaker. Sana mabawas-bawasan na ang pang-aagrabiyado sa ating mga senior citizen at PWD,” anito.

Tinukoy din ni Speaker Romualdez ang pagsasampa ng kaso ng Pasig Prosecutor’s Office laban sa dalawang opisyal ng isang hotel sa Pasig City na tumangging magbigay ng discount sa parokyanong senior citizen.

Upang makabawi sa kanilang pagkakamali, humirit naman ang chairman ng komite na si Albay Rep. Joey Salceda na magbigay ang Rustan’s Coffee Corp., ang local licensee ng Starbucks, ng buy-one-take-one sa mga senior citizens at PWDs gaya ng pagbibigay ng libreng inumin sa pagbili ng isang croissant.

“You violated the law. Saying sorry is not enough. We will consider initiating prosecution,” sabi ni Salceda kay Cole na sumagot naman na ipararating nito ang kanyang sinabi sa kanyang mga principal.

Ayon kay Salceda nakatanggap din ito ng kaparehong reklamo laban sa Goldilocks na nililimita umano ang 20-percent discount sa isang slice ng cake.

“We will look into this as well,” sabi ni Salceda.

Sa pagdinig ng komite, sinabi ni Atty. Romulo Macalintal na ang tinutukoy na hotel ay ang Marco Polo Hotel-Pasig.

“We are expecting arrest warrants to be issued today (Wednesday) against responsible hotel officers,” sabi ni Macalintal.

Ayon kay Salceda ang 20 porsyentong discount ay dapat ibigay sa mga senior citizen at PWD maging promotional man ang kanilang presyo o hindi.

“The application of these laws should be universal,” sabi ni Salceda.

Dapat ay ibinibigay din umano ang discount kahit na sa pagbili online, kasama ang mga airline tickets.

“I know that Philippine Airlines and Cebu Pacific have options on their websites for elderly passengers to avail themselves of the discount,” wika pa ni Salceda.

Sinabi naman ni Macalintal na dapat maibigay ang discount sa mga senior citizen kahit na ibinook ito online.

“The customer is not a party to whatever contract the booking site and the hotel have,” saad pa ng abugado.

Itinulak din ni Macalintal ang pagbabalik ng ibinibigay na discount sa mga senior citizen at PWD sa paggamit ng expressways at skyway.

Ayon kay Salceda magrerekomenda ang komite ng mga remedial legislation at regulasyon upang maitama ang mga kalituhan sa pagpapatupad ng batas na nagbibigay ng discount sa mga senior citizens, PWDs at solo parents.

“The Speaker wants us to scrutinize compliance with these laws by business establishments and service provides and ensure their proper and effective implementation,” dagdag pa ni Salceda. (END) wantta join us? sure, manure...